టాలీవుడ్ టాప్ సెలెబ్రిటీలు చాలా సాధారణమైన గ్రామాల నుంచి వచ్చారని తెలిసినప్పుడు ఆశ్చర్యం వేస్తుంది. అక్కడి నుంచి వచ్చి ఈ స్థాయికి ఎదిగారా అని. టాలీవుడ్ లో కొంతమంది పక్క రాష్ట్రాల నుంచి వచ్చిన సెలెబ్రిటీలు కూడా ఉన్నారు.
చిరంజీవి-మొగల్తూరు : మెగాస్టార్ చిరంజీవి పుట్టింది మొగల్తూరులో అని ఎవరిని అడిగినా ఠక్కున చెప్పేస్తారు.
రవితేజ-జగ్గంపేట : మాస్ మహారాజ్ రవితేజ జన్మస్థానం ఉమ్మడి ఈస్ట్ గోదావరి జిల్లా జగ్గంపేట. 1968 జనవరి 26న రవితేజ జగ్గంపేటలో జన్మించారు.
శ్రీకాంత్-గంగావతి : ఫ్యామిలీ హీరో శ్రీకాంత్ జన్మించింది కర్ణాటకలో అని చాలా తక్కువ మందికి మాత్రమే తెలుసు. శ్రీకాంత్ 1968 కర్ణాటకలోని గంగావతి అని ఊరులో మార్చి 23న జన్మించారు. ఆ తర్వాత శ్రీకాంత్ ఫ్యామిలీ కృష్ణా జిల్లాకి వచ్చి సెటిల్ అయ్యారు.
సుమ కనకాల-పాలక్కాడ్ : యాంకర్ సుమ కేరళలోని పాలక్కాడ్ లో జన్మించింది. ఇటీవల కేరళని వరదలు ముంచెత్తినప్పుడు ఆమె తన ఊరికి ఆర్థిక సాయం కూడా చేసింది.
జూ.ఎన్టీఆర్-హైదరాబాద్ : యంగ్ టైగర్ ఎన్టీఆర్ హైదరాబాద్ లో 1983 మే 20న జన్మించారు. ఎన్టీఆర్ తల్లి షాలిని మాత్రం కర్ణాటకకు చెందిన మహిళ.
పవన్ కళ్యాణ్-బాపట్ల: చిరంజీవి ఫ్యామిలీ అంటే వెంటనే మొగల్తూరు గుర్తుకు వస్తుంది. కానీ పవన్ కళ్యాణ్ పుట్టింది మొగల్తూరులో కాదు. పవన్ కళ్యాణ్ జన్మస్థానం బాపట్ల. తండ్రి పోలీస్ అధికారి కావడంతో వివిధ ప్రాంతాలకు ట్రాన్స్ఫర్ అయ్యేవారు.
వెంకటేష్-కారంచేడు : విక్టరీ వెంకటేష్ తన తండ్రి స్వగ్రామం కారంచేడులోనే జన్మించారు. అనంతరం రామానాయుడి ఫ్యామిలీ చెన్నైకి ఆ తర్వాత హైదరాబాద్ కి మారారు.
ప్రకాష్ రాజ్-బెంగుళూరు :విలక్షణ నటుడిగా రాణిస్తున్న ప్రకాష్ రాజ్ పుట్టింది బెంగుళూరులో. టాలీవుడ్ తో పాటు అన్ని భాషల్లో క్రేజీ నటుడిగా ప్రకాష్ రాజ్ గుర్తింపు పొందారు.
రోజా సెల్వమణి-తిరుపతి : స్టార్ హీరోయిన్ గా, రాజకీయాల్లో మంత్రిగా ఎదిగిన రోజా పుట్టి పెరిగింది టెంపుల్ టౌన్ తిరుపతిలోనే.
శ్రీదేవి-మీనంపట్టి : అతిలోక సుందరి దివంగత నటి శ్రీదేవి అంటే తెలుగు మహిళే అనే ఫీలింగ్ వస్తుంది. ఆమె దక్షణాది చిత్రాల్లో రాణించి బాలీవుడ్ లో సెటిల్ అయ్యారు. ఆమె పుట్టింది తమిళనాడులోని మీనాంపట్టి అనే గ్రామంలో. కానీ ఆమె బాల్యం చాలా వరకు తిరుపతిలోనే గడిచింది. శ్రీదేవికి తిరుపతిలో బంధువులు ఉన్నారు.
సుమన్ -మంగుళూరు :ఒకప్పుడు టాప్ హీరోగా రాణించిన సుమన్ ప్రస్తుతం క్యారెక్టర్ రోల్స్ చేస్తున్నారు. సుమన్ జన్మస్థానం కర్ణాటకలోని మంగుళూరు.
సుకుమార్- మట్టపర్రు: పుష్ప డైరెక్టర్ సుకుమార్ ఈస్ట్ గోదావరి జిల్లాలోని మట్టపర్రు అనే గ్రామంలో జన్మించారు.
బ్రహ్మానందం : అగ్ర హాస్య నటుడు బ్రహ్మానందం జన్మించింది సత్తెనపల్లి దగ్గర్లోని చాగంటి వారి పాళెం అనే గ్రామంలో.