Bigg Boss Telugu 7: శోభ వర్సెస్ శివాజీ... పీక్స్ కి చేరిన స్పై బ్యాచ్ స్పా బ్యాచ్ మధ్య గొడవలు!

బిగ్ బాస్ సీజన్ 7 చివరి దశకు చేరుకుంది. మరో పది రోజుల్లో షో ముగియనుంది. ఎపిసోడ్స్ ఇంట్రెస్టింగ్ గా మారుతున్నాయి. హౌస్లో ఓట్ అప్పీల్ కాంటెస్ట్స్ జరుగుతున్నాయి.   

Bigg Boss Telugu 7

ఇవాళ ఎపిసోడ్ బాల్ గేమ్ తో మొదలైంది. ఈ గేమ్ లో శోభ ముందుగానే తప్పుకుంది. ఆమె ఎలిమినేట్ అయ్యింది. దీంతో శోభను సంచాలక్ గా బిగ్ బాస్ నిర్ణయించాడు. ప్రశాంత్, యావర్ లైన్ దాటారు. ఎలిమినేట్ అయ్యారని శోభ ప్రకటించింది. దాంతో శివాజీ ఆమెతో వాగ్వాదానికి దిగాడు. శివాజీని గౌరవిస్తున్నట్లు నటిస్తూ శివాజీని  శోభ రెచ్చ గొట్టింది. సార్ సార్ అంటూ సర్కాస్టిక్ గా మాట్లాడింది. 

శోభ సంచాలక్ గా ఉండి ప్రియాంకను ఎంకరేజ్ చేయడం శివాజీకి నచ్చలేదు. నేను ఆడను అంటూ టాప్ 3 నుండి తప్పుకున్నాడు. మరో సంచాలక్ గా ఉన్న యావర్ శివాజీని ఆడాలని బ్రతిమిలాడాడు. సంచాలక్ గా ఉంటే ఏంటి, నాకు ఇష్టం వచ్చిన వాళ్లకు సపోర్ట్ చేస్తా అంటూ శోభ మాట్లాడింది. ఈ విషయంలో మరోసారి శివాజీ, శోభలకు గొడవ జరిగింది. 

Bigg Boss Telugu 7

అనంతరం ఇంటి పనుల  విషయంలో డిస్కషన్ వచ్చింది. ఈ రెండు రోజులు శోభ, ప్రియాంకలను వంట చేయమని చెప్పు, మిగతా పనులు మేము చేసుకుంటాం అని అర్జున్ అమర్ తో చెప్పాడు. ఇదే విషయం ప్రియాంక, శోభలకు చెప్పగా వారు మేము చేయము అన్నారు. వాళ్లకు పాత్రలు కడిగే పని ఇచ్చానని అమర్ చెప్పినా వాళ్ళు వినలేదు. చివరికి నువ్వు కెప్టెన్, చెప్పింది చేస్తాం అని ఒప్పుకున్నారు. 

Bigg Boss Telugu 7

శోభ బిహేవియర్ కి హర్ట్ అయిన శివాజీ కొన్ని కామెంట్స్ చేశాడు. పాత్రలు శుభ్రం చేస్తూ... రేపు పెళ్లి అయ్యాక వీరు ఎలా అడ్జస్ట్ అవుతారు. ఇలాంటి బిహేవియర్ తో అత్తింట్లో ఎలా రాణిస్తారని అర్థంలో మాట్లాడారు. అలాగే వీడు కెప్టెన్ నా? ఎందుకు చేశారని అమర్ దీప్ మీద  అసహనం వ్యక్తం చేశాడు. పల్లవి ప్రశాంత్ ని అమర్ ఓ టాస్క్ లో కొరికాడు. తీవ్ర పదజాలంతో దూషించాడు. 

Bigg Boss Telugu 7

ఇదే విషయం వెల్లడిస్తూ.. నేనంటే అమర్ కి ఎందుకంత కోపం, మొదటి నుండి అనే అని ప్రశాంత్ అన్నాడు. అది కోపం కాదురా భయం అని శివాజీ అన్నాడు. అమర్ కెప్టెన్ అయినప్పటికీ ప్రియాంక, శోభ అతడికి ఆర్డర్స్ వేస్తున్నారని అర్జున్ అన్నాడు. ఇలాంటి ఆసక్తికర పరిణామాలతో ఎపిసోడ్ ముగిసింది. అర్జున్ ఫైనల్ బెర్స్త్ కన్ఫర్మ్ చేసుకున్నారు. ఫైనల్ కి వెళ్లే మరో నలుగురు ఎవరో చూడాలి...