ఆరవ వారానికి గాను విష్ణుప్రియ, గంగవ్వ, యష్మి, మెహబూబ్, సీత, పృథ్విరాజ్ నామినేట్ అయిన సంగతి తెలిసిందే. అనూహ్యంగా విష్ణుప్రియ ఓటింగ్ లో వెనకబడిందట.
బిగ్ బాస్ తెలుగు సీజన్ 8 ఇప్పుడిపుడే ఆసక్తికరంగా మారుతుంది. వైల్డ్ కార్డు ఎంట్రీస్ పట్ల ఆడియన్స్ సంతృప్తికరంగా ఉన్నారు. వారు వచ్చాక హౌస్ సందడిగా మారింది. షోలో ఎంటర్టైన్మెంట్ శాతం పెరిగిందని అంటున్నారు.
మొదటి వారం నుండి హౌస్లో ఉన్న కంటెస్టెంట్స్ ని ఢీ కొట్టేందుకు 8 మంది మాజీ కంటెస్టెంట్స్ వైల్డ్ కార్డు ద్వారా వచ్చారు. హరితేజ, గంగవ్వ, అవినాష్, రోహిణి, మెహబూబ్, నయని పావని, గౌతమ్ కృష్ణ, టేస్టీ తేజ బిగ్ బాస్ హౌస్లోకి ప్రవేశించిన విషయం తెలిసిందే. ఆల్రెడీ హౌస్లో ఉన్న కంటెస్టెంట్స్ ని ఓజీ క్లాన్ కాగా... వైల్డ్ కార్డ్స్ ని రాయల్ క్లాన్ గా బిగ్ బాస్ నిర్ణయించాడు. ఈ రెండు క్లాన్స్ మధ్య పోటీ జరగనుంది.
సోమవారం నామినేషన్స్ ప్రక్రియ మొదలైంది. గత ఐదు వారాల్లో కంటెస్టెంట్స్ ఆట తీరు ప్రవర్తన ఆధారంగా.. వైల్డ్ కార్డ్ ఎంట్రీ ఇచ్చిన కంటెస్టెంట్స్ నామినేట్ చేయాలి. ప్రతి కంటెస్టెంట్ తగు కారణాలు చెప్పి ఇద్దరిని నామినేట్ చేసి వారి మెడలో బోర్డు వేయాలి. మెజారిటీ రాయల్ క్లాన్ సభ్యులు... యష్మి, విష్ణుప్రియలను నామినేట్ చేశారు. పృథ్వి గేమ్ పట్ల కూడా వారు అసంతృప్తి వ్యక్తం చేశారు.
ఓజీ క్లాన్ కి చెందిన యష్మి, పృథ్విరాజ్, విష్ణుప్రియ, సీత నామినేట్ అయినట్లు బిగ్ బాస్ ప్రకటించారు. అయితే రాయల్ క్లాన్ కి చెందిన ఇద్దరు సభ్యులను ఓజీ క్లాన్ సభ్యులు ఉమ్మడి అభిప్రాయం మీద నామినేట్ చేయాలని బిగ్ బాస్ సూచించారు. గంగవ్వ, మెహబూబ్ లను నామినేట్ చేస్తున్నట్లు ఓజీ క్లాన్ సభ్యులు బిగ్ బాస్ కి వెల్లడించారు. దాంతో మొత్తంగా ఆరుగురు నామినేషన్స్ లో ఉన్నారు.
ఇక తమ అభిమాన కంటెస్టెంట్స్ కి ప్రేక్షకులు ఓట్లు వేస్తున్నారు. తాజా ఓటింగ్ ట్రెండ్ పరిశీలిస్తే అనూహ్య ఫలితాలు వచ్చే సూచనలు కనిపిస్తున్నాయి. గంగవ్వ ఓటింగ్ లో దూసుకుపోతుందట. గంగవ్వ హౌస్లోకి వచ్చి రెండు మూడు రోజులే అవుతుంది. కేవలం సింపతీ ఆధారంగా ఆమెకు ఓట్లు పడుతున్నాయి. అలాగే మరో వైల్డ్ కార్డ్ ఎంట్రీ మెహబూబ్ సైతం ఓటింగ్ లో సత్తా చాటుతున్నాడట. అతడు రెండో స్థానంలో ఉన్నాడట.
సీజన్ 8కి గాను టాప్ సెలబ్రిటీగా ఉన్న విష్ణుప్రియకు షాక్ తగిలినట్లు ఓటింగ్ సరళి చూస్తే తెలుస్తుంది. ఆమె మూడో స్థానానికి పడిపోయిందట. గత వారం ఓటింగ్ లో కూడా విష్ణుప్రియ వెనుకబడింది. బహుశా విష్ణుప్రియ గేమ్ పట్ల ప్రేక్షకులు సంతృప్తిగా లేరనే భావన కలుగుతుంది. మొదట్లో ఆమెకు భారీగా ఓట్లు పోల్ అయ్యాయి. ఈ మధ్య ఆట మీద కంటే పృథ్వి మీద ఆమె ఫోకస్ ఎక్కువగా పెడుతుంది.
ఇక నాలుగో స్థానంలో యష్మి ఉన్నారట. సీరియల్ నటిగా యష్మికి కొంత ఫేమ్ ఉంది. గేమ్ పరంగా పర్వాలేదు. ఈ మధ్య ఆమెపై నెగిటివిటీ నడుస్తుంది. అందుకే తక్కువగా ఓట్లు పోల్ అవుతున్నాయి. ఇక చివరి రెండు స్థానాల్లో సీత, పృథ్విరాజ్ ఉన్నారట.
తాజా ఫలితాల ప్రకారం వీరిద్దరిలో ఒకరు ఎలిమినేట్ అయ్యే అవకాశం కలదు. శుక్రవారం వరకు ఓటింగ్ కి సమయం ఉంది. ఈ సమీకరణాలు మారవచ్చు. బిగ్ బాస్ హౌస్లో ఏమైనా జరగొచ్చు. లెట్స్ వెయిట్ అండ్ సీ...