మనం ఎక్కడి నుంచి వచ్చాం అనేది మరచిపోతే వేస్ట్.. వరుణ్ తేజ్ తీవ్ర వ్యాఖ్యలు బన్నీని ఉద్దేశించేనా ?

వరుణ్ తేజ్ నటించిన లేటెస్ట్ మూవీ మట్కా. మాఫియా బ్యాక్ డ్రాప్ లో పీరియడ్ ఫిలిం గా మట్కా తెరకెక్కింది. నవంబర్ 14న ఈ చిత్రం గ్రాండ్ రిలీజ్ అవుతోందది. దీనితో తాజాగా ప్రీ రిలీజ్ ఈవెంట్ నిర్వహించారు. కరుణ కుమార్ దర్శకత్వంలో ఈ చిత్రం తెరకెక్కింది. మీనాక్షి చౌదరి ఈ చిత్రంలో హీరోయిన్ గా నటించింది. నోరా ఫతేహి, నవీన్ చంద్ర కీలక పాత్రలో నటించారు. ప్రీ రిలీజ్ ఈవెంట్ లో వరుణ్ తేజ్ మాట్లాడుతూ కీలక వ్యాఖ్యలు చేశాడు. 

ఒకింత వరుణ్ తేజ్ వ్యాఖ్యలు కాంట్రవర్సీ అయ్యేలా ఉన్నాయి. ఎందుకంటే వరుణ్ తేజ్ చేసిన కామెంట్స్ ని అల్లు అర్జున్ ఫ్యాన్స్, ఇతర నెటిజన్లు వెంటనే అల్లు అర్జున్ కి కనెక్ట్ చేసేస్తున్నారు. వరుణ్ తేజ్ మాట్లాడుతూ మట్కా చిత్రం వాసు అనే పాతికేళ్ల కుర్రాడి జీవితంలో జరిగిన కథ. 50 ఏళ్ళ వరకు వాడి లైఫ్ ఎలా మారింది.. మట్కా కింగ్ గా ఎలా ఎదిగాడు లాంటి అంశాలు చూపించాం. నా గత చిత్రాలు సరిగ్గా ఆడలేదు. ఈ మూవీతో గట్టిగా కొడతాం అనే నమ్మకం ఉంది అని వరుణ్ తేజ్ తెలిపారు. 

నేను ఎప్పుడైనా బాధలో ఉంటే చరణ్ అన్న వెంటనే ఫోన్ చేస్తాడు. చరణ్ అన్న ఒక్క మాట చెబితే చాలు ఎనెర్జీ తిరిగి వస్తుంది. ప్రతి ఈవెంట్ లో చరణ్ అన్న గురించి, బాబాయ్ గురించి, పెదనాన్న గురించి మాట్లాడుతున్నాను. కొందరు వరుణ్ తేజ్ ఎందుకు లా ప్రతి సారి వాళ్ళ గురించి మాట్లాడతాడు అని అనుకోవచ్చు. నేను కచ్చితంగా వాళ్ళ గురించి మాట్లాడతా ఎందుకంటే వాళ్ళు నా ఫ్యామిలీ. 

నువ్వు ఎక్కడి నుంచి మొదలుపెట్టావ్, ఎక్కడి నుంచి వచ్చావ్, నీ వెనుక సపోర్ట్ ఎవరు అనే విషయాలు ఎప్పుడూ మరచిపోకూడదు.. నువ్వు సక్సెస్ అవ్వొచ్చు అవ్వక పోవచ్చు.. కానీ నీ వెనుక ఉన్న వాళ్ళని మరచిపోతే నీ సక్సెస్ అందుకూ పనికిరాదు అంటూ వరుణ్ తేజ్ సంచలన వ్యాఖ్యలు చేశారు. 

వరుణ్ తేజ్ చేసిన ఈ వ్యాఖ్యలు బన్నీని ఉద్దేశించేనా అనే తీవ్రమైన చర్చ సోషల్ మీడియాలో మొదలైపోయింది. సినిమా రిలీజ్ కి ముందు వరుణ్ ఇలాంటి కాంట్రవర్షియల్ కామెంట్స్ ఎందుకు చేశాడో అర్థం కావడం లేదు అని నెటిజన్లు అంటున్నారు. మరి వరుణ్ కామెంట్స్ ఎంత దూరం వెళతాయో చూడాలి.