Mahesh-Pawan: ఒకే పాత్రతో రెండు సినిమాలు చేసిన మహేష్.. పవన్ ఒక్కసారి చేస్తే బ్లాక్ బస్టర్ అనుకున్నారు కానీ

మహేష్ బాబు ఒకే తరహా పాత్రలో 2 సినిమాలు చేశారు. రెండుసార్లు ఆయనకు విజయాలు దక్కాయి. పవన్ కళ్యాణ్ అదే తరహా పాత్రలో ఒక్క సినిమా చేశారు. ఆ సినిమా ఏంటి ? రిజల్ట్ ఏంటి అనే వివరాలు ఈ కథనంలో తెలుసుకుందాం. 

కాంట్రాక్ట్ కిల్లర్స్ గా టాలీవుడ్ హీరోలు

టాలీవుడ్ హీరోలు కొందరు కాంట్రాక్ట్ కిల్లర్స్ పాత్రలో సినిమాలు చేశారు. మహేష్ బాబు, నాగార్జున, పవన్ కళ్యాణ్ లాంటి అగ్ర హీరోలు ఆ తరహా పాత్రలు చేశారు. మహేష్ బాబు కాంట్రాక్ట్ కిల్లర్ గా 2 సినిమాల్లో నటించారు. ఆ చిత్రాల గురించి ఇప్పుడు తెలుసుకుందాం.

అంతం

రాంగోపాల్ వర్మ దర్శకత్వంలో నాగార్జున, ఊర్మిళ జంటగా నటించిన చిత్రం అంతం. ఈ మూవీలో నాగార్జున కాంట్రాక్టు కిల్లర్ గా నటించారు. అయితే ఈ చిత్రం బాక్సాఫీస్ వద్ద విజయం సాధించలేదు.

అతడు

త్రివిక్రమ్ శ్రీనివాస్ దర్శకత్వంలో తెరకెక్కిన మాస్టర్ పీస్ మూవీ ఇది. ఈ మూవీలో మహేష్ బాబు నందు అనే కిరాయి హంతకుడిగా నటించారు. ఒక పొలిటికల్ లీడర్ హత్య చుట్టూ ఈ చిత్ర కథ సాగుతుంది. మహేష్ బాబు ఈ మూవీలో వన్ లైన్ డైలాగ్స్, స్టైలిష్ పెర్ఫార్మెన్స్ తో అదరగొట్టారు.

పోకిరి

ఇది కూడా మహేష్ బాబు నటించిన చిత్రమే. ఇందులో కూడా మహేష్ కాంట్రాక్టు కిల్లర్ గానే నటించారు. పూరి జగన్నాధ్ ఈ మూవీలో నెవర్ బిఫోర్ అనిపించేలా మహేష్ ని మాస్ లుక్ లో చూపించారు. క్లైమాక్స్ ట్విస్ట్ కి థియేటర్లు బద్దలయ్యాయి.

పంజా

ఈ మూవీలో పవన్ కళ్యాణ్ ఒక గ్యాంగ్ స్టర్ దగ్గర పనిచేసే కిరాయి అంతకుడిగా నటించారు. రిలీజ్ కి ముందు ఈ సినిమాపై కనీవినీ ఎరుగని అంచనాలు ఏర్పడ్డాయి. ఇండస్ట్రీ రికార్డులు తిరగరాసే చిత్రం అవుతుంది అని అంతా భావించారు. కానీ ఈ మూవీ డిజాస్టర్ అయింది.