ఈసారైనా హీరోలని ముంచరు కదా..2024లో కచ్చితంగా హిట్ కొట్టాల్సిన క్రేజీ డైరెక్టర్లు, ఆ ముగ్గురిపైనే గురి

ఈ ఏడాది చాలా మంది టాలీవుడ్ దర్శకులు మంచి హిట్ కొట్టాలి అని గట్టి ప్రయత్నాలే చేస్తున్నారు. గత ఏడాది అంతకు ముందు ఎదురైన పరాజయాలకు అడ్డుకట్ట వేయాలని ప్రయత్నిస్తున్నారు. వారిలో పూరి జగన్నాధ్, కొరటాల శివ, సుజీత్ లాంటి క్రేజీ డైరెక్టర్లు ఉన్నారు. ఇంకా చాలా మందే ఉన్నప్పటికీ అభిమానుల చూపు ఈ ముగ్గురు డైరెక్టర్లపై ఎక్కువగా ఉంది. 

పూరి జగన్నాధ్ : డాషింగ్ డైరెక్టర్ పూరి జగన్నాధ్ కి వీరాభిమానులు ఉన్నారు. కానీ ప్రస్తుతం పూరి ఫామ్ ఆశించిన స్థాయిలో లేదు. పూరి చివరగా తెరకెక్కించిన లైగర్ మూవీ బాక్సాఫీస్ వద్ద బాంబులా పేలిపోయింది. బయ్యర్లకు తీవ్ర నష్టాలు మిగిల్చింది.పాన్ ఇండియా స్టార్ అవుదామనుకున్న విజయ్ దేవరకొండ ఆశలు గల్లంతయ్యాయి. ప్రస్తుతం పూరి జగన్నాధ్ రామ్ తో ఇస్మార్ట్ శంకర్ చిత్రానికి సీక్వెల్ గా డబుల్ ఇస్మార్ట్ తెరకెక్కిస్తున్నారు. ఈ ఏడాది రిలీజ్ కానున్న ఈ చిత్రంతో పూరి విజయం సాధించాల్సిందే. మరి ఏం జరుగుతుందో వేచి చూడాలి. 

సురేందర్ రెడ్డి: అక్కినేని అఖిల్ ఈ క్రేజీ డైరెక్టర్ పై ఎన్నో ఆశలు పెట్టుకున్నారు. కానీ సురేందర్ రెడ్డి అఖిల్ కి బిగ్గెస్ట్ డిజాస్టర్ ఇచ్చారు. సురేందర్ రెడ్డి తదుపరి చిత్రం ఇంకా ఖరారు కాలేదు. అయితే పవన్ కళ్యాణ్ తో ఒక చిత్రానికి కమిటై ఉన్నారు. ఏది ఏమైనా ఏదో ఒక మ్యాజిక్ చేసి సురేందర్ రెడ్డి హిట్ కొట్టాల్సిందే అని ఫ్యాన్స్ అంటున్నారు. 

వంశీ పైడిపల్లి :తమిళ టాప్ స్టార్ దళపతి విజయ్ తో వంశీ పైడిపల్లి తెరకెక్కించిన వారసుడు చిత్రం సోసో గా ఆడింది. టివి సీరియల్ లా ఉందనే విమర్శలు కూడా వచ్చాయి. మరి వంశి పైడిపల్లి ఈ ఏడాది ఎలాంటి చిత్రంతో వస్తాడో చూడాలి. 

మెహర్ రమేష్: స్టార్ హీరోలతో సినిమాలు చేసే అవకాశం వచ్చినప్పటికి మెహర్ రమేష్ కి ఒక్క హిట్ కూడా లేదు. అయినప్పటి చిరుతో భోళా శంకర్ చేసే ఛాన్స్ వచ్చింది. కానీ ఆ మూవీ కూడా డిజాస్టర్ గా నిలిచింది. మరి ఈ ఏడాదైనా మెహర్ కి హిట్ మూవీ వస్తుందా ? వేచి చూడాలి మరి. 

కొరటాల శివ : ఆచార్య ఫ్లాప్ తర్వాత కొరటాల శివ యంగ్ టైగర్ ఎన్టీఆర్ తో దేవర అనే పాన్ ఇండియా చిత్రం తెరకెక్కిస్తున్నారు. ఇటీవల విడుదలైన టీజర్ కి బ్లాస్టింగ్ రెస్పాన్స్ వచ్చింది. చూస్తుంటే కొరటాల శివ దేవర చిత్రంతో కనీవినీ ఎరుగని హిట్ కొట్టాలని కసితో వర్క్ చేస్తున్నట్లు అర్థం అవుతోంది. ఫ్యాన్స్ అంతా కొరటాల కంబ్యాక్ కోసం.. దేవర చిత్రం కోసం ఎదురుచూస్తున్నారు. 

సుజీత్ : సాహోతో నిరాశపరిచిన డైరెక్టర్ సుజీత్ పవన్ కళ్యాణ్ ని డైరెక్ట్ చేసే ఛాన్స్ దక్కించుకున్నారు. వీళ్లిద్దరి కాంబినషన్ లో వస్తున్న ఓజి చిత్రంపై ఆల్రెడీ తారా స్థాయిలో అంచనాలు ఉన్నాయి. ఫ్యాన్స్ ఎంతోగానో ఎదురుచూస్తున్న కాంబినేషన్స్ లో ఇది కూడా ఒకటి. ఈ ఏడాది రిలీజ్ అయ్యే ఈ చిత్రం ఎలాంటి సంచలనాలు సృష్టిస్తుందో చూడాలి. 

బోయపాటి శ్రీను : బోయపాటి శ్రీను తెరకెక్కించిన స్కంద చిత్రం ఏమాత్రం ఆకట్టుకోలేకపోయింది. తదుపరి చిత్రం బాలయ్యతోనే ఉంటుందా లేక ఇతర హీరోలని ఒప్పించి బోయపాటి చిత్రం తెరకెక్కిస్తారా అనేది ఇంకా క్లారిటీ లేదు.