బిగ్ బాస్ హౌస్లోకి మహేష్ బాబు బంధువు... ఆడియన్స్ కి కిక్ ఇచ్చే న్యూస్!

సూపర్ స్టార్ మహేష్ బాబు బంధువు బిగ్ బాస్ హౌస్లోకి వస్తుందన్న న్యూస్ పరిశ్రమలో కాకరేపుతుంది. ఈ మేరకు మీడియాలో కథనాలు వెలువడుతున్నాయి. ఆ వివరాలు ఏమిటో చూద్దాం..   

బిగ్ బాస్ అత్యంత పాపులారిటీ షో. డచ్ రియాలిటీ షో బిగ్ బ్రదర్ దీనికి స్ఫూర్తి. 2007లో ప్రసారమైన సెలబ్రిటీ బిగ్ బ్రదర్ సీజన్ 5 లో ఇండియా నుండి కంటెస్ట్ చేసిన శిల్పా శెట్టి టైటిల్ విన్నర్ కావడం విశేషం. 

హిందీలో బిగ్ బాస్ ప్రయోగాత్మకంగా ప్రారంభించారు. అర్షద్ వార్సి ఫస్ట్ సీజన్ కి హోస్ట్ గా వ్యవహరించారు. అనంతరం శిల్పా శెట్టి, సంజయ్ దత్, అమితాబ్ వంటి స్టార్స్ హోస్టింగ్ చేశారు. సల్మాన్ ఖాన్ అత్యంత విజయవంతమైన బిగ్ బాస్ హోస్ట్ గా ఉన్నారు. ఆయన సీజన్ 4 నుండి ఇప్పటి వరకు హోస్ట్ గా వ్యవహరిస్తున్నారు. 

బిగ్ బాస్ హిందీ 17 సీజన్స్ పూర్తి చేసుకుంది. 18వ సీజన్ అక్టోబర్ 6 నుండి ప్రసారం కానుంది. ఈ మేరకు ప్రోమో సైతం విడుదల చేశారు.  ఆడియన్స్ ఆతృతగా లేటెస్ట్ సీజన్ కొరకు వేచి చూస్తున్నారు. ఈ క్రమంలో ఓ న్యూస్ తెరపైకి వచ్చింది. ఈ క్రేజీ సెలబ్రిటీ షోలో పాల్గొనున్నారట.

సూపర్ స్టార్ మహేష్ బాబు బంధువు బిగ్ బాస్ సీజన్ 18లో కంటెస్టెంట్ చేయనుందట. ఆ బంధువు ఎవరంటే... శిల్పా శిరోద్కర్. మహేష్ బాబు భార్య నమ్రత శిరోద్కర్ కి శిల్పా శిరోద్కర్ సొంత అక్క. ఈమె ఒకప్పుడు బాలీవుడ్ స్టార్ హీరోయిన్స్ లో ఒకరు. 1989లో విడుదలైన భ్రష్టాచార్ చిత్రంతో శిల్పా సిల్వర్ స్క్రీన్ కి పరిచయమైంది. 

Bigg Bos hindi 18

1990లో విడుదలైన కిషెన్ కన్హయ్య చిత్రంలో అనిల్ కపూర్ కి జంటగా నటించింది. ఈ మూవీ హిట్ టాక్ తెచ్చుకుంది. త్రినేత్ర, హమ్, కుదా గవా వంటి హిట్ చిత్రాలు ఆమె ఖాతాలో ఉన్నాయి. శిల్పా తెలుగులో ఒక చిత్రం మాత్రమే చేసింది. 

మోహన్ బాబు హీరోగా నటించిన బ్రహ్మ చిత్రంలో శిల్పా హీరోయిన్ గా నటించింది. ఈ చిత్రం మ్యూజికల్ హిట్ అని చెప్పాలి. బ్రహ్మ అనంతరం ఆమె మరో తెలుగు సినిమా చేయలేదు. హిందీలో ఆమె బిజీ కావడం కూడా ఇందుకు కారణం. తమిళంలో ఒక చిత్రం చేసింది. 

శిల్పా హిందీ సీరియల్స్ లో సైతం నటించడం విశేషం. కెరీర్ నెమ్మదించాక శిల్పా 2000లో యూకేకి చెందిన బ్యాంకర్ అపరేశ్ రంజిత్ ని వివాహం చేసుకుంది. వీరికి ఒక అమ్మాయి సంతానం. కాగా శిల్పా బిగ్ బాస్ 18కి ఎంపికయ్యిందనేది తాజా న్యూస్. 

మరో రెండు వారాల్లో బిగ్ బాస్ 18 గ్రాండ్ లాంచ్ ఈవెంట్ జరగనుంది. కంటెస్టెంట్స్ ఎంపిక దాదాపు పూర్తి అయ్యిందట. ఈ లిస్ట్ లో శిల్పా శిరోద్కర్ సైతం ఉందని అంటున్నారు. భారీగా చెల్లించి ఆమెను హౌస్లోకి తీసుకొచ్చారట. దీనిపై అధికారిక సమాచారం లేకున్నప్పటికీ ప్రముఖంగా వినిపిస్తోంది.