Intinti Gruhalakshmi: దివ్య కోసం తులసికి మాట ఇచ్చిన నందు.. ఇంట్లో నుంచి బయటకు వెళ్లేందుకు లాస్య ప్లాన్స్?

Intinti Gruhalakshmi: బుల్లితెరపై ప్రసారమవుతున్న ఇంటింటి గృహలక్ష్మి (Intinti Gruhalakshmi) సీరియల్ ప్రేక్షకులను బాగా ఆకట్టుకుంటుంది. ఈ సీరియల్ కుటుంబ కథ నేపథ్యంలో కొనసాగుతుంది. ఇక ఈ రోజు ఈ సీరియల్ లో ఏం జరిగిందో ఒకసారి తెలుసుకుందాం.

Intinti Gruhalakshmi

తులసి (Tulasi) ప్రేమ్ ను ఇంట్లో నుంచి బయటకు పంపించడంతో ఇంట్లో వాళ్లంతా బాధ పడుతున్న సంగతి తెలిసిందే. ఇక దివ్య మాత్రం తన అన్నయ్య మీద ప్రేమతో అన్నం తినడం కూడా మానేసింది. తులసి దివ్యను అన్నం తినమని బ్రతిమాలుతూ ఉంటుంది. కానీ దివ్య (Divya) మాత్రం ఏడుస్తూ తులసిపై కోపంగా అరుస్తుంది.

Intinti Gruhalakshmi

అన్నయ్య వచ్చే వరకు అన్నం తినను అంటూ మారం చేస్తుంది. నువ్వు మొత్తం మారావు అమ్మ.. ముందులా లేవు అని.. ఇప్పుడు ఎందుకు ఇలా చేస్తున్నావు అని గట్టిగా నిలదీస్తుంది. కానీ తులసి (Tulasi) మాత్రం ఇదంతా ప్రేమ్ (Prem) కోసమే చేస్తున్నానని.. ప్రేమ్ జీవితం చక్కబెట్టాలని ఇలా నిర్ణయం తీసుకున్నాను అని అనుకుంటుంది.

Intinti Gruhalakshmi

కానీ దివ్య (Divya) మాత్రం అన్నయ్య వచ్చే వరకు అన్నం తినను అని.. తులసిని తన నోటికొచ్చిన మాటలు అనేసి అన్నం ప్లేట్ ను కింద పడేస్తుంది. ఇక తులసి వెంటనే కోపంతో రగిలిపోతూ దివ్య పై అరిచి అక్కడి నుంచి వెళ్లి పోతుంది. మరోవైపు ప్రేమ్, శృతి (Shruthi) ఒక రూమ్ లో కూర్చొని ఇకపై ఇదే మన ఇల్లు అని.. ఇప్పటినుంచి జీవితంలో కొత్త అడుగులు వేయాలని అనుకుంటారు.

Intinti Gruhalakshmi

అంతలోనే అభి (Abhi) ఫోన్ చేయడంతో ప్రేమ్ ఫోన్ లిఫ్ట్ చేసి తులసి గురించి అడుగుతాడు. ఇక అభి, అంకిత ప్రేమ్ మాటలు విని బాధపడతారు. కాసేపు అభి ప్రేమ్ తో మాట్లాడుతూ ఉంటాడు. ఇక అంకిత (Ankita) ఫోన్ తీసుకొని శృతి తో ఎమోషనల్ గా మాట్లాడుతుంది. ఆ తర్వాత తాము ఫోన్ మాట్లాడిన విషయాన్ని ఆంటీ కి చెప్పకూడదని అంకిత అభితో అంటుంది.

Intinti Gruhalakshmi

మరో వైపు నందు (Nandhu), లాస్య కారులో ప్రయాణిస్తూ తులసి గురించి వ్యతిరేకంగా మాట్లాడుకుంటూ ఉంటారు. ఇక మాటల్లో లాస్య (Lasya) వీళ్ళందరికీ దూరంగా వెళ్లాలని.. మనమిద్దరం ఇల్లు వదిలి బయటికి వెళ్దాము అని నందుతో అంటుంది. ఇక నందు అమ్మ నాన్నను వదిలి బయటికి రాలేనని అంటాడు.

Intinti Gruhalakshmi

ఇక దివ్య (Divya) మాత్రం తన అన్నయ్య ప్రేమ గురించి ఆలోచిస్తూ ఉంటుంది. మమ్మీ ఎందుకిలా ప్రవర్తిస్తోంది అని అనుకుంటుంది. తులసి కూడా ప్రేమ్ గురించి ఆలోచిస్తూ ఉంటుంది. తరువాయి భాగంలో నందు.. దివ్య అన్నం తినడం లేదని ప్రేమ్ (Prem) ను ఇంటికి పిలవమని అంటాడు. దానికి తులసి వాడిపై ఇక నుంచి అరువనంటే తీసుకొస్తాను అని అంటుంది. వెంటనే నందు ఒప్పుకుంటాడు.