తళపతి విజయ్ తన పార్టీ 'తమిళగ వెట్రి కళగం' విజయంతో వార్తల్లో నిలిచారు. ఆయనతో పాటు నటి త్రిష కృష్ణన్ పేరు కూడా మళ్లీ తెరపైకి వచ్చింది. త్రిష కూడా రాజకీయాల్లోకి రావాలని ఆలోచిస్తున్నట్లు సమాచారం.
సౌత్ ఇండస్ట్రీలో ఓ హీరోయిన్ సినిమాకు ఏకంగా 9 రీమేక్లు వచ్చాయి. బాలీవుడ్ కూడా ఈ సినిమాను కాపీ కొట్టింది. ఇంతకీ ఎవరా హీరోయిన్? ఏంటా సినిమా? ఆ విశేషాలు ఇప్పుడు చూద్దాం.
25
నువ్వొస్తానంటే నేనొద్దంటానా
ఆ హీరోయిన్ మరెవరో కాదు, మనందరికీ తెలిసిన త్రిష కృష్ణన్. 2005లో ఆమె నటించిన 'నువ్వొస్తానంటే నేనొద్దంటానా' అనే తెలుగు సినిమాను చాలా భాషల్లో రీమేక్ చేశారు. ఈ సినిమాకు ప్రభుదేవా దర్శకత్వం వహించారు.
35
ప్రభుదేవా దర్శకత్వం
2005లో వచ్చిన 'నువ్వొస్తానంటే నేనొద్దంటానా' ఒక రొమాంటిక్ కామెడీ సినిమా. దీనికి ప్రభుదేవా దర్శకత్వం వహించారు. సుమంత్ ఆర్ట్ ప్రొడక్షన్స్ బ్యానర్పై ఎం.ఎస్. రాజు ఈ సినిమాను నిర్మించారు. ఇందులో శ్రీహరి, సిద్ధార్థ్, త్రిష ప్రధాన పాత్రల్లో నటించారు. దేవి శ్రీ ప్రసాద్ సంగీతం అందించారు.
'నువ్వొస్తానంటే నేనొద్దంటానా' సినిమాను ఏకంగా 9 భాషల్లో రీమేక్ చేశారు. కన్నడలో 'నీనెల్లో నాన్నల్లే', తమిళంలో 'ఉనక్కుమ్ ఎనక్కుమ్', బెంగాలీలో 'ఐ లవ్ యూ', మణిపురిలో 'నింగోల్ తజాబా', ఒడియాలో 'సున చదై మో రూప చదై', పంజాబీలో 'తేరా మేరా కీ రిష్తా', బంగ్లాదేశీలో 'నిశ్వాస్ అమర్ తుమీ', నేపాలీలో 'ది ఫ్లాష్ బ్యాక్: ఫర్కేరా హెర్దాస్', హిందీలో 'రామయ్య వస్తావయ్యా' పేర్లతో రీమేక్ అయింది. హిందీ తప్ప మిగతా అన్ని భాషల్లోనూ ఈ సినిమా హిట్ అయింది.
55
త్రిష తదుపరి చిత్రాలు
త్రిష కృష్ణన్ వర్క్ఫ్రంట్ విషయానికొస్తే, ఆమె 1999లో తన యాక్టింగ్ కెరీర్ను ప్రారంభించారు. అప్పటి నుంచి ఆమె సినిమాల్లో నిరంతరం యాక్టివ్గా ఉన్నారు. ఆమె తదుపరి చిత్రాలు 'కరుప్పు', 'విశ్వంభర', 'రామ్'. ఈ సినిమాలన్నీ ఈ ఏడాదే విడుదల కానున్నాయి.
