'హను మాన్'కి పుష్ప విలన్, కాంతార హీరో ఫిదా.. వరుసగా కన్నడ నటుల కామెంట్స్

యువ హీరో తేజ సజ్జా, ట్యాలెంటెడ్ డైరెక్టర్ ప్రశాంత్ వర్మ కాంబినేషన్ లో ప్రయోగాత్మకంగా తెరకెక్కిన సూపర్ హీరో చిత్రం 'హను మాన్'. వినయ్ రాయ్ ప్రతినాయకుడిగా, వరలక్ష్మి శరత్ కుమార్ కీలక పాత్రలో తెరకెక్కిన ఈ చిత్రం సంక్రాంతి కానుకగా ప్రేక్షకుల ముందుకు వచ్చింది. 

తొలి షో నుంచే యునానిమస్ బ్లాక్ బస్టర్ టాక్ సొంతం చేసుకున్న ఈ మూవీ అనేక రికార్డులు సొంతం చేసుకునే దిశగా దూసుకుపోతోంది. పాన్ ఇండియాలో సైతం హను మాన్ హంగామా మామూలుగా లేదు. ఆల్రెడీ ఈ చిత్రం వరల్డ్ వైడ్ గా 100 కోట్ల గ్రాస్ సొంతం చేసుకుంది. 

దేశవ్యాప్తంగా హను మాన్ చిత్రానికి ప్రశంసలు దక్కుతున్నాయి. చిన్న చిత్రంగా విడుదలైన హను మాన్ ప్రతి ఒక్కరూ చర్చించుకునే సిల్వర్ స్క్రీన్ అద్భుతంగా మారిపోయింది. 

హనుమంతుడి రక్తంతో ఏర్పడ్డ ఒక మణి హీరోకి దొరకడంతో అతడు సూపర్ హీరోగా మారిపోతాడు. ఆ మణి కోసం హీరో విలన్ మధ్య ఎలాంటి పోరాటం జరిగింది ? హీరోకి గురైన ఛాలెంజ్ లు ఏంటి ? సహకరించిన అంశాలు ఏంటి ? అనేవి సిల్వర్ స్క్రీన్ పై దర్శకుడు ప్రశాంత్ వర్మ చాలా అద్భుతంగా తెరకెక్కించారు. 

ఇక పుష్ప చిత్రంలో ఒక విలన్ గా నటించిన కన్నడ నటుడు ధనుంజయ కూడా హను మాన్ పై ప్రశంసల వర్షం కురిపించారు. భారీ విజయం సాధించిన హను మాన్ చిత్ర యూనిట్ కి నా శుభాకాంక్షలు. తేజ సజ్జా, ప్రశాంత్ వర్మ ఇద్దరికీ అభినందనలు అని ధనుంజయ పేర్కొన్నారు. 

ఇక పుష్ప చిత్రంలో ఒక విలన్ గా నటించిన కన్నడ నటుడు ధనుంజయ కూడా హను మాన్ పై ప్రశంసల వర్షం కురిపించారు. భారీ విజయం సాధించిన హను మాన్ చిత్ర యూనిట్ కి నా శుభాకాంక్షలు. తేజ సజ్జా, ప్రశాంత్ వర్మ ఇద్దరికీ అభినందనలు అని ధనుంజయ పేర్కొన్నారు. 

అలాగే స్టార్ హీరో శివ రాజ్ కుమార్ కూడా తనదైన శైలిలో హను మాన్ చిత్ర యూనిట్ ని అభినందించారు. శివరాజ్ కుమార్ హను మాన్ చిత్రాన్ని ప్రత్యేక స్క్రీనింగ్ లో వీక్షించి అభినందించినట్లు తేజ సజ్జా సోషల్ మీడియాలో పోస్ట్ చేశారు. రోజు రోజుకి హను మాన్ చిత్రం పాన్ ఇండియా లెవల్ లో భారీ సంచలనంగా మారుతోంది. నార్త్ లో అయితే ఆడియన్స్ థియేటర్స్ లో ఆంజనేయ స్వామి భజనలు, ప్రార్థనలు చేస్తున్నారు.