హనుమాన్ ఎఫెక్ట్.. డైరెక్టర్ ప్రశాంత్ వర్మ కోసం పోటీపడుతున్న స్టార్ హీరోలు వీళ్ళే..

ఒకప్పుడు కథ చెప్పడానికి వచ్చినా అవకాశం ఇవ్వలేదు.. కథ విన్నా.. సినిమా తీస్తాడని నమ్మలేదు.. కాని ఇప్పుడు అదే వ్యక్తి డైరెక్టర్ గా తనను తాను ప్రూ చేసుకున్నాడు.. స్టార్ హీరోలు కూడా పోటీపడి అవకాశం ఇచ్చే స్తాయికి వచ్చాడు. ఇంతకీ ప్రశాంత్ వర్మ కోసం ఎవరెవరు ఎదరు చూస్తున్నారో తెలుసా..? 

ఇక ఆ దెబ్బతో డైరెక్టర్ గా ప్రశాంత్ వర్మ ఫేట్ మారిపోయింది. ఒకప్పుడు కథ చెప్పడానికి.. కనీసం లైన్ వినిపించడానికి రెండు నిమిషాలు టైమ్ కూడా ఇవ్వని స్టార్ హీరోలు నాతో సినిమా చేస్తావా అని వరుసగా కబురు పెడుతున్నారంటే.. తనను తాను ఎంత నిరూపించుకున్నడో ప్రత్యేకంగా చెప్పనక్కర్లేదు. 

ఒక్క హనుమాన్ సినిమాతోనే ఓవర్ నైట్ లో స్టార్ డైరెక్టర్ అయిపోయాడు ప్రశాంత్ వర్మ.అందుకే ఇపుడు ప్రశాంత్ వర్మ చేసే నెక్స్ట్ సినిమా మీదనే అందరి దృష్టి ఉంది. అందులో భాగంగానే ఆయన ఎవరితో సినిమా చేసిన కూడా ఆ సినిమా సూపర్ సక్సెస్  అయ్యేలాముందుగానే ప్లాన్ చేసుకున్నాడ యంగ్ డైరెక్టర్. ఇక  తన దగ్గర ఉన్న అన్ని కథలు కూడా చాలా పర్ఫెక్ట్ గా సెట్ చేసుకున్నాడట. ఈ విషయాన్ని గతంలో ఓ  ఇంటర్వ్యూలో ఆయన తెలియజేశాడు.

ఇక ఆయన హనుమాన్ సినిమాని అయితే చాలా సెన్సిటివ్ గా హ్యాండిల్ చేశాడు ప్రశాంత్ వర్మ. నెక్ట్స్ సినిమాలపై కూడా ఆయనకు ఓ విజన్ ఉంది. ఓ ప్లానింగ్ కూడా ఉన్నట్టు ఆయన మాట్లల్లోనే తెలుస్తోంది. ఇక ప్రశాంత్ నీల్ తో సినిమా చేయడానికి స్టార్ హీరోలు ఇంట్రెస్ట్ చూపిస్తున్నారట. ముఖ్యంగా ప్రశాంత్ కు నెక్ట్స్ సినిమా చేసే అవకాశం ఇచ్చారట మెగాస్టార్ చిరంజీవి. హనుమాన్ లో చిరంజీవి నటించారని చాలా రోజులు వార్తలు వైరల్ అయ్యాయి. హనుమాన్ క్యారెక్టర్ లో ఆయన నటిచారని పుకార్లు వచ్చాయి. కానిఈ సినిమా కోసం ఆయన కళ్ళు మాత్రం వాడుకున్నారని ఆతరువాత తెలిసింది. 

అంతే కాదు ఈసినిమాన ప్రీరిలీజ్ కు వచ్చి..మూవీని ఎంతో సపోర్ట్ చేశారు మెగాస్టార్. దిల్ రాజు ఈసినిమాను తొక్కేస్తున్నారు అన్న విమర్షల నేపథ్యంలో మెగాస్టార్ చిరంజీవి సపోర్ట్ ఈమూవీకి చాలా ఉపయోగపడింది. అంతే కాదు.. తాను ఏ సినిమాను తొక్కేయ్యడంలేదని. హనుమాన్ రిలీజ్ చేయమని చెప్పిందే తానని దిల్ రాజు క్లారిటీ ఇచ్చారు. ఇక ప్రశాంత్ వర్మతో దిల్ రాజు కూడా సినిమా చేసే అవకాశం ఉన్నట్టు సమాచారం.

ఇక ప్రశాంత్ వర్మకు చిరంజీవితో పాటు అల్లు అర్జున్ సైడ్ నుంచి కూడా సినిమాచేసే అవకాశం లభించినట్టు తెలుస్తోంది. ఇక బయటకు తెలియకుండా  చాలామంది స్టార్ హీరోలు ప్రశాంత్ వర్మకు కబురు పెట్టినట్టు టాక్. 

 మరి నెక్ట్స్ సినిమా ప్రశాంత్ వర్మ ఎవరితో చేస్తాడో చూడాలి. ప్రశాంత్ వర్మకు మాత్రం ప్రభాస్ తో సినిమా చేయాలని ఉన్నట్టు తెలుస్తోంది.  ప్రభాస్ తో భారీ సినిమా చేసి.. మరోసారి తనను తాను నిరూపించుకోవాలని చూస్తున్నాడు ప్రశాంత్ వర్మ. మరి మనోేడో మరో రాజమౌళి అవుతాడా చూడాలి...?