Intinti Gruhalakshmi: మళ్లీ శత్రువులను పక్కన పెట్టుకున్న తులసి.. లాస్యకు సామ్రాట్ వార్నింగ్!

Intinti Gruhalakshmi: బుల్లితెరపై ప్రసారమవుతున్న ఇంటింటి గృహలక్ష్మి  (Intinti Gruhalakshmi) సీరియల్ మంచి కాన్సెప్ట్ తో కొనసాగుతుంది. భర్తతో విడిపోయి కుటుంబం కోసం ఒంటరిగా పోరాడే మహిళ కాన్సెప్ట్ తో ప్రసారం అవుతున్న ఈ సీరియల్ ఈరోజు సెప్టెంబర్ 15వ తేదీ ఎపిసోడ్ లో ఏం జరిగిందో హైలెట్స్ తెలుసుకుందాం..  

ఈరోజు ఎపిసోడ్ ప్రారంభంలోనే.. లాస్య నందుతో, చూసావా నందు తులసి నిజాయితీపరులాలు లాగా ఉంటాది కానీ అబద్ధాలు ఆడుతుంది. తనంతట తను  నిజం చెప్పను అని అన్నది మరి సామ్రాట్ కి ఎలా తెలిసి ఉంటుంది. మనం కాకుండా  ఇంక ఎవరు చెప్పినా సామ్రాట్ నమ్మడు అని అనగా నందు,ఇప్పుడు ఆ విషయం కాదు మన ఉద్యోగాలు ఏంటి? నేను ఇంక ఆయన మొహం కూడా చూడను. నాకు ఉద్యోగం కూడా అవసరం లేదు అని అనగా,ఈ ఉద్యోగం మనకు చాలా అవసరం నందు నేను వెళ్లి బతిమిలాడతాను అని లాస్య అంటుంది.

ఆ తర్వాత సీన్లో సామ్రాట్ వాళ్ళ బాబాయ్,సామ్రాట్ దగ్గరికి వస్తాడు. ఎందుకురా అంత టెన్షన్ పడుతున్నావు తులసి వస్తాదో లేదా అనా అని అనగా అవును బాబాయి అని బయటికి వెళ్లి చూసేసరికి తులసి అక్కడ ఉంటుంది. లోపలికి రావచ్చు కదా తులసి గారు అని అనగా మీరు లోపల మాట్లాడుతున్నారు కదా రావడం మర్యాద కాదేమో  అని రాలేదు,అయిన నేను ఇక్కడికి రాను అనుకున్నారు కదా అని అనగా సారీ అండి తప్పు నాదే అని సామ్రాట్ అంటాడు.

ఇంక ఆ విషయం వదిలేయండి, నాకు ఈ ప్రాజెక్ట్ ఏమీ అర్థం కావట్లేదు అని అనగా సామ్రాట్,నేను చెప్తాను లెండి అయినా మీరు ఆ ఇంట్లో స్ట్రెస్ గా ఫీల్ అయితే కొన్ని రోజులు బయటికి వెళ్లి అలా తిరిగి ఇంటికి రావచ్చు కదా అని సలహా ఇస్తాడు. అప్పుడు తులసి, ఏ పక్షికైనా స్వాతంత్రం వచ్చిందని గాల్లో తిరుగుతాది కానీ చివరికి రాత్రి అయ్యేసరికి తన గూటికి రావాలి. అలాగే నా ఇల్లే నాకు స్వర్గం అని అంటుంది.తప్పుడు సలహా ఇచ్చాను సారీ అని సామ్రాట్ చెప్పి వాళ్ళిద్దరూ నవ్వుతూ మాట్లాడుకుంటున్నప్పుడు లాస్య అక్కడికి వస్తుంది.

 సార్ మీతో కొంచెం మాట్లాడాలి అని అనగా,మీరు నాకు ఫోన్ చేసి రావాల్సింది అని సామ్రాట్ అంటాడు. నాకు తెలుసు సార్ మీరు నా మీద కోపంగా ఉన్నారు ప్లీజ్ మా ఉద్యోగాల గురించి మాకు ఇంకొక ఛాన్స్ ఇవ్వండి. నేను మీతో పర్సనల్గా మాట్లాడాలి అని అంటుంది లాస్య.సరే  క్యాబిన్లో కూర్చోండి అని సామ్రాట్ అంటాడు. అప్పుడు సామ్రాట్ తులసితో, వాళ్ళ గుట్టు బయటపడిపోయింది నేను ఉద్యోగాలు తీస్తాను అని వాళ్ళు పసిగట్టారు అందుకే నా దగ్గరికి మాట్లాడడానికి వచ్చారు. ఈ నిర్ణయం మీ చేతిలోనే వదులుతున్నాను తులసి గారు.

 మీరు అవునంటే వాళ్లకు ఉద్యోగాలు ఇస్తాను లేకపోతే వాళ్ళ ఉద్యోగాలు తీసేస్తాను. నాకైతే తీసేయాలని ఉన్నది మీ సలహా ఏంటి అని అడగగా తులసి, నా వల్ల ఎవరూ బాధపడడం నాకు ఇష్టం లేదు. నా జీవితంలో వాళ్ల వల్ల నేను చాలా బాధపడ్డాను కానీ నేను అదే పని చేస్తే వాళ్ళకి నాకు తేడా ఉండదు అని అంటుంది తులసి.అప్పుడు సామ్రాట్ లాస్య దగ్గరికి వెళ్తాడు. అప్పుడు లాస్య  సారీ సార్ అని అనగా మీరు నాకు సారీ ఏ విషయం మీద చెప్తున్నారు అని అనగా  సార్ మా ఉద్యోగాలు మీ మీదే ఆధారపడి ఉన్నాయి.

నందు ఏ తులసి మాజీ భర్త  అనే విషయం చెప్తే మా ఉద్యోగాలు పోతాయి మీకు అందుకే  చెప్పలేదు అంతేకానీ ఇంకా ఏ  ఉద్దేశమూ లేదు అని అనగా సామ్రాట్, మీరు ఇంట్లో గొడవ పడుకుంటారో, ఎలా ఉంటారో నాకు సంబంధం లేదు. కానీ ఇక్కడ మాత్రం జాగ్రత్తగా ఇద్దరూ పనిచేయాలి. తులసి గారికి ఎటువంటి లోటు రాకూడదు .ఇంకెప్పుడైనా ఇలా జరిగితే మీ కెరీర్ నాశనం చేస్తాను అని అంటాడు సామ్రాట్  ఇంకెప్పుడూ ఇలా జరగదు సార్ మాకు చివరి అవకాశం ఇచ్చినందుకు ధన్యవాదాలు అని లాస్య  అనగా ఈ అవకాశం ఇచ్చింది నేను కాదు.

 తులసి గారు వెళ్లి తనకి థాంక్స్ చెప్పండి అని అంటాడు సామ్రాట్. లాస్య మనసులో,ఉద్యోగం కావాలంటే ఇంక ఇది చేయకు తప్పదు అని అనుకోని తులసి దగ్గరికి వెళ్లి థాంక్యూ తులసి నీ వల్లే మా ఉద్యోగం పోలేదు, నువ్వు తలుచుకుంటే మమ్మల్ని ఉద్యోగం నుంచి పీకే గలవు కానీ ఉంచావు ధన్యవాదాలు అని అనగా తులసి,నేను మీకు ఏమి సహాయం చేయలేదు లాస్య నేను పడిన బాధ మీరు పడకూడదని చెప్తున్నాను. అయినా నపకారికి ఉపకారం చేస్తే అది శిక్ష వేసినట్టు అవుతుంది.

నేను కీడు చేయాలనుకునే మనిషి నాకు సహాయం చేసింది అని ఆలోచన నీకు ప్రతిరోజు మనసులో ఉంటుంది. అయినా నా జీవితం నాది, మిగిలిన వాళ్ళ గురించి ఆలోచించే సమయం నాకు లేదు ఇంకెప్పుడూ ఆ నందగోపాల్ ని నా జీవితంలో తల దూర్చోద్దు అని చెప్పు అని చెప్పి వెళ్ళిపోతుంది తులసి. ఇంతటితో ఎపిసోడ్ ముగుస్తుంది. తరువాయి భాగంలో ఏం జరిగిందో తెలియాలి అంటే రేపటి వరకు ఎదురు చూడాల్సిందే!