Best Horror Films: టాలీవుడ్ లో దుమ్ములేపిన టాప్ 5 హారర్ మూవీస్..కష్టాల్లో ఉన్న హీరోకి అదిరిపోయే కంబ్యాక్

టాలీవుడ్ లో కొన్ని అద్భుతమైన హారర్ చిత్రాలు వచ్చాయి. అనుష్క శెట్టి, సాయిధరమ్ తేజ్, సుధీర్ బాబు నటించిన క్రేజీ హారర్ చిత్రాల గురించి ఈ కథనంలో తెలుసుకుందాం. 

టాప్ 5 హారర్ మూవీస్

సాధారణంగా టాలీవుడ్ లో హారర్ సినిమాలకంటే రెగ్యులర్ కమర్షియల్ చిత్రాలకే ఎక్కువ ఆదరణ ఉంటుంది. అయినప్పటికీ కొన్ని హారర్ చిత్రాలు టాలీవుడ్ లో సంచలనం సృష్టించాయి. ఒక హారర్ మూవీతో లీడ్ యాక్ట్రెస్ కి లేడీ సూపర్ స్టార్ స్టేటస్ వచ్చింది. మరో సినిమా కష్టాల్లో ఉన్న క్రేజీ హీరో కెరీర్ ని నిలబెట్టింది. టాలీవుడ్ లో వచ్చిన టాప్ 5 హారర్ చిత్రాల వివరాలు ఇప్పుడు చూద్దాం.

అరుంధతి

టాలీవుడ్ లో వచ్చిన బెస్ట్ హారర్ మూవీస్ లో అరుంధతి టాప్ ప్లేస్ లో ఉంటుంది. ఈ మూవీలో లీడ్ యాక్ట్రెస్ అనుష్క పాత్ర ఎంత పవర్ ఫుల్ గా ఉంటుందో విలన్ సోనూ సూద్ పాత్ర కూడా అంతే బలంగా ఉంటుంది. అప్పట్లో ఈ చిత్రం స్టార్ హీరోల సినిమాల రేంజ్ లో వసూళ్లు సాధించి ఇండస్ట్రీని షాక్ కి గురిచేసింది. ఈ మూవీతో అనుష్క శెట్టికి లేడీ సూపర్ స్టార్ అనే స్టేటస్ దక్కింది.

ప్రేమ కథా చిత్రం

ఇది సీరియస్ గా సాగే హారర్ మూవీ కాదు. హారర్ కామెడీ చిత్రం. ఇందులో హారర్ ఎలిమెంట్స్ కంటే కామెడీ ఎలిమెంట్స్ హైలైట్ అయ్యాయి. సప్తగిరి, ప్రవీణ్ ల కామెడీ సీన్స్ ఇప్పటికీ ఆడియన్స్ ని కడుపుబ్బా నవ్విస్తూ ఉంటాయి. ఈ మూవీలో సుధీర్ బాబు, నందిత రాజ్ ఈ చిత్రంలో జంటగా నటించారు.

రాజుగారి గది

ఓం కార్ దర్శకత్వంలో తెరకెక్కిన ఈ చిత్రం హారర్ కామెడీ అంశాలతో ఆడియన్స్ ని మెప్పించింది. బుల్లితెర యాంకర్ గా ఆకట్టుకున్న ఓంకార్ ఈ చిత్రం దర్శకుడిగా కూడా విజయం అందుకున్నారు.

విరూపాక్ష

సూపర్ నేచురల్, హారర్ అంశాలతో ఈ చిత్రం ఆడియన్స్ ని సీట్ ఎడ్జ్ పై కూర్చోబెట్టింది. కార్తీక్ దండు దర్శకత్వంలో తెరకెక్కిన ఈ మూవీలో సుప్రీం హీరో సాయి ధరమ్ తేజ్ హీరోగా నటించారు. ఈ సినిమాకి ముందే తేజు రోడ్డు ప్రమాదంలో తీవ్రంగా గాయపడి చావు అంచులవరకు వెళ్లి వచ్చాడు. కెరీర్ నిలబడాలి అంటే ఒక అద్భుతమైన సినిమా కావాలి. అలాంటి టైంలో విరూపాక్ష మూవీ తేజుకి సాలిడ్ కంబ్యాక్ ఇచ్చింది.

మాసూద

కావ్య కళ్యాణ్ రామ్, తిరువీర్ ప్రధాన పాత్రల్లో నటించిన మాసూద చిత్రం 2022లో విడుదలై మంచి విజయం అందుకుంది. సాయి కిరణ్ దర్శకత్వంలో ఈ చిత్రం తెరకెక్కింది.