షాకిచ్చేలా ఓటింగ్ రిజల్ట్స్, రేసులో వెనకబడ్డ విష్ణుప్రియ, నిఖిల్, డేంజర్ జోన్లో వారిద్దరు!

 8వ వారానికి ఆరుగురు కంటెస్టెంట్స్ నామినేట్ అయినట్లు తెలుస్తుంది. కాగా ఓటింగ్ లో టాప్ సెలెబ్స్ కి షాక్ తగిలిందట. టైటిల్ ఫేవరేట్స్ రేసులో వెనుకబడ్డారట.   

Bigg boss telugu 8

బిగ్ బాస్ హౌస్లో 8వ వారానికి గాను నామినేషన్స్ ప్రక్రియ మొదలైంది. ప్రతి కంటెస్టెంట్ కారణాలు చెప్పి ఇద్దరు కంటెస్టెంట్స్ ని నామినేట్ చేయాలని బిగ్ బాస్ ఆదేశించాడు. ఎలిమినేషన్ ప్రక్రియలో యధావిధిగా వాగ్వాదం చోటు చేసుకుంది. ప్రేరణ-విష్ణుప్రియ వాదులాడుకున్నారు. ఇక పృథ్విరాజ్, రోహిణి ఒకరినొకరు నామినేట్ చేసుకున్నారు. దీంతో భారీ ఫైట్ చోటు చేసుకుంది. నిఖిల్-విష్ణుప్రియ సైతం వాదనకు దిగారు. 

Bigg boss telugu 8

ఇక మెహబూబ్-నయని పావని మధ్య హీటెడ్ ఆర్గ్యుమెంట్ నడిచింది. ప్రేరణ పృథ్విని నామినేట్ చేసింది. విష్ణుప్రియను టేస్టీ తేజ నామినేట్ చేశాడు. మెహబూబ్, హరితేజ సైతం వాదులాడుకున్నారు. వాడి వేడి వాదనల నడుమ నామినేషన్స్ ప్రక్రియ ముగిసినట్లు సమాచారం. బిగ్ బాస్ నామినేషన్స్ లో ఉన్న కంటెస్టెంట్స్ లిస్ట్ ప్రకటించారట. నయని పావని, మెహబూబ్, విష్ణుప్రియ, పృథ్విరాజ్, ప్రేరణ, నిఖిల్ నామినేట్ అయ్యారట. 

అధికారిక ప్రకటనకు ముందే నామినేషన్స్ లిస్ట్ బయటకు వస్తుంది. పలు మీడియా సంస్థలు అనధికారిక పోల్స్ నిర్వహిస్తున్నారు. మెజారిటీ పోల్ రిజల్ట్స్ పరిశీలిస్తే ఓటింగ్ లో అనూహ్య పరిణామాలు చోటు చేసుకున్నట్లు తెలుస్తోంది. టైటిల్ ఫేవరేట్స్ గా ప్రచారం అవుతున్న నిఖిల్, విష్ణుప్రియలకు ప్రేరణ షాక్ ఇచ్చిందట. 

Bigg boss telugu 8

దాదాపు 26 శాతం ఓటింగ్ తో ప్రేరణ టాప్ లో ట్రెండ్ అవుతుందట. ప్రేరణకు మెల్లగా ప్రేక్షకుల్లో ఆదరణ పెరుగుతుందని ఈ ఓటింగ్ సరళి చూస్తే అర్థం అవుతుంది. ప్రేరణ తర్వాత స్థానంలో నిఖిల్ ఉన్నాడట. నిఖిల్ 25 శాతం ఓట్లతో ఆమెతో పోటీ పడుతున్నాడట. అనూహ్యంగా విష్ణుప్రియ మూడో స్థానానికి పడిపోయిందట. పృథ్వితో ప్రేమాయణం నడుపుతూ గేమ్ పై దృష్టి తగ్గించిన విష్ణుప్రియ ఆట పట్ల ప్రేక్షకులు అసంతృప్తిగా ఉన్నారని ఓటింగ్ ని బట్టి అర్థం అవుతుంది. 

నాలుగో స్థానంలో నయని పావని ఉన్నారట. ఐదో స్థానంలో పృథ్విరాజ్, ఆరో స్థానంలో మెహబూబ్ ఉన్నారు. తాజా ఓటింగ్ ప్రకారం పృథ్విరాజ్, మెహబూబ్ డేంజర్ జోన్లో ఉన్నారు. వీరిద్దరిలో ఒకరు ఎలిమినేట్ అయ్యే అవకాశం ఉంది. కాగా నాగార్జున పృథ్విరాజ్ కి బంపర్ ఆఫర్ ఇచ్చాడు. కేవలం గడ్డం తీసేస్తే... నేరుగా 10వ వారంలో అడుగుపెట్టవచ్చు అన్నాడు. 

Bigg boss telugu 8

మూడు వారాలు నామినేషన్స్ లో లేకుండా మినహాయింపు పొందే అవకాశం పృథ్విరాజ్ కి ఇచ్చారు. కానీ పృథ్విరాజ్ ఆ ఆఫర్ రిజెక్ట్ చేశాడు. గడ్డం తీసేది లేదు అన్నాడు. ఒకవేళ ఈ వారం అతడు ఎలిమినేట్ అయితే, భారీ మూల్యం చెల్లించినట్లు అవుతుంది. అధికారిక ఓటింగ్ మంగళవారం మొదలవుతుంది. శుక్రవారం అర్ధరాత్రి వరకు ఓటింగ్ లైన్స్ ఓపెన్ గా ఉంటాయి. ఇక ఏం జరుగుతుందో చూడాలి. 

Bigg boss telugu 8

 ఇక గత ఆదివారం నాగ మణికంఠ ఎలిమినేటైన సంగతి తెలిసిందే. ప్రేక్షకుల ఓటింగ్ పరంగా గౌతమ్ ఎలిమినేట్ కావాల్సి ఉంది. కానీ సెల్ఫ్ ఎలిమినేషన్ తో నాగ మణికంఠ తప్పుకున్నాడు. అనారోగ్య కారణాలతో నాగ మణికంఠ ఈ నిర్ణయం తీసుకున్నాడు.  నాగ మణికంఠ నిర్ణయం ఆయన ఫ్యాన్స్ ని తీవ్రంగా నిరాశపరిచింది. 

Bigg boss telugu 8

నాగ మణికంఠ స్ట్రాంగ్ కంటెస్టెంట్. అతడు ప్రతివారం దాదాపు నామినేషన్స్ లో ఉండేవాడు. ప్రేక్షకులు ఆయన్ని ఆదరించారు. నాగ మణికంఠకు పెద్ద మొత్తంలో ఓట్లు పడేవి. ఓటింగ్ లో నాగ మణికంఠ ఖచ్చితంగా టాప్ 3లో ఉండేవాడు. నాగ మణికంఠ ఎలిమినేషన్ పై ఆడియన్స్ లో ఒకింత అసహనం నెలకొంది. స్క్రిప్టెడ్ షో అనే విమర్శలు వెల్లువెత్తుతున్నాయి. ఇప్పటి వరకు బిగ్ బాస్ హౌస్ నుండి బేబక్క, శేఖర్ బాషా, అభయ్, సోనియా ఆకుల, ఆదిత్య ఓం, నైనిక, మణికంఠ ఎలిమినేట్ అయ్యారు.