సుమ ఇటీవల ఓ వివాదంలో ఇరుక్కున్నారు. అందుకు ఓ వర్గం హర్ట్ కాగా క్షమాపణలు చెప్పింది. ఇదే విషయం తెరపైకి తెస్తూ నటుడు బ్రహ్మాజీ వరుస పంచులు వేశారు.
సుమ అడ్డా షోకి గెస్ట్స్ గా వచ్చారు ఎక్స్ట్రా ఆర్డినరీ మ్యాన్ మూవీ టీం. ఈ మూవీ డిసెంబర్ 8న విడుదల కానుంది. ప్రొమోషన్స్ లో భాగం దర్శకుడు వక్కంతం వంశీ, హీరో నితిన్, నటుడు బ్రహ్మాజీ, హైపర్ ఆది వచ్చారు.
సుమ షోలో హైపర్ ఆది పంచులు హైలెట్ అయ్యాయి. సుమ, వక్కంతం వంశీ హీరో హీరోయిన్ గా నటించిన కళ్యాణ ప్రాప్తిరస్తు మూవీ గుర్తు చేశాడు. సినిమాలో సుమ హీరో తానని వక్కంతం వంశీ ఫీల్ అయ్యారు. కానీ తర్వాత తెలిసింది అది రాజీవ్ కనకాల అని, పంచ్ వేయడంతో అందరూ గట్టిగా నవ్వేశారు.
బ్రహ్మజీ కళ్ళ క్రింద వచ్చిన క్యారీ బ్యాగ్ లు కవర్ చేయడానికి కళ్ళ జోడు పెట్టాడని నితిన్ పంచ్ వేశాడు. ఇక హైపర్ ఆది.. సుమ గారు మీరు బ్రహ్మాజీ గారిని తక్కువ అంచనా వేయవద్దు. ఆయన కూడా సుమ అడ్డా మాదిరి ఇంద్రానగర్ గడ్డ పేరుతో ఒక షో చేయబోతున్నారు... అని అన్నాడు.
గడ్డ అయితే పర్లేదు సెగెడ్డ కాకుండా చూసుకోండని సుమ పంచ్ వేసింది. తర్వాత బ్రహ్మాజీ రెచ్చిపోయాడు. మీరు ఇంకా తింటుంటే ఉంటారా? అని సుమ అడగ్గా... ఇది స్నాక్స్ అండి భోజనం కాదు అన్నాడు. అలాగే భోజనాలు ఎప్పుడూ అంటూ పదే పదే సుమపై పంచులు వేసి వేధించాడు.
దీని వెనుక నేపథ్యంల్ ఏమిటంటే... ఇటీవల ప్రమోషనల్ ఈవెంట్ కి హాజరైన సుమ మీడియా మీద పంచ్ వేశారు. ఎంతకీ మీడియా వాళ్ళు వేదిక వద్దకు రాకపోవడంతో... మీడియా వాళ్ళు స్నాక్స్ భోజనాల వలే తినేస్తున్నారు. వారు తినడం ముగించుకుని త్వరగా రావాలి అన్నారు.
దీనిపై మీడియా వర్గాలు అభ్యంతరం వ్యక్తం చేశారు. తామేదో స్నాక్స్ కోసమే వస్తున్నట్లు మాట్లాడటం సరికాదని సుమను అప్పుడే నిలదీశారు. దీంతో ఈవెంట్ ముగిశాక సుమ ఓ వీడియో విడుదల చేశారు. తన వ్యాఖ్యలు మీడియా మిత్రులను బాధపెట్టాయని తెలిసింది. అందుకు క్షమాపణలు అన్నారు.
దాంతో ఆ వివాదం ముగిసింది. అయితే తాజాగా ఈ ఘటనను బ్రహ్మాజీ సుమ అడ్డా షోలో తెరపైకి తెచ్చాడు. సుమ మీద పంచులు వేశాడు. అయితే ఇక్కడ బ్రహ్మాజీ మీడియాకు కూడా చురకలు వేసినట్లు అనిపిస్తుంది. కావాలనే ఈ మేటర్ సుమ అడ్డా షోలో కామెడీగా రాసుకున్నారని తెలుస్తుంది.
ఇక ఎక్స్ట్రా ఆర్డినరీ మ్యాన్ సినిమా విషయానికి వస్తే... నితిన్ కి జంటగా శ్రీలీల నటిస్తుంది. రచయిత వక్కంతం వంశీ నాపేరు సూర్య అనంతరం దర్శకుడిగా మరోసారి అదృష్టం పరీక్షించుకుంటున్నారు.