విజయ్ రాజకీయాల్లోకి వెళ్తే.. సినిమా ఇండస్ట్రీకి నష్టం లేదు.. సంచలన వ్యాఖ్యలు చేసింది ఎవరు..?

దలపతి విజయ్ సినిమా రంగాన్ని వదిలిపెట్టి..  రాజకీయాల్లోకి వెళ్లడం వల్ల ఫిల్మ్ ఇండస్ట్రీకి  ఎలాంటి నష్టం లేదని ఓ ప్రముఖుడు చేసిన వ్యాఖ్యలు సంచలనం సృష్టించాయి.

తలపతి విజయ్

గత 35 సంవత్సరాలుగా తమిళ సినీ రంగంలో స్టార్ హీరోగా వెలుగు వెలిగాడు  దళపతి విజయ్. తన తండ్రి దర్శక నిర్మాత.. ఎస్.ఏ. చంద్రశేఖర్ ద్వారా ఫిల్మ్ ఇండస్ట్రీలోకి ఎంట్రీ ఇచ్చిన విజయ్.. కెరీర్ బిగినింగ్ లో ఎన్నో అవమానాలు, ఎగతాళిలను ఎదుర్కొన్నాడు. 

ఇక తన టాలెంట్త తో ప్రతిభతో నేడు తమిళ సినీ రంగంలో తలపతిగా కోట్లాది మంది అభిమానుల హృదయాల్లో స్థానం సంపాదించుకున్నారు. సాధారణంగా అగ్ర నటులు ఒకే తరహా కథలను ఎంచుకుంటారు. కానీ విజయ్ మాత్రం ఎప్పటికప్పుడు విభిన్నమైన కథలతో ప్రయోగాత్మక సినిమాలు చేస్తూ.. కోట్లాది ఫ్యాన్స్ ను సంపాదించుకున్నాడు. 

TVK విజయ్

గత కొన్నేళ్లుగా తలపతి విజయ్ రాజకీయా రంగ ప్రవేశంపై రకరకాల ప్రచారం జరిగింది.  అంతేకాకుండా ఆయన నటించిన చాలా సినిమాల్లో రాజకీయ సూచనలు కూడా ఉన్నాయి. ఈ నేపథ్యంలో 2024 ప్రారంభంలో తన పొలిటికల్ ఎంట్రీ గురించి ప్రకటన చేేశాడు విజయ్. 

తన తమిళనాడు విజయ్ కజగం పార్టీని ప్రకటించారు. ఇది ఆయన అభిమానులకు ఆనందాన్ని కలిగించినప్పటికీ, ఇకపై సినిమాల్లో నటించబోనని విజయ్ ప్రకటించడం ఆయన సినీ అభిమానులకు పెద్ద షాక్ ఇచ్చింది. ఇప్పటికే ఒప్పుకున్న రెండు సినిమాలను పూర్తి చేసిన తర్వాత పూర్తిస్థాయిలో రాజకీయాల్లోకి దిగనున్నారు దళపతి.

నటుడు విజయ్

గత సెప్టెంబర్ 5న వెంకట్ ప్రభు దర్శకత్వంలో విజయ్ నటించిన "ది గ్రేటెస్ట్ ఆఫ్ ఆల్ టైమ్" చిత్రం ప్రపంచవ్యాప్తంగా దాదాపు 455 కోట్ల రూపాయలను వసూలు చేసి మెగాహిట్‌గా నిలిచింది. ఈ చిత్రంలో చాలా మంది ప్రముఖ నటులు, నటీమణులు అతిథి పాత్రల్లో నటించారు.

ఈ చిత్రం విజయవంతమైన నేపథ్యంలో, తన 69వ సినిమా, చివరి  చిత్రం కోసం పని ప్రారంభించారు. ప్రముఖ దర్శకుడు హెచ్. వినోద్ దర్శకత్వం వహిస్తున్న ఈ చిత్రం 2025 అక్టోబర్‌లో విడుదల కానుంది.

తిరుపూర్ సుబ్రమణ్యం

విజయ్ సినిమా రంగాన్ని వీడి రాజకీయాల్లోకి వెళ్లడం వల్ల సినీ పరిశ్రమకు ఎలాంటి నష్టం జరగదని తమిళనాడు థియేటర్ ఓనర్స్ అసోసియేషన్ అధ్యక్షుడు తిరుపూర్ సుబ్రమణ్యం కొన్ని వివాదాస్పద వ్యాఖ్యలు చేశారు.

"విజయ్ రాజకీయాల్లోకి వెళ్తే ఏంటి? విజయ్‌ను మించి వసూళ్లు రాబట్టడానికి ఇక్కడ చాలా మంది హీరోలు ఉన్నారు. విజయ్ స్థానంలోకి రావడానికి కూడా ఇక్కడ చాలా మంది ఉన్నారు. సినిమా ఎప్పుడూ ఒకరిపై ఆధారపడి ఉండదు అంటూ అక్కసు వెళ్ళడించారు.

ఒకరు వెళ్లిపోతే, మరొకరు ఆ స్థానంలోకి వస్తారు. కాబట్టి విజయ్ సినిమా రంగాన్ని వీడినంత మాత్రాన అది మాకు పెద్ద నష్టం కాదు" అని తిరుపూర్ సుబ్రమణ్యం చెప్పారు. ప్రస్తుతం ఈ వ్యాక్యలు వైరల్ అవుతుండగా.. విజయ్ ఫ్యాన్స్ అతనిపై మండిపడుతున్నారు.