బిగ్ బాస్ తెలుగు 8 టాప్ 5 వీరేనా! మరి టైటిల్ ఎవరికి?

బిగ్ బాస్ తెలుగు సీజన్ 8 దాదాపు సగానికి చేరింది. ఈ క్రమంలో టాప్ ఫైవ్ ఎవరనే ఊహాగానాలు మొదలయ్యాయి. సోషల్ మీడియా బజ్ ఏమిటో చూద్దాం.   

Bigg boss telugu 8

బిగ్ బాస్ తెలుగు సీజన్ 8 మొదలై 57 రోజులు అవుతుంది. ఎనిమిది వారాలు పూర్తి చేసుకుని తొమ్మిదో వారంలో అడుగుపెట్టింది. కంటెస్టెంట్స్ పై ప్రేక్షకుల్లో ఒక అవగాహన ఏర్పడింది. 14 మంది కంటెస్టెంట్స్ తో గ్రాండ్ లాంచ్ ఈవెంట్ నిర్వహించారు. 

Bigg boss telugu 8

బెజవాడ బేబక్క, శేఖర్ బాషా, అభయ్ నవీన్, సోనియా ఆకుల, ఆదిత్య ఓం, నైనిక, సీత, నాగ మణికంఠ, మెహబూబ్ ఎలిమినేట్ అయ్యారు. వీరి ఎలిమినేషన్ అనంతరం 13 మంది హౌస్లో ఉన్నారు. వైల్డ్ కార్డ్ ఎంట్రీ ద్వారా 8 మంది  కంటెస్టెంట్స్ హౌస్లోకి వచ్చారు. వైల్డ్ కార్డ్ ఎంట్రీ నుండి మెహబూబ్ ఎలిమినేట్ అయ్యాడు. మరో ఏడుగురు హౌస్లో ఉన్నారు. 

9వ వారానికి గాను యష్మి, టేస్టీ తేజ, హరితేజ, నయని పావని, పృథ్విరాజ్ నామినేట్ అయినట్లు సమాచారం. ఈ వారం నేరుగా నామినేట్ చేసే అధికారం మెగా చీఫ్ విష్ణుప్రియకు బిగ్ బాస్ ఇచ్చాడు. దాంతో ఆమె ఆ ఐదుగురిని నామినేట్ చేసి జైల్లోకి పంపిందట. వీరిలో ఒకరు వచ్చే వారం ఇంటిని వీడనున్నారు. మిగిలిన 12 మందిలో టాప్ ఫైవ్ ఎవరనే చర్చ కొనసాగుతుంది. 

Bigg boss telugu 8

ఓజీ క్లాన్ నుండి నిఖిల్ ఖచ్చితంగా టాప్ 5లో ఉంటాడు. అందులో ఎలాంటి సందేహం లేదు. ప్రస్తుతానికి నిఖిల్ టైటిల్ ఫేవరేట్ కూడాను. అతడికి పోటీ ఇచ్చిన కంటెస్టెంట్ మరొకరు కనిపించలేదు. కాబట్టి నిఖిల్ ఫైనల్ కి వెళతాడు. అనంతరం ప్రేరణ టాప్ లో ఉంది. గత వారం నామినేషన్స్ లో ఉన్న ప్రేరణ.. నిఖిల్, విష్ణుప్రియను కూడా వెనక్కి నెట్టి టాప్ లో కొనసాగింది. కాబట్టి ప్రేరణ ఫైనలిస్ట్స్ లో ఒకరిగా ఉంటుంది అనడంలో సందేహం లేదు. 

నబీల్ సైతం స్ట్రాంగ్ కంటెస్టెంట్ గా ఉన్నాడు. అతడు కూడా ఫైనల్ కి వెళ్లే ఛాన్సులు ఎక్కువగా ఉన్నాయి. ఓజీ క్లాన్ లో ఉన్న విష్ణుప్రియకు అవకాశం ఉంది. కానీ ఆమె గేమ్ ఏమంత ప్రభావంతంగా లేదు. పృథ్వి నామ స్మరణలో బ్రతికేస్తుంది. పృథ్వి అగ్రెషన్, నోటి దురుసు అతనికి మైనస్. ఫైనల్ కి వెళ్లే ఛాన్సులు తక్కువ. యష్మి ఫైనల్ కి గట్టి పోటీ ఇస్తుంది. కానీ ఆమె ఇంకా ఆటను మెరుగు పరుచుకోవాలి. 

Bigg boss telugu 8

ఇటు రాయల్ క్లాన్ నుండి అవినాష్ ఖచ్చితంగా ఫైనల్ లో అడుగుపెట్టే అవకాశం ఉంది. అవినాష్ గ్రేట్ ఎంటర్టైనర్. ఆట బాగా ఆడుతున్నాడు. ప్రేక్షకులు అతనికి భారీగా ఓట్లు వేస్తారు అనడంలో సందేహం లేదు. మిగిలిన ఆరుగురిలో టేస్టీ తేజ, గౌతమ్, హరి తేజలలో ఒకరు ఫైనల్ కి వెళ్లే ఛాన్స్ ఉంది. 

అయితే మొదటి ప్రిఫరెన్స్ హౌస్లో మొదటి నుండి ఉన్న కంటెస్టెంట్స్ కి ఆడియన్స్ ఇస్తారు. ఐదు వారాలు గేమ్ చూసి వచ్చారు కాబట్టి వైల్డ్ కార్డు ఎంట్రీలను ఎంకరేజ్ చేయకపోవచ్చు. ఓజీ క్లాన్ నుండి నిఖిల్, ప్రేరణ, నబీల్ లేక యష్మి ఫైనలిస్ట్స్ గా ఉండే అవకాశం ఎక్కువగా ఉంది. 

మిగిలిన ఇద్దరు రాయల్ క్లాన్ సభ్యులు కావచ్చు. అవినాష్ గ్యారంటీగా ఫైనల్ లో ఉంటాడు. ఇక టైటిల్ ఎవరిదీ? అనేది సస్పెన్సు. ప్రస్తుతానికి నిఖిల్ ముందంజలో ఉన్నాడు. అతడు ఫస్ట్ వీక్ నుండి గేమ్స్, టాస్క్ లలో సత్తా చాటుతున్నాడు. ప్రేక్షకులు ఆయనకు భారీగా ఓట్లు వేస్తున్నారు. కాబట్టి నిఖిల్ టైటిల్ విన్నర్ కావచ్చు. 

Bigg boss telugu 8

విష్ణుప్రియ టైటిల్ ఫేవరేట్ గా బరిలో దిగింది. కానీ ఆమెకు అంత సీన్ లేదని తేలిపోయింది. విష్ణుప్రియ గేమ్ లో మెచ్యూరిటీ లేదు. పృథ్వికి సేవలు చేసుకోవడంలో ఆమె జీవితం సరిపోతుంది. నిఖిల్ చేతి నుండి టైటిల్ చేజారిన పక్షంలో అది ప్రేరణ లేదా నబీల్ కైవసం చేసుకునే అవకాశం ఉంది.