Top 3 Thriller Films on JioHotstar: ప్రముఖ ఓటీటీ ప్లాట్ఫామ్స్లో ఒకటైన జియోహాట్స్టార్ లో బోలెడన్ని సినిమాలున్నాయి. వాటిలో అస్సలు మిస్ కాకుండా చూడాల్సిన టాప్ 3 థ్రిల్లర్ సినిమాలేంటో ఈ ఫొటో గ్యాలరీలో చూద్దాం.
థ్రిల్లర్ సినిమాలకు ఎప్పుడూ మంచి డిమాండ్ ఉంటుంది. తర్వాత ఏం జరుగుతుందా అనే ఉత్కంఠతో ప్రేక్షకులను సీట్ అంచున కూర్చోబెట్టే థ్రిల్లర్ సినిమాలు చాలా ఉన్నాయి. తమిళంలో కూడా కొన్ని అండర్రేటెడ్ థ్రిల్లర్ మూవీస్ ఉన్నాయి. వాటిలో మూడు బెస్ట్ సినిమాల గురించి ఇప్పుడు చూద్దాం. ఈ మూడు సినిమాలు జియో-హాట్స్టార్ ఓటీటీ ప్లాట్ఫామ్లో స్ట్రీమ్ అవుతున్నాయి. వీటిని మొదటిసారి చూసేవాళ్లు, 'అయ్యో, ఇంత మంచి సినిమాను ఇన్నాళ్లూ మిస్ అయ్యామే' అని కచ్చితంగా ఫీల్ అవుతారు. అంత క్వాలిటీగా ఉంటాయి ఈ సినిమాలు.
24
రంగూన్
గోల్డ్ స్మగ్లింగ్ బ్యాక్డ్రాప్లో తీసిన సినిమానే 'రంగూన్'. స్మగ్లింగ్ చుట్టూ నడిచే ప్రేమ, స్నేహం, ద్రోహం వంటి అంశాలతో ఈ సినిమా ఉంటుంది. గౌతమ్ కార్తీక్ కెరీర్లో ఇది ఒక మంచి అండర్రేటెడ్ సినిమా. ఈ చిత్ర దర్శకుడు మరెవరో కాదు.. శివకార్తికేయన్తో 'అమరన్' లాంటి బ్లాక్బస్టర్ హిట్ తీసిన రాజ్కుమార్ పెరియసామి. ఆయన డైరెక్ట్ చేసిన మొదటి సినిమా ఇదే. ఈ సినిమా జియో-హాట్స్టార్లో అందుబాటులో ఉంది.
34
రాజతంధిరమ్
తమిళ సినిమా పెద్దగా గుర్తించని థ్రిల్లర్ సినిమాల్లో 'రాజతంధిరమ్' ఒకటి. ముగ్గురు స్నేహితుల జీవితాల్లో జరిగే సంఘటనలే ఈ సినిమా వన్లైన్. ఒక చోట దొంగతనం చేయడానికి ముందే, ఆ ఇంటి ఓనర్కే హీరో ఫోన్ చేసి 'నేను ఇలా దొంగతనం చేయబోతున్నా, దమ్ముంటే ఆపుకో' అని ఛాలెంజ్ చేస్తాడు. చెప్పినట్టే పక్కా ప్లాన్తో దొంగతనం చేసి బయటపడతాడు. ఈ ఒక్క పాయింట్తో జియో-హాట్స్టార్లో ఈ సినిమా చూడండి, చాలా థ్రిల్లింగ్గా ఉంటుంది.
'కాక్క ముట్టై', 'కడైసి వివాసాయి' లాంటి చిత్రాలను డైరెక్ట్ చేసిన మణికందన్ దర్శకత్వంలో వచ్చిన సినిమానే 'కుట్రమే తండనై'. కంటిచూపు నెమ్మదిగా తగ్గిపోతున్న హీరో, ఐశ్వర్య రాజేష్ ఉంటున్న ఇంటి పై పోర్షన్లో అద్దెకు ఉంటాడు. ఆమె అనుమానాస్పద రీతిలో హత్యకు గురవుతుంది. ఆమె హత్య చుట్టూ తిరిగే సంఘటనలే ఈ సినిమా కథ. తప్పు చేయకూడదు అనే నీతిని చెప్పడానికే మణికందన్ ఈ సినిమా తీశారు. ఈ సినిమా కూడా జియో-హాట్స్టార్లో అస్సలు మిస్ కాకూడని చిత్రాల్లో ఒకటి.
