బిగ్ బాస్ తెలుగు 8లో పాల్గొన్న ఆదిత్య ఓం... టాప్ 5 ఎవరో తేల్చేశారు. ఆయన ఫైనల్ కి వెళ్లే కంటెస్టెంట్స్ వీరే అంటూ విడుదల చేసిన వీడియో వైరల్ అవుతుంది. కాగా విష్ణుప్రియకు ఊహించని షాక్ తగిలింది.
నటుడు ఆదిత్యం ఓం తెలుగులో పలు చిత్రాలు చేశాడు. లాహిరి లాహిరి లాహిరిలో చిత్రంలో ఒక హీరోగా ఆయన కనిపించారు. ఈ సినిమా సూపర్ హిట్. అనంతరం ధనలక్ష్మి ఐ లవ్ యూ మూవీ చేశాడు. ఇది పర్లేదు అనిపించుకుంది. అయితే వరుస పరాజయాలతో ఆదిత్య ఓం ఫేడ్ అవుట్ అయ్యాడు. టాలీవుడ్ కి దూరమైపోయాడు.
సడన్ గా ఆయన బిగ్ బాస్ షోలో ప్రత్యక్షం అయ్యాడు. లేటెస్ట్ సీజన్ లో కంటెస్ట్ చేశాడు. ఆదిత్య ఓం కి నటుడిగా పేరుంది. మిగతా కంటెస్టెంట్స్ తో పోల్చుకుంటే టాప్ సెలబ్రిటీ అని చెప్పొచ్చు. ఆదిత్య ఓం చాలా కూల్ గా ఉండేవాడు. కాంట్రవర్సీ జోలికి పోడు. నామినేషన్స్ లో సైతం ఆయన అగ్రెషన్ చూపించిన దాఖలాలు లేవు. అలాగే టాస్క్ లలో వెనకబడేవాడు.
ఆదిత్య ఓం కి ఫేమ్ ఉన్నప్పటికీ ప్రత్యేకత చాటుకోవడంలో ఫెయిల్ అయ్యాడు. ఈ కారణంగా ఆదిత్య ఓం ఆశించిన స్థాయిలో ఆడలేదు. 12వ వారం నామినేషన్స్ ప్రక్రియలో ఆదిత్య ఓం రీ ఎంట్రీ ఇచ్చాడు. ఎలిమినేటైన మాజీ కంటెస్టెంట్స్ ఆ వారం హౌస్ మేట్స్ ని నామినేట్ చేశారు. సోనియా, బేబక్క, శేఖర్ బాషా, నైనిక, నాగ మణికంఠ, సీత తో పాటు ఆదిత్య ఓం ఈ ప్రక్రియలో పాల్గొన్నారు.
కాగా ఆదిత్య ఓం ఈ సీజన్ కి గాను టాప్ 5 ఎవరో తేల్చేశాడు. అవినాష్ టికెట్ టు ఫినాలే గెలిచి ఆల్రెడీ ఫైనల్ లో బెర్త్ కన్ఫర్మ్ చేసుకున్నాడు. ఈ క్రమంలో మిగతా నలుగురు కంటెస్టెంట్స్ పేర్లు ఆయన వెల్లడించారు. నిఖిల్ ఖచ్చితంగా ఫైనల్ కి వెళతాడని ఆదిత్య ఓం అన్నారు. నిఖిల్ మంచి ప్లేయర్. టాస్క్ లలో కష్టపడతాడు. మంచో చెడో ఓపెన్ గా చెబుతాడు. 14 వారాలు హౌస్లో ఉండటం అంత సులభం కాదు, అన్నారు.
అనంతరం టాప్ 5 లో ఉండే కంటెస్టెంట్ గౌతమ్ అన్నారు. గౌతమ్ తెలివిగా ఆడుతున్నాడు. అయితే కొన్నిసార్లు ఫేక్ అనిపిస్తుంది. అయినప్పటికీ అతడు టాప్ 5 లో ఉంటాడు. వీరిద్దరి తర్వాత ప్రేరణ ఫైనల్ కి వెళుతుందని ఆదిత్య ఓం అభిప్రాయపడ్డారు. ప్రేరణలో ఉన్న ఎనర్జీ, డిటెర్మినేషన్ ఇంకొకరిలో లేవు. నేను స్టేజ్ మీద కూడా ఈ విషయం చెప్పాను.
ఇక ఫోర్త్ అవినాష్. టికెట్ టు ఫినాలే గెలుచుకున్న అవినాష్ ఫైనల్ కి వెళ్ళాడు. అవినాష్ మంచి ఎంటర్టైనర్. బాగా నవ్విస్తాడు. అయితే అవినాష్ ఎలాంటి వాడో అర్థం కాదు. అతని నిజ స్వరూపం నాకు తెలియ లేదని ఆదిత్య ఓం వీడియోలో చెప్పారు. ఇక ఫైనల్ గా నబీల్ కూడా గ్రాండ్ ఫినాలేకి వెళతాడని అంచనా వేశాడు. నబీల్ లో కొంత అపరికత్వత, పిల్లల మనస్తత్వం ఉన్నాయి. కానీ మంచి ప్లేయర్. తనకు వయసు పెరిగే కొద్దీ మెచ్యూరిటీ వస్తుంది.. కెరీర్లో ఎదుగుతాడు... అని ఆదిత్య ఓం వెల్లడించారు .
కాబట్టి.. ఆదిత్య ఓం అభిప్రాయంలో టాప్ 5 ఎవరంటే... నిఖిల్, గౌతమ్, ప్రేరణ, అవినాష్, నబీల్. పరోక్షంగా నిఖిల్ విన్నర్ అని ఆయన చెప్పారు. కాగా విష్ణుప్రియకు చోటు దక్కలేదు. ఆదిత్య ఓం అంచనా ప్రకారం వ్ విష్ణుప్రియ ఫైనల్ కి కూడా వెళ్ళదు. ఈ వారం ఆమె ఎలిమినేట్ అవుతుందట.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి