స్టార్ హీరోల్లో మహేష్ చాలా ప్రత్యేకం. అందుకే ఆయనకు అశేష అభిమానులు ఉన్నారు. నేడు మహేష్ జన్మదినం కాగా... ఆయన 47వ ఏట అడుగు పెడుతున్నారు. ఈ సందర్భంగా మహేష్ గురించి అరుదైన విషయాలు చర్చకు వస్తున్నాయి.
పువ్వు పుట్టగానే పరిమళిస్తుందన్నట్లు... నటుడుగా తానేమిటో పసిప్రాయంలోనే మహేష్(Mahesh babu) నిరూపించుకున్నాడు. సూపర్ స్టార్ కృష్ణ నటవారసుడిగా తండ్రికి తగ్గ తనయుడు అనిపించుకున్నాడు. చైల్డ్ ఆర్టిస్ట్ గా స్టార్ డమ్ తెచ్చుకున్న ఏకైక నటుడు మహేష్ బాబు. టీనేజ్ లోనే మహేష్ సోలో హీరోగా సినిమాలు చేశాడు. అలాగే అన్న, నాన్నలతో కలిసి మల్టీస్టారర్స్ లో నటించారు.
ఇక చెన్నైలో పుట్టి పెరిగిన మహేష్(HBD Mahesh Babu) కి తెలుగు చదవడం, రాయడం రాదు. ఆయనకు ఇంగ్లీష్ భాషపై మంచి పట్టు ఉంది. ఇంగ్లీష్ లో అనర్గళంగా మాట్లాడగలిగిన మహేష్ బాగా రాయగలరు. ఇక మహేష్ కి కోలీవుడ్ కి చెందిన ఇద్దరు టాప్ స్టార్స్ క్లాస్ మేట్స్ కావడం విశేషం.
అప్పట్లో టాలీవుడ్ కూడా చెన్నైలో ఉండేది. కాబట్టి మన తెలుగు హీరోల నివాసాలు కోలీవుడ్ స్టార్స్ నివాసాలు ఉండే ప్రాంతాల్లో ఉండేవి. కోలీవుడ్ నటులతో సన్నిహిత సంబంధాలు కలిగి ఉండేవారు. ఇక వాళ్ళ పిల్లలు వీళ్ళ పిల్లలు ఓకే స్కూల్ లో చదువుకొనేవారు.
ఈ క్రమంలో మహేష్ కి కోలీవుడ్ లో స్టార్ హీరోలుగా ఉన్న కార్తీ, విజయ్ క్లాస్ మేట్స్ అట. ఈ ముగ్గురు కలిసి చదువుకున్నారట. పలు సందర్భాల్లో ఈ విషయాన్ని ఈ హీరోలు వెల్లడించారు. కార్తీ నటుడు శివ కుమార్ చిన్న కొడుకు కాగా, సూర్య ఆయనకు పెద్ద కుమారుడు.
ఇక విజయ్ దర్శకుడు చంద్రశేఖర్ కుమారుడు. చిత్ర పరిశ్రమకు చెందిన కుటుంబాలు కావడంతో ఈ ముగ్గురు ఒకే విద్యాసంస్థలో చదువుకున్నారు. అలాగే మహేష్ తో విజయ్ కి మరొక సంబంధం ఉంది. మహేష్ కెరీర్ లో బిగ్గెస్ట్ హిట్స్ గా ఉన్న ఒక్కడు, పోకిరి చిత్రాలను విజయ్ రీమేక్ చేశాడు. తమిళంలో కూడా భారీ విజయం సాధించిన ఈ మూవీస్ విజయ్ ఇమేజ్ పెంచాయి.
మరోవైపు మహేష్ భర్త డే పురస్కరించుకుని తెలుగు రాష్ట్రాల్లో ఒక్కడు, పోకిరి చిత్రాల స్పెషల్ షోస్ ప్రదర్శించారు. కొత్త చిత్రాల విడుదలకు ఏమాత్రం తగ్గకుండా రెస్పాన్స్ దక్కింది. ఫ్యాన్స్ ఈ చిత్రాలు ఆడుతున్న థియేటర్స్ కి పోటెత్తారు. మొత్తంగా మహేష్ బర్త్ డే గ్రాండ్ గా ఫ్యాన్స్ సెలబ్రేట్ చేసుకుంటున్నారు.