బిగ్ బాస్ మేకర్స్ కి భారీ షాక్! ఇది ఊహించని పరిణామం
First Published Sep 24, 2024, 7:11 AM ISTబిగ్ బాస్ తెలుగు సీజన్ 8 ఆశించిన స్థాయిలో టీఆర్పీ రాబట్టలేకపోతుందని సమాచారం. రెండోవారం రేటింగ్ బాగా పడిపోయిందట.
బిగ్ బాస్ తెలుగు సీజన్ 8 ఆశించిన స్థాయిలో టీఆర్పీ రాబట్టలేకపోతుందని సమాచారం. రెండోవారం రేటింగ్ బాగా పడిపోయిందట.
బిగ్ బాస్ తెలుగు సీజన్ 8 సెప్టెంబర్ 1న గ్రాండ్ గా ప్రారంభమైంది. 14 మంది సెలెబ్స్ హౌస్లోకి కంటెస్టెంట్స్ గా ప్రవేశించారు. ఈసారి పెద్దగా పేరున్న నటులు లేరు. విష్ణుప్రియ, ఆదిత్య ఓం, అభయ్ నవీన్... ఇలా ఒకరిద్దరు మాత్రమే తెలిసిన ముఖాలు. సీరియల్ బ్యాచ్ ని ఎక్కువగా హౌస్లోకి తోశారు.
నిఖిల్, ప్రేరణ, యష్మి, పృథ్విరాజ్... వీరంతా స్టార్ మా సీరియల్ నటులు. అందులోనూ కన్నడ బ్యాచ్. తెలుగు బిగ్ బాస్ షోలో ఇతర బాషల వారు ఎక్కువగా కంటెస్ట్ చేశారు. సీజన్ 7 స్థాయిలో సీజన్ 8 లేదనేది గట్టిగా వినిపిస్తున్న మాట. అందుకు కంటెస్టెంట్స్ ఎంపిక కూడా కారణం.
బిగ్ బాస్ మేకర్స్ కి కంటెస్టెంట్స్ కొరత ఉందనిపిస్తుంది. లక్షలు కుమ్మరించడానికి సిద్ధంగా ఉన్నా... కొందరు సెలబ్రిటీలు ముందుకు రావడం లేదు. బిగ్ బాస్ షో వలన పాజిటివ్ కంటే నెగిటివ్ ఇమేజ్ వచ్చే అవకాశం ఎక్కువ ఉందని భావిస్తున్నారు.
బిగ్ బాస్ కెరీర్ కి ఉపయోగపడకపోగా ఉన్న కెరీర్ ని కూడా నాశనం చేస్తుందని భయపడుతున్నారు. చాలా మంది సెలెబ్స్ విషయంలో ఇది నిజమైంది. పెద్దగా నేమ్ ఫేమ్ లేని నటులు, బుల్లితెర సెలబ్రిటీలకు బిగ్ బాస్ కరెక్ట్. దాని వలన వారి గురించి ప్రేక్షకులకు తెలిసే అవకాశం ఉంది.
ఫార్మ్ లో ఉన్న నటులు, సెలెబ్రిటీలు బిగ్ బాస్ షోపై ఆసక్తి చూపడం లేదనేది నిజం. అందుకే గతంలో మాదిరి హౌస్లో స్టార్స్ పార్టిసిపేషన్ లేకుండా పోతుంది. సీజన్ 8లో పరిస్థితి మరింత దారుణంగా ఉంది. ఇది రేటింగ్ పై ప్రభావం చూపినట్లు సమాచారం.
సీజన్ 7 సక్సెస్ నేపథ్యంలో సీజన్ 8 లాంచింగ్ ఎపిసోడ్ కి రికార్డు స్థాయి రేటింగ్ వచ్చింది. 18.9 రేటింగ్ రాబట్టింది. ఇది బిగ్ బాస్ తెలుగు హైయెస్ట్ రేటింగ్ అని సమాచారం. అయితే వీక్ డేస్ లో రేటింగ్ పడిపోయింది. సెకండ్ వీకెండ్ ఇది మరింత క్రిందకు పడిపోయిందట.
వీకెండ్ 5.55 రేటింగ్ రాబట్టగా, వీక్ డేస్ లో ఇది 4.09 గా ఉన్నట్లు సమాచారం. కాకపోతే అర్బన్ ఏరియాల్లో కొంత మెరుగైన రేటింగ్ బిగ్ బాస్ తెలుగు 8 రాబట్టింది. రెండో వారానికి అర్బన్ ఏరియాల్లో వీకెండ్ 7.01, వీక్ డేస్ లో 4.92 రేటింగ్ వచ్చిందట. .
వైల్డ్ కార్డు ఎంట్రీస్ అనంతరం ఇది ఒకింత మెరుగయ్యే అవకాశం ఉంది. అది కూడా పేరున్న నటులు, సెలెబ్రిటీలు కంటెస్టెంట్స్ గా హౌస్లో అడుగుపెడితే. కొత్తవాళ్లను కాకుండా మాజీ కంటెస్టెంట్స్ ని రంగంలోకి దింపుతున్నారనే ప్రచారం జరుగుతుంది.
సీజన్ వన్ కంటెస్టెంట్ హరితేజ, సీజన్ ఫోర్ కంటెస్టెంట్ ముక్కు అవినాష్ ఎంట్రీ ఇవ్వడం దాదాపు ఖాయం అంటున్నారు. వీరితో పాటు శోభా శెట్టి, టేస్టీ తేజ, రోహిణి పేర్లు కూడా వినిపిస్తున్నాయి. దీనిపై మరో రెండు వారాల్లో క్లారిటీ రానుంది.
మొదటి మూడు వారాల్లో బెజవాడ బేబక్క, శేఖర్ బాషా, అభయ్ నవీన్ ఎలిమినేట్ అయ్యారు. ప్రస్తుతం హౌస్లో 11 మంది కంటెస్టెంట్స్ ఉన్నారు. నాలుగో వారానికి నామినేషన్స్ ముగియగా... ప్రేరణ, సోనియా, నాగ మణికంఠ, ఆదిత్య ఓం, పృథ్విరాజ్, నబీల్ లిస్ట్ లో ఉన్నారు. వీరిలో ఒకరు ఎలిమినేట్ కానున్నారు.