ఆ బిడ్డను బాధ పెట్టే హక్కు ఎవరికీ లేదని.. ఈ విషయంలో మిమ్మల్ని మాత్రమే కాదు.. దేవుడిని అయినా ఎదురిస్తాను అని చెప్పేస్తుంది.
BrahmaMudi 25th March Episode: బిడ్డకు పాలు ఎలా కాయాలో తెలియక ఇబ్బంది పడుతుంటే.. కావ్య.. ఆ పాలు తాను కాచి తెస్తాను అని.. లోపలికి వెళ్లమని చెబుతుంది. రాజ్ వెళ్లిపోతాడు. కావ్య.. పాల సీసా పట్టుకొని లోపలికి వెళ్తుంటే.. ధాన్యలక్ష్మి, అనామిక సెటైర్లు వేస్తారు. మీకు సమాధానం చెప్పాల్సిన అవసరం తనకు లేదని కావ్య అంటుంది. కానీ.. తనకు సమాధానం చెప్పాల్సిందే అని.. అపర్ణ పట్టుపడుతుంది. తన మాట అంటే లెక్కలేదా అని నిలదీస్తుంది.
దానికి కావ్య బదులిస్తుంది. తప్పు చేసింది మీ అబ్బాయి అని, శిక్ష పడాల్సింది కూడా మీ అబ్బాయికే అని.. ఏపాపం తెలియని పసిబిడ్డకు కాదని కావ్య అంటుంది. డబ్బు మీద ఆశ ఉంటే.. తాను ఈ ఇంట్లోకి అడుగుపెట్టినప్పుడే చాలా సంపాదించుకునేదాన్ని అని.. కానీ.. తనకు అందరిలా ఆ డబ్బుమీద ఆశలేదని చెబుతుంది. ఇక.. తప్పు చేస్తే.. ఆ తప్పు సరి చేయాలని చూడాలి కానీ... డబ్బుతో కప్పిపెట్టకూడదని అత్తకు క్లాస్ పీకుతుంది. ఆ బిడ్డను బాధ పెట్టే హక్కు ఎవరికీ లేదని.. ఈ విషయంలో మిమ్మల్ని మాత్రమే కాదు.. దేవుడిని అయినా ఎదురిస్తాను అని చెప్పేస్తుంది.
అప్సుడే ఇందిరాదేవి ఎంట్రీ ఇస్తుంది. కావ్య చెప్పిన మాటలను మెచ్చుకుంటుంది. నా మనవరాలివి అనిపించుకున్నావ్ అని శుభాష్ అంటుంది. అసలు రాజ్ ని తాను ఎంత బాగా అర్థం చేసుకుందో.. రాజ్ విషయంలో ఎలాంటి నిర్ణయం తీసుకుందో మీకు ఎవరికీ చెప్పినా కూడా అర్థం కాదు.. అని కావ్యకు సపోర్ట్ ఇస్తుంది. ఇక.. కావ్య పాల బాటిల్ తో.. రాజ్ దగ్గరకు వెళ్తుంది.
బాబు ఏడుస్తూ ఉంటాడు. అప్పుడే కావ్య తెచ్చి.. పాల బాటిల్ ఇస్తుంది. బాబుకి పాలు తాగించి రాజ్ థ్యాంక్స్ చెబుతాడు. థ్యాంక్స్ ఎందుకు అని కావ్య అంటుంది. తనతోపాటు బాధ్యతలు పంచుకున్నందుకు అని అంటాడు. బాధ్యత పంచుకున్నంత మాత్రన.. బాబుని పెంచుకోను అని చెబుతుంది. చాలా సేపు తనకు జరిగిన అన్యాయం గురించి ప్రశ్నలమీద ప్రశ్నలు వేస్తుంది. ఆ ప్రశ్నలకు తాను సమాధానం చెప్పలేను అని రాజ్ అంటాడు. అయితే.. కావ్య మాత్రం బాధపడాల్సిన అవసరం లేదని... విడాకులు ఇవ్వగలను అని చెబుతాడు.
వెంటనే.. గతంలో కావ్య తన చేతిలో పెట్టిన విడాకుల కాగితాలపై రాజ్ సంతకం పెడతాడు. పెట్టి.. ఈ నరకం నుంచి నీకు విముక్తి కలిగిస్తున్నాను అని అంటాడు. ఇక.. విడిపోవడం నీ చేతిలోనే ఉంది అని కూడా చెబుతాడు. ఆ మాటలకు కావ్య సీరియస్ అవుతుంది. మీరు చెప్పినట్లే పడి ఉండాలా అని అంటుంది. నువ్వు అడిగిందే కదా అని రాజ్ అంటే... ఇప్పటి వరకు నేను అడిగింది మీరు ఏం చేశారు అని అడుగుతుంది.
తాను ఇలా సంతకం పెట్టగానే వెళ్లిపోను అని... ఈ బిడ్డకు తల్లి ఎవరు అనే విషయం తెలిసే వరకు... కట్టుకున్న భార్య ఉండగా.. ఆ తల్లి తల్లి ఎలా అయ్యింది అనే విషయం తేలే వరకు ఈ ఇల్లు వదిలపెట్టి వెళ్లను అని తేల్చి చెబుతుంది. ఆ కాగితాలను మళ్లీ రాజ్ చేతిలోనే పెట్టి వెళ్లిపోతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి