మీరు పక్షపాతం చూపిస్తున్నారని.. ప్రతి విషయంలోనూ అక్క నా కొడుకుని, మీ కొడుకును తిడుతోందని మొన్న ఆయన ఏదో మర్చిపోయారని తిట్టింది.. ఈ రోజు వాడు తొక్కలో కేక్ పడేశాడు అని తిట్టింది అని అంటుంది.
BrahmaMudi 20th march Episode:దుగ్గిరాల ఇంట్లో.. రాజ్, కావ్యల పెళ్లి వేడుకలకు అన్ని ఏర్పాట్లు జరుగుతూ ఉంటాయి. కావ్య మాత్రం దిగాలుగా ఉంటుంది, అయితే.. ఇందిరాదేవి ధైర్యం చెబుతుంది. మా మనవడు మారిపోతాడు అని చెబుతుంది. అంతకంటే నాకు ఏం కావాలి అని కావ్య అంటుంది.
మరోవైపు ఫంక్షన్ కి సంబంధించిన ఏర్పాట్లు చేస్తూ ఉంటారు. ఫ్యామిలీ మెంబర్స్ అందరూ అందంగా రెడీ అయ్యి ఫంక్షన్ దగ్గరకు వస్తారు. అయితే.. అప్పుడే కళ్యాణ్ కేక్ తీసుకొని వస్తాడు. ఆ కేక్ ని టేబుల్ పెడతాడు. తాను పెట్టిన కేక్ ని తానే పొరపాటున కింద పడేస్తాడు. దీంతో.. అపర్ణకు కోపం వస్తుంది. చూసుకోవాలి కదా అని అంటుంది. కళ్యాణ్ క్షమాపణలు చెబుతాడు.. సారీ చెబితే కేక్ మళ్లీ వచ్చేస్తుందా అని అపర్ణ సీరియస్ అవుతుంది.
అంతే.. తన కొడుకుని అన్ని మాటలు అంటావా అని మధ్యలో ధాన్యలక్ష్మి రచ్చ మొదలుపెడుతుంది. అపర్ణ అక్క ఆమెదో రాజమాతలాగా అందరినీ శాసిస్తోంది అని అంటుంది. వెంటనే అనామిక కూడా.. పెద్ద అత్తయ్యకు మనం అలానే కనపడతాం కదా అత్తయ్య అంటుంది. మధ్యలో ఇందిరాదేవి దూరి... ఇప్పుడు ఏం జరిగిందని అంత రాద్దాంతం చేస్తున్నారు.. అవమానం ఏముంది ఇక్కడ అని సీరియస్ అవుతుంది. పనిలో పనిగా.. ధాన్యలక్ష్మి,అనామిక, రుద్రాణిలను కలిపే తిడుతుంది. మీరు పక్షపాతం చూపిస్తున్నారని.. ప్రతి విషయంలోనూ అక్క నా కొడుకుని, మీ కొడుకును తిడుతోందని మొన్న ఆయన ఏదో మర్చిపోయారని తిట్టింది.. ఈ రోజు వాడు తొక్కలో కేక్ పడేశాడు అని తిట్టింది అని అంటుంది.
అయితే.. అపర్ణ సీరియస్ అవుతుంది. నా వాళ్లు అనుకొని మందలించాను అని, నా వాళ్లు కాదు అనుకుంటే.. తన ట్రీట్మెంట్ మరోలా ఉంటుందని చెబుతుంది. అక్కడితో అయిపోదు. అనామిక పై సీరియస్ అవుతుంది. మీ అత్త ఈ మధ్య గడ్డి మేస్తోంది.. నువ్వు కూడా ఆ గడ్డే మేస్తున్నావా? ఆ గడ్డి ఈ ఇద్దరూ కాస్తున్నారా అని రుద్రాణి, రాహుల్ లను కూడా కలిపి తిడుతుంది. పిల్లాకాకి..గెట్ అవుట్ అని అనామికనును గదుముతుంది. దెబ్బకు అనామిక జడుసుకుంటుంది.
రాహుల్, రుద్రాణి తెలివిగా అక్కడి నుంచి పరారౌతారు. ఇక కళ్యాణ్ కూడా అనామిక, ధాన్యలక్ష్మిలపై సీరియస్ అవుతాడు. పెద్దమ్మ అన్నది తనని అని.. తనకు లేని బాధ మీకెందుకు అని తిడతాడు. ప్రతిసారీ అర్హత మర్చిపోయి ప్రవర్తిస్తారు అని గడ్డిపెడతాడు. వాళ్లకు ఆ గడ్డి సరిపోదులేరా అని ప్రకాశం కూడా సెటైర్లు వేస్తాడు. తర్వాత.. మళ్లీ కేక్ తెద్దాం రమ్మని ప్రకాశం.. కళ్యాణ్ ని తీసుకువెళతాడు.
ఇక.. అపర్ణ.. తనకు కూడా కొంత సహనం ఉందని, వీళ్లు ప్రతిసారి రెచ్చగొడుతున్నారని చెబుతుంది. ఈ అత్తా, కోడళ్లు ఈ విషయం తెలుసుకోకపోతే.. నాలోని ఇంకో యాంగిల్ చూస్తారు అని అంటుంది, నీకు నచ్చినట్లు చేయమని ఇందిరాదేవి అపర్ణకు ఫుల్ సపోర్ట్ ఇస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి