రహస్యంగా ప్రియుడితో బిగ్ బాస్ సోనియా ఎంగేజ్మెంట్, రెండో వివాహం చేసుకుంటున్న ఈ యష్ పాల్ ఎవరు?

చడీ చప్పుడు లేకుండా సోనియా ఆకుల ఎంగేజ్మెంట్ చేసుకుంది. ఈ విషయం ఆలస్యంగా వెలుగులోకి వచ్చింది. సోనియాకు కాబోయే భర్త పేరు యష్ పాల్ కాగా, అతనికి ఇది రెండో వివాహం.   

Soniya Akula

తెలుగు అమ్మాయి సోనియా ఆకుల జార్జి రెడ్డి చిత్రంతో సిల్వర్ స్క్రీన్ కి పరిచయమైంది. ఆ చిత్రంలో హీరో చెల్లి పాత్ర చేసింది. దర్శకుడు ఆర్జీవీ ఆమెకు లీడ్ క్యారెక్టర్స్ ఇచ్చారు. వాస్తవ సంఘటనల ఆధారంగా తెరకెక్కిన దిశా ఎన్కౌంటర్ మూవీలో సోనియా ఆకుల నటించింది. 

అలాగే కరోనా వైరస్ చిత్రంలో కూడా సోనియా ఆకుల నటించారు. నటిగా కొనసాగుతూనే ఆమె సోషల్ వర్కర్ గా బాధ్యతలు నెరవేరుస్తున్నారు. ఈ క్రమంలో యష్ పాల్ పరిచయం అయ్యాడు. అమెరికాలో ఉండే యష్ పాల్, సోనియా కలిసి కొన్ని ప్రాజెక్ట్స్ కి పని చేశారట. రెండేళ్లకు పైగా పరిచయంలో ప్రేమ చిగిరించిందట. తమ కంటే కూడా సోనియా, యష్ పెళ్లి విషయంలో పేరెంట్స్ స్టెప్ తీసుకున్నారట. 

Soniya Akula

ఈ విషయాన్ని ఓ ఇంటర్వ్యూలో యష్ తెలియజేశాడు. కాగా చడీ చప్పుడు లేకుండా సోనియా-యష్ ఎంగేజ్మెంట్ జరిగింది. నవంబర్ 21వ తేదీ  గురువారం నిశ్చితార్థం చేసుకున్నారు. ఈ విషయం ఆలస్యంగా వెలుగులోకి వచ్చింది. కనీసం తన సోషల్ మీడియా అకౌంట్స్ లో సోనియా ఎంగేజ్మెంట్ ఫోటోలు షేర్ చేయలేదు. ఫ్యాన్స్ కి ఆమె చెప్పలేదు. దాంతో సోనియా ఎంగేజ్మెంట్ వ్యవహారం హాట్ టాపిక్ గా మారింది. 

Bigg boss telugu 8

యష్ కి ఆల్రెడీ వివాహమైంది. మొదటి భార్యతో ఆయన విడిపోయారు. సోనియాను రెండో వివాహం చేసుకుంటున్నాడు. సోనియా బిగ్ బాస్ హౌస్ కి వెళ్లక ముందే పెళ్లి డిసెంబర్ లో చేసుకోవాలని అనుకున్నారట. బిగ్ బాస్ ఆఫర్ రావడంతో వాయిదా పడుతుందని భావించారు. అయితే సోనియా నాలుగు వారాలకే ఎలిమినేట్ కావడంతో యథావిధిగా పెళ్ళికి ఏర్పాట్లు మొదలయ్యాయి. 

Bigg boss telugu 8

కాగా బిగ్ బాస్ తెలుగు సీజన్ 8 కి గాను సోనియా అత్యంత నెగిటివిటీ మూటగట్టుకుంది. మేల్ కంటెస్టెంట్స్ తో సోనియా ఆకుల ప్రవర్తన వివాదాస్పదం అయ్యింది. నిఖిల్, పృథ్విలతో ఆమె అత్యంత సన్నిహితంగా ఉండేది. సోనియా చేష్టలు అసభ్యకరంగా ఉండేవి. సోనియా-నిఖిల్-పృథ్వి మధ్య ట్రై యాంగిల్ లవ్ స్టోరీ నడుస్తుందంటూ సోషల్ మీడియాలో ట్రోల్స్ మొదలయ్యాయి. 

Bigg boss telugu 8

సోనియా గేమ్ పై హోస్ట్ నాగార్జున కూడా అసహనం వ్యక్తం చేశాడు. నిఖిల్, పృథ్వి గేమ్ సోనియా వలన దెబ్బ తింటుంది. వాళ్ళ నిర్ణయాలను సోనియా ప్రభావితం చేస్తుందన్న వాదన గట్టిగా వినిపించింది. ప్రేక్షకుల్లో వ్యతిరేకత మూటగట్టుకున్న సోనియా.. నాలుగు వారాల్లోనే ఎలిమినేట్ అయ్యింది. 

Bigg boss telugu 8

బయటకు వచ్చాక బిగ్ బాస్ మేకర్స్ పై ఆమె ఫైర్ అయ్యారు. నన్ను చాలా తప్పుగా చూపించారు. ఇన్నేళ్లు కష్టపడి సంపాదించున్న గౌరవం అంతా పోయింది. నా జీవితాన్ని నాశనం చేశారని ఆమె వాపోయింది. నిఖిల్, పృథ్విలను నేను బ్రదర్స్ కోణంలోనే చూశాను. అవన్నీ చూపించలేదని ఆమె అన్నారు.