ఇండస్ట్రీలో రెండు దశాబ్దాలు పూర్తి చేసుకున్న త్రిష.. మళ్లీ నిలబెట్టిన సినిమా ఇదేనంట.. ఇంట్రెస్టింగ్ పోస్ట్!

స్టార్ హీరోయిన్ త్రిష సినీ ఇండస్ట్రీలో రెండు దశాబ్దాలను పూర్తి చేసుకుంది. ఈ సందర్భంగా ఆమె అభిమానులు, సినీ ప్రముఖులు శుభాకాంక్షలు తెలుపుతున్నారు. మరోవైపు తనను ఇండస్ట్రీలో మళ్లీ నిలబెట్టిన చిత్రాన్ని త్రిష గుర్తు చేసుకోవడం ఆసక్తికరంగా మారింది.  

తమిళ బ్యూటీ, స్టార్ హీరోయిన్ త్రిష కృష్ణన్ (Trisha Krishnan) సినిమాల్లోకి వచ్చి 20 ఏళ్లు పూర్తి అయ్యింది. 1999 నుంచి ఇండస్ట్రీలో యాక్టివ్ గా ఉంటున్న త్రిష్ట అన్ని భాషల చిత్రాల్లో నటించి మెప్పించింది. ఇప్పటి వరకు 70కిపైగా సినిమాల్లో నటించింది.

సీనియర్ హీరోయిన్ గా ఇప్పటికీ సినీ ఆఫర్లను అందుకుంటూ ప్రేక్షకులను అలరిస్తూ వస్తోంది. నేటితో త్రిష ఇండస్ట్రీలో అడుగు పెట్టి రెండు దశాబ్దాలు పూర్తి చేసుకుంది. దీంతో అభిమానులు, సినీ ప్రముఖుల, సెలబ్రెటీలు ఆమెకు శుభాకాంక్షలు తెలుపుతున్నారు. ఆమె బ్యూటీని పొగుడుతూ త్రిష త్రోబ్యాక్ పిక్స్ ను షేర్ చేస్తున్నారు. 

దక్షిణాది ఆడియెన్స్ లో త్రిష పేరు తెలియని తెలుగు ఆడియెన్స్ ఉండరు. ముఖ్యంగా తెలుగు, తమిళ చిత్రాల్లో త్రిష ఎక్కువగా నటించింది. దీంతో ఈరెండు భాషల ప్రేక్షకుల్లో ఆమెకు ప్రత్యేక స్థానం ఉంది. ఫ్యామిలీ హీరోయిన్ గా పెరు సంపాదించుకుంది. అలాగే గ్లామర్ ఒళకబోస్తూ యూత్ లోనూ గట్టి ఫాలోయింగ్ ను సాధించింది.

‘వర్షం’తో తెలుగు ఆడియెన్స్ ను పరిచయం అయిన త్రిష.. నువ్వొస్తానంటే నేనొద్దంటానా, అతడు, పౌర్ణమి, స్టాలిన్, బుజ్జిగాడు, కింగ్, నమో వెంకటేశా, లయన్ లాంటి బ్లాక్ బాస్టర్ చిత్రాలతో పాటు మరిన్ని సినిమాల్లో నటించింది. మరోవైపు తమిళంలోనూ జోరుగా సినిమాలు చేస్తూనే వచ్చింది. 

2016 తర్వాత త్రిషకు పెద్దగా హిట్లు లేవు. ఆరేండ్ల తర్వాత రీసెంట్ గా ప్రముఖ తమిళ దర్శకుడు మణిరత్నం  తెరకెక్కించిన ‘పొన్నియన్ సెల్వన్ 1’తో హిట్ అందుకొని మళ్లీ ప్రేక్షకులను మెప్పించింది. ఇలాంటి భారీ ప్రాజెక్ట్ లో త్రిష హీరోయిన్ గా నటించడం పట్ల అభిమానులు ఖుషీ అవుతున్నారు. ఇండస్ట్రీలో త్రిషను ‘పొన్నియిన్ సెల్వన్’ చిత్రమే మళ్లీ నిలబెట్టిందంటూ పోస్టుల పెడుతున్నారు. 2 Decades Of South Queen Trisha అనే హ్యాష్ ట్యాగ్ ను ట్రెండింగ్ లోకి తెచ్చారు. 

మరోవైపు త్రిష కూడా తనకు విష్ చేసిన వారందరికీ ప్రత్యేక ధన్యవాదాలు తెలిపింది. ఈ సందర్భంగా స్పెషల్ పోస్ట్ పెట్టింది. ‘దక్షిణాది హృదయాల్లో ఎప్పటికీ నిలిచిపోయినందుకు సంతోషంగా ఉంది’ అని పేర్కొంది. ఏదేమైనా త్రిషపై చూపుతున్న ప్రేమను గ్రాండ్ గా సెలబ్రేట్ చేసుకుంటోంది. ప్రస్తుతం త్రిష ‘సతురంగ వేట్టై పార్ట్ 2’, ‘రామ్ పార్ట్ 1’, పొన్నియిన్ సెల్వన్ 2, ది రోడ్ వంటి చిత్రాల్లో నటిస్తూ బిజీగా ఉంది.