బిగ్ బాస్ సీజన్ 8 రెమ్యూనరేషన్స్, ఎవరికి ఎంతో తెలుసా? విష్ణుప్రియకు వారానికి అన్ని లక్షలా!

బిగ్ బాస్ తెలుగు సీజన్ 8లో 14 మంది కంటెస్ట్ చేశారు. వీరిలో పేరున్న కంటెస్టెంట్స్ కొందరే. కాగా కంటెస్టెంట్స్ రెమ్యూనరేషన్ ఇవే అంటూ సోషల్ మీడియాలో ఓ న్యూస్ వైరల్ అవుతుంది. దాని ప్రకారం ఎవరెవరి రెమ్యూనరేషన్స్ ఏమిటో చూద్దాం..   

బిగ్ బాస్ తెలుగు సీజన్ 8 మూడో రోజుకు చేరుకుంది. ఆసక్తికర విషయాలు చోటు చేసుకుంటున్నాయి. కేవలం 14 మంది కంటెస్టెంట్స్ మాత్రమే ఎంట్రీ ఇచ్చారు. వీరిలో బాగా పేరున్న సెలెబ్రిటీలు కొందరే. మరో 5 మంది వైల్డ్ కార్డు ఎంట్రీ ఇచ్చే అవకాశం ఉంది. కాగా బిగ్ బాస్ షోకి వెళ్లాలన్న కోరిక కలిగించే అంశాల్లో రెమ్యూనరేషన్ కూడా ఒకటి. ఈ షో నిర్వాహకులు పెద్ద మొత్తంలో కంటెస్టెంట్స్ కి డబ్బులు ఇస్తారు.

మరి లేటెస్ట్ సీజన్ కంటెస్టెంట్స్ రెమ్యూనరేషన్ ఒక్కొక్కరిగా పరిశీలిస్తే... నాగ మణి కంఠ అందరికంటే తక్కువ రెమ్యూనరేషన్ తీసుకుంటున్నట్లు సమాచారం. ఇతనికి ఎలాంటి పాపులారిటీ లేదు. జనాలకు నాగ మణికంఠ గురించి తెలిసింది తక్కువే. నాగ మణికంఠ వారానికి రూ.1.20 లక్షలు రెమ్యూనరేషన్ గా తీసుకుంటున్నాడని సమాచారం. 

నటి సోనియా ఆకులకు సైతం తక్కువ మొత్తమే చెల్లిస్తున్నారట. అయితే నాగ మణికంఠ కంటే ఈమెకు బెటర్ రెమ్యూనరేషన్ అందిస్తున్నారు. అందుతున్న సమాచారం ప్రకారం సోనియా ఆకులకు వారానికి రూ. 1.5 లక్షలు చెల్లిస్తున్నారట. ఈమెకు సోషల్ మీడియాలో ఫాలోయింగ్ ఉంది. అందంగా ఉంటుంది. అవి ఆమెకు కలిసొచ్చే అంశాలు. 

ఇక సోషల్ మీడియా స్టార్ బెజవాడ  బేబక్క రూ. 1.5 లక్షలు చెల్లిస్తున్నారట. ఈమెను ఇంస్టాగ్రామ్, యూట్యూబ్ ఛానల్ లో జనాలు బాగా ఫాలో అవుతున్నారు. మరో సోషల్ మీడియా స్టార్ నబీల్ అఫ్రిది కి వారానికి రూ. 2 లక్షలు రెమ్యూనరేషన్ గా ఇస్తున్నారట. శేఖర్ బాషా యాంకర్ అలాగే, ఆర్జే కూడాను. మంచి వ్యాఖ్యాత. రాజ్ తరుణ్- లావణ్య వివాదంతో మరింత పాపులర్ అయ్యాడు. ఇతడికి రూ. 2.5 లక్షలు చెల్లిస్తున్నారట. 

యూట్యూబ్ బోల్డ్ వీడియోలతో కిరాక్ సీత పాప్యులర్ అయ్యింది. ఆమె కొన్ని సినిమాల్లో కూడా నటించింది. ఈ క్రమంలో కిరాక్ సీతకు వారానికి రూ. 2 లక్షలు రెమ్యూనరేషన్ గా ఇస్తున్నారట. బుల్లితెర ప్రేక్షకుల్లో నిఖిల్ కి పాపులారిటీ ఉంది. అతడు పలు తెలుగు సీరియల్స్ లో నటించాడు. వారానికి నిఖిల్ రెమ్యూనరేషన్ రూ. 2.25 లక్షలు అట. 

ఒకప్పుడు హీరోగా వరుస చిత్రాలు చేశాడు ఆదిత్య ఓం. ఆయనకు తెలుగు ఆడియన్స్ లో గుర్తింపు ఉంది. దాంతో వారానికి ఆదిత్య ఓం కి రూ. 3 లక్షలు ఇస్తున్నారట. ఇది సెకండ్ హైయెస్ట్ అని సమాచారం. కన్నడ నటి యాష్మి గౌడ సైతం బాగానే ఛార్జ్ చేస్తున్నారట. తెలుగులో కూడా సీరియల్స్ చేస్తున్న యాష్మి గౌడ రూ.  2.5 లక్షలు వారానికి తీసుకుంటుందట. 

Bigg boss telugu 8

ప్రేరణ సీరియల్ నటి. చాలా అందంగా ఉంటుంది. సోషల్ మీడియాలో ఫాలోయింగ్ ఉంది. ఈమెకు రూ.  2 లక్షలు ఇస్తున్నారట.  పలు సినిమాలు, వెబ్ సిరీస్లలో నటించిన అభయ్ నవీన్ కి తెలుగు ప్రేక్షకుల్లో పాపులారిటీ ఉంది. అతడికి వారానికి రూ.2 లక్షలు రెమ్యూనరేషన్ గా ఇస్తున్నారట. నటుడు పృథ్విరాజ్ కి రూ.1.5 లక్షలు మాత్రమే ఇస్తున్నారట. ఇక నైనిక రెమ్యూనరేషన్ రూ. 2.2 లక్షలు అట. 

   ఫైనల్ గా అందరి కంటే అత్యధిక రెమ్యునరేషన్ విష్ణుప్రియ అందుకుంటుందట. ఈమె పాప్యులర్ యాంకర్. సోషల్ మీడియాలో బీభత్సమైన ఫాలోయింగ్ ఉంది. గ్లామరస్ ఫోటో షూట్స్, వీడియోలతో యూత్ లో క్రేజ్ రాబట్టింది. దయ అనే వెబ్ సిరీస్లో కీలక రోల్ చేసింది. విష్ణుప్రియ వారానికి రూ. 4 లక్షలు రెమ్యూనరేషన్ గా తీసుకుంటుందట. ఈ సీజన్ కి హయ్యెస్ట్ పేయిడ్ కంటెస్టెంట్ విష్ణుప్రియ అని సమాచారం.