2022 క్రిస్టమస్ వేడుకల్లో హీరోయిన్స్ సందడి.. తమన్నా, రష్మిక, హన్సిక, శృతి, శ్రద్ధా దాస్ ఫెస్టివల్ ట్రీట్!

2022 క్రిస్టమస్ వేడుకలు దేశవ్యాప్తంగా ఘనంగా జరుగుతున్నాయి. ఈ సందర్భగా టాలీవుడ్ ముద్దుగుమ్మలూ ఈ సెలబ్రేషన్స్ లో హంగామా చేశారు. ఒక్కొక్కరూ ఒక్కోలా కనువిందు చేస్తూ ఫెస్టివల్ ట్రీట్ అందించారు. ప్రస్తుతం ఆ ఫొటోలు వైరల్ గా మారుతున్నాయి.   

మిల్క్ బ్యూటీ, టాలీవుడ్ స్టార్ హీరోయిన్ తమన్నా భాటియా (Tamannaah Bhatia) క్రిస్టమస్ వేడుకలను చాలా ప్రత్యేకంగా జరుపుకుంది. రీసెంట్ గా తన పుట్టినరోజు వచ్చిన విషయం తెలిసిందే. తాజాగా మరోసారి హోంలో పిల్లల మధ్య కేక్ కట్ చేసి గ్రాండ్ గా సెలబ్రేట్ చేసుకుంది. చిన్నారులతో కలిసి క్రిస్టమస్ సెలబ్రేషన్స్ లో సందడి చేసింది. 

నేషనల్ క్రష్ రష్మిక మందన్న (Rashmika Mandanna) కూడా క్రిస్టమస్ వేడుకలను తన ఇంట్లోనే నిర్వహించుకుంది. ఈ సందర్భంగా క్రిస్టమస్ ట్రీవద్ద ఫెస్టివల్ డ్రెస్ లో కనువిందు చేసింది. ఈ సందర్భంగా తన ఆ ఫొటోను పంచుకుంటూ తన అభిమానులకు ‘మేరీ క్రిస్టమస్’ అంటూ శుభాకాంక్షలు తెలిపింది.

స్టార్ హీరోయిన్ శృతి హాసన్ (Shruti Haasan) ఈ ఏడాది క్రిస్టమస్ వేడుకలను మరింత స్పెషల్ గా సెలబ్రేట్ చేసుకుంది. తన ప్రియుడు షంతనుతో కలిసి వేడుకల్లో పాల్గొంది. క్రిస్టమస్ వేడుకల్లో భాగంగా బ్లాక్ ట్రీని ఏర్పాటు చేసింది. ఈ సందర్భంగా తను, షంతను క్రిస్టమస్ ట్రీ వద్ద ఉన్న ఫొటోను పంచుకుంది. ట్రావెలింగ్  చేస్తూ బిజీగా ఉన్న వారిద్దరూ క్రిస్టమస్ ట్రీ కోసం ఎంత కష్టపడ్డారో వివరించింది. తమకు, తమతోపాటు స్నేహితులు, అభిమానులందరికీ మంచి జరగాలని కోరుకుంది. 

యాపిల్ బ్యూటీ హన్సిక మోత్వానీ (Hansika Motwani) ఈయర్ ఎడింగ్ కావడంతో విదేశాల్లో భర్తతో కలిసి ఎంజాయ్ చేస్తోంది. ప్రస్తుతం ఆస్ట్రేలియాలో ఉన్న ఈ బ్యూటీ క్రిస్టమస్ వేడుకల్లో పాల్గొంది. ఈ సందర్భంగా ఓ బ్యూటీఫుల్ ఫొటోను పంచుకుంంటూ అభిమానులకు కూడా విషెస్ తెలిపింది.

గ్లామరస్ హీరోయిన్ శ్రద్ధా దాస్ (Shraddha Das) క్రిస్టమస్ ట్రీ వద్ద నిల్చుకొని స్టన్నింగ్ స్టిల్స్ ఇచ్చింది. మెరూన్ అవుట్ ఫిట్ లో కనువిందు చేసిన ఈ ముద్దుగుమ్మ పలు ఫోజులిస్తూ సందడి చేసింది. ఫొటోలను ఇన్ స్టా గ్రామ్ ద్వారా పంచుకుంది. ఈ పోస్టు పెడుతూ తన అభిమానులకు క్రిస్టమస్ శుభాకాంక్షలు తెలియజేసింది. మరోవైపు గ్లామర్ షోతోనూ ఫెస్టివల్ ట్రీట్ అందించింది. 

తెలుగు హీరోయిన్ ఈషా రెబ్బా (Eesha Rebba) కూడా క్రిస్టమస్ సెలబ్రేషన్స్ ను జరుపుకుంది. ఈ సందర్భంగా ఇన్ స్టా గ్రామ్ స్టోరీ ద్వారా క్రిస్టమస్ ట్రీవద్ద ఉన్నఓ ఫొటోలను అభిమానులతో పంచుకుంది. అందరికీ శుభాకాంక్షలు తెలిపింది. 

‘డీజే టిల్లు’ ఫేమ్, యంగ్ హీరోయిన్ నేహా శెట్టి (Neha Shetty) క్రిస్టమస్ ఫెస్టివల్ ను గ్రాండ్ గా జరుపుకుంది. ఫెస్టివల్ కాస్ట్యూమ్స్ లో దర్శనమిచ్చి సందడి చేసింది. ఈ సందర్భంగా తన అభిమానులకు కూడా ‘మేరీ క్రిస్టమస్’ తెలియజేసింది.

స్టార్ యాంకర్, అందాల అనసూయ (Anasuya) క్రిస్టమస్ సెలబ్రేషన్స్ లో సందడి చేసింది. బుల్లితెర నటీనటులతో కలిసి వేడుకలను ఘనంగా జరుపుకుంది. ఈ సందర్భంగా క్రిస్టమస్ ట్రీ వద్ద చిలిపి పోజులిస్తూ తన అభిమానులను ఆకట్టుకుంది. ప్రస్తుతం ఆ పిక్స్ వైరల్ గా మారుతున్నాయి.