నయనతారకు త్రిష స్ట్రాంగ్ వార్నింగ్, సోషల్ మీడియాలో ఫైర్ అయిన నటి, ఎందుకంటే?

స్టార్ హీరోయిన్  త్రిష సోషల్ మీడియాలో పెట్టిన ఘాటు పోస్ట్ వైరల్ అవుతోంది. ఆమె ఈ పోస్ట్ హీరోయన్ నయనతారను ఉద్దేశించే పెట్టినట్టు చర్చించరుకుంటున్నారు ఆడియన్స్. ఇంతకీ  త్రిష చాలా కోపంగా పెట్టిన ఆ పోస్ట్ ఏంటి?  ఏమంటోంది?

 త్రిష కోలీవుడ్‌లో అడుగుపెట్టి 20 ఏళ్లు దాటిపోయింది. ఇప్పటికీ బిజీ హీరోయిన్‌గా కొనసాగుతోంది. ఈ ఏడాది ఆమె నటించిన 3 సినిమాలు విడుదలయ్యాయి. అందులో టొవినో థామస్ జోడీగా నటించిన ఐడెంటిటీ సినిమా జనవరిలో విడుదలై మంచి ఆదరణ పొందింది. ఆ తర్వాత ఫిబ్రవరిలో అజిత్‌తో కలిసి త్రిష నటించిన విడాముయర్చి రిలీజ్ అయ్యి డిజాస్టర్ అయ్యింది. 

అజిత్, త్రిష

ఇక తాజాగా  త్రిష, అజిత్ కలిసి గుడ్ బ్యాడ్ అగ్లీ సినిమాలో నటించారు. ఈ సినిమాకు ఆదిక్ రవిచంద్రన్ దర్శకత్వం వహించారు. ఈ సినిమా ఏప్రిల్ 10న థియేటర్లలో విడుదలైంది. ఈ సినిమా అజిత్ అభిమానులకు మంచి ట్రీట్ అయ్యింది. సినిమాకు అజిత్ అభిమానుల నుంచి భారీ ఆదరణ లభిస్తుండటంతో చిత్రబృందం సంతోషంగా ఉంది. కానీ ఈ సినిమా విడుదల తర్వాత నటి త్రిష మాత్రం చాలా కోపంగా ఉందట.

త్రిష ఇన్స్టా పోస్ట్

ఈసినిమా రిలీజ్ తరువాత త్రిష పెట్టిన  ఇన్స్టా పోస్ట్  అందరికి ఆశ్చర్యం కలిగిస్తోంది. . ఆ పోస్ట్‌లో ‘ఛా.. టాక్సిక్ మనుషుల్లారా... మీకెలా నిద్ర పడుతుందో? సోషల్ మీడియాలో ఉండి తెలివి తక్కువగా మనుషులు మీరు.  ఇతరుల గురించి పోస్ట్‌లు పెట్టడమే మీ పనా? మీకోసం, మీతో జీవించేవారి కోసం చాలా బాధపడుతున్నాను. ఇది పిరికితనం. గాడ్ బ్లెస్ యూ’ అని పోస్ట్ చేసింది. హేటర్స్‌కు కౌంటర్ ఇవ్వడానికే ఆమె ఈ పోస్ట్ పెట్టింది.

త్రిష, నయనతార

అసలు  త్రిషకు ఇంత కోపం ఎందుకు వచ్చింది. అలా వచ్చేలా ఎవరు ఏం చేశారు అంటే? ఆమె కోపానికి కారణం నయనతార అభిమానులట. గుడ్ బ్యాడ్ అగ్లీ సినిమాలో త్రిష నటనను మెచ్చుకుంటూ ఆమె అభిమానులు ఒకే ఒక్క లేడీ సూపర్ స్టార్ ఉంది.. అది మా త్రిష మాత్రమే అని పోస్ట్ చేయగా, దీనికి నయనతార అభిమానులు కౌంటర్ ఇస్తూ గుడ్ బ్యాడ్ అగ్లీలో త్రిష నటన బాగాలేదని విమర్శించడంతో పాటు 20 ఏళ్లుగా సినిమాలో నటిస్తున్నా సొంత గొంతుతో డబ్బింగ్ చెప్పడం చేతకాదు. నటన కూడా ఆమెకు రాదు అని రిప్లై ఇచ్చారు. దీంతో ఇరు వర్గాల అభిమానుల మధ్య సోషల్ మీడియాలో గొడవ జరిగింది.

హేటర్స్‌కు త్రిష రిప్లై

ఈ గొడవతో టెన్షన్ పడిన త్రిష, నయనతార అభిమానులను అటాక్ చేసేలా ఒక పోస్ట్ పెట్టింది. ఆమె నయనతార అభిమానులను విమర్శించేందుకే ఈ పోస్ట్ పెట్టిందని, అందులో ఆమె పేర్కొన్న టాక్సిక్ అనే పదమే కారణం. ఎందుకంటే నయనతార ప్రస్తుతం నటిస్తున్న సినిమా పేరు టాక్సిక్. దానిని ఉద్దేశించే త్రిష ఈ పోస్ట్ పెట్టిందని నెటిజన్లు డీకోడ్ చేస్తున్నారు.