‘ఎన్టీఆర్ 31’ విషయంలో ప్రశాంత్ నీల్ కీలక నిర్ణయం.. అలా ప్లాన్ చేస్తున్న స్టార్ డైరెక్టర్!

సెన్సేషనల్ డైరెక్టర్ ప్రశాంత్ నీల్ దర్శకత్వంలో యంగ్ టైగర్ ఎన్టీఆర్ నటించబోతున్న చిత్రం ‘ఎన్టీఆర్31’. తాజాగా ఈ చిత్రంపై క్రేజీ న్యూస్ వైరల్ అవుతోంది. మేకింగ్ విషయంలో కీలక నిర్ణయం తీసుకున్నట్టు తెలుస్తోంది.  

‘ఆర్ఆర్ఆర్’ తర్వాత యంగ్ టైగర్ ఎన్టీఆర్ (NTR) సినిమాల కోసం అభిమానులు ఎంతగానో ఎదురుచూస్తున్నారు. ఆర్నెళ్ల నుంచి తారక్ తదుపరి సినిమాలపై ఎలాంటి అప్డేట్ రాకపోవడంతో అప్సెట్ అవుతున్నారు.  ఎన్టీఆర్ 30, 31వ చిత్రాల నుంచి ప్రస్తుతం అప్డేట్స్ కోసం ఎదరుచూస్తున్నారు. 

ఈ క్రమంలో ‘ఎన్టీఆర్ 31’ నుంచి సాలిడ్ అప్డేట్ అందింది. ఎన్టీఆర్ ఫ్యాన్స్ ఖుషీ అయ్యేలా అదిరిపోయే న్యూస్ ఒకటి నెట్టింట సినీ వర్గాల్లో చక్కర్లు కొడుతోంది. మరికొద్ది నెలల్లో ఈ  సాలిడ్ యాక్షన్ ఫిల్మ్ సెట్స్ పైకి వెళ్లనుంది. ఇప్పటి నుంచే కొద్దికొద్దిగా పనులు మొదలు పెడుతున్నట్టు తెలుస్తోంది. 

అయితే ‘ఎన్టీఆర్31’ను తెలుగు బ్యానర్ మైత్రీ మూవీ మేకర్స్ సంస్థ నిర్మించనున్న విషయం తెలిసిందే. ఈ చిత్రాన్ని పాన్ ఇండియా స్థాయిలో తెరకెక్కించనున్నారు. ఈ సందర్భంగా ప్రశాంత్ నీల్ చిత్ర నిర్మాణంపై కీలక నిర్ణయం తీసుకున్నట్టు తెలుస్తోంది.

తాజా సమాచారం ప్రకారం..  NTR31ను కేవలం తెలుగులోనే రూపొందించకుండా.. కన్నడలోనూ నిర్మించనున్నట్టు తెలుస్తోంది. మొదట తెలుగులో నిర్మించిన మిగితా భాషల్లో డబ్ చేయాలని భావించారంట. కానీ, ఒకేసారి తెలుగుతో పాటు కన్నడలోనూ నిర్మించబోతున్నట్టు సమాచారం అందుతోంది.

తారక్ కు కూడా కన్నడ భాష స్పష్టంగా రావడంతో పాటు అక్కడా ఆయనకు వీరాభిమానులు ఉండటం మూలంగా డైరెక్ట్ గా కన్నడలోనే నిర్మించాలని భావిస్తున్నారంట. మరోవైపు ఎన్టీఆర్ తల్లి కూడా కన్నడ ప్రాంతానికి చెందినది కావడంతో ‘ఎన్టీఆర్ 31’ను కన్నడ, తెలుగులో బైలింగ్వల్ గా తెరకెక్కించనున్నట్టు తెలుస్తోంది. ఇప్పటికే ‘ఎన్టీఆర్31’ నుంచి వచ్చిన పోస్టర్ తోనే అంచనాలు ఏర్పడ్డాయి.

ప్రస్తుతం ప్రశాంత్ నీల్, పాన్ ఇండియా స్టార్ ప్రభాస్ (Prabhas)తో అవుట్ అండ్ అవుట్ యాక్షన్ ఫిల్మ్ ‘సలార్’ను తెరకెక్కిస్తున్నారు. ఇక తారక్ కూడా తన తదుపరి చిత్రం ‘ఎన్టీఆర్ 30’పై ఫోకస్ పెట్టారు. త్వరలోనే సెట్స్ పైకి వెళ్లనుంది. ఇక ‘ఎన్టీఆర్31’ చిత్రాన్ని వచ్చే ఏడాది స్టార్ చేయబోతున్నట్టు ఇప్పటికే ప్రశాంత్ నీల్ కూడా క్లారిటీ ఇచ్చిన విషయం తెలిసిందే.