బిగ్ బాస్ శ్రీసత్యకు హైపర్ ఆది వార్నింగ్... నిన్ను తొక్కేయకపోతే చూడంటూ బుల్లితెర స్టార్ ఫైర్! గొడవేంటి?

బుల్లితెర మీద తిరుగులేని హవా సాగిస్తున్న హైపర్ ఆది...  బిగ్ బాస్ శ్రీసత్యకు నేరుగా వార్నింగ్ ఇచ్చాడు. నిన్ను తొక్కేయకపోతే నా పేరు ఆదినే కాదంటూ సవాల్ విసిరాడు. శ్రీసత్య చేసిన తప్పేంటి...   

హైపర్ ఆదికి బులితెరపై తిరుగులేదు. ముఖ్యంగా ఈటీవిలో ఆధిపత్యం మనోడిదే. జబర్దస్త్ వేదికగా హైపర్ ఆది వెలుగులోకి వచ్చాడు. టీమ్ లీడర్ అయ్యాక అతడు జబర్దస్త్ కి ప్రత్యేక ఆకర్షణగా నిలిచాడు. హైపర్ ఆది స్కిట్స్ కి విపరీతమైన ఆదరణ దక్కేది. టీఆర్పీని హైపర్ ఆది పరుగులు పెట్టించాడు.

యూట్యూబ్ లో హైపర్ ఆది స్కిట్స్ కి భారీ వ్యూస్ వచ్చేవి. హైపర్ ఆది జబర్దస్త్ లో సక్సెస్ అయిన నేపథ్యంలో మల్లెమాల సంస్థ ఢీ డాన్స్ రియాలిటీ షోలో కూడా హైపర్ ఆదికి ఛాన్స్ ఇచ్చింది. అక్కడ కూడా హైపర్ ఆది సక్సెస్. ఢీ షోలో జడ్జెస్, యాంకర్స్ ఒకరిపై మరొకరు వేసుకునే జోక్స్ హైపర్ ఆది రాసినవేనట. అవి ప్రాక్టీస్ చేసి అప్పటికప్పుడు మాట్లాడినట్లు కలరింగ్ ఇస్తారు. 

Hyper Aadi

జబర్దస్త్ మానేసిన హైపర్ ఆది... ఢీ, శ్రీదేవి డ్రామా కంపెనీ షోలలో సందడి చేస్తున్నాడు. ప్రస్తుతం జబర్దస్త్ కి పెద్దగా ఆదరణ లేదు. మల్లెమాల సంస్థకే చెందిన ఢీ, శ్రీదేవి డ్రామా కంపెనీ షోలు దూసుకుపోతున్నాయి. అందుకు హైపర్ ఆది కూడా కారణం. ఈ రెండు షోలలో ఆధిపత్యం హైపర్ ఆదిదే. చెప్పాలంటే ఆది ఆడిందే ఆటా.. పాడిందే పాట. 

Hyper Aadi

ఢీ సెలబ్రిటీ స్పెషల్ సీజన్ 2లో హైపర్ ఆది ఒక టీమ్ కి లీడర్ గా వ్యవహరిస్తున్నాడు. తాజా ఎపిసోడ్ లో మరొక లీడర్ గా ఉన్న శ్రీసత్యకు వార్నింగ్ ఇచ్చాడు. నిన్ను అధఃపాతాళానికి తొక్కకపోతే నా పేరు హైపర్ ఆదినీ కాదు అన్నాడు. హైపర్ ఆదికి ఎంత పొగరు కాకపోతే ఒక అమ్మాయికి నేరుగా అందరి ముందు తొక్కేస్తానని వార్నింగ్ ఇస్తాడని అసహనం వ్యక్తం చేస్తున్నారు. 

Hyper Aadi

అయితే ఇది కామెడీలో భాగం కావచ్చని అంటున్నారు. కేవలం మనం ప్రోమో చూసి ఒక నిర్ణయానికి రావడం సరికాదు. ఫుల్ ఎపిసోడ్ చూస్తే కానీ మనకు నేపథ్యం తెలియదని అంటున్నారు. ఇక శ్రీసత్య విషయానికి వస్తే... ఆమె కొన్ని చిత్రాల్లో నటించారు. బిగ్ బాస్ సీజన్ 6లో పాల్గొని పాప్యులర్ అయ్యింది. 

Hyper Aadi

శ్రీసత్య హౌస్లో సత్తా చాటింది. 15వ వారంలో అడుగుపెట్టిన శ్రీసత్య ఫైనల్ కి వెళ్లే ఛాన్స్ కొంచెం లో మిస్ చేసుకుంది. ఆమెను మిడ్ వీక్ లో ఎలిమినేట్ చేశారు. కాగా శ్రీసత్య తన గేమ్ అత్యంత నెగిటివిటీ మూటగట్టుకుంది. సిరి లవర్ శ్రీహాన్ తో ఫ్రెండ్షిప్ అంటూ దగ్గరైంది. హౌస్లోకి వచ్చిన సిరి.. శ్రీసత్యకు దూరంగా ఉండాలని శ్రీహాన్ కి సూచించింది. అప్పటి నుండి గేమ్ మీద శ్రీహన్ ఫోకస్ పెట్టాడు. శ్రీహన్ రన్నర్ గా నిలిచిన సంగతి తెలిసిందే...