Theatre Versus Ott: 18న సినిమాల జాతర... థియేటర్ వర్సెస్ ఓటీటీ

అటు థియేటర్లు... ఇటు ఓటీటీలు రెండు కళకళలాడుతున్నాయి. కరోనా తగ్గుముఖం పట్టడంతో.. రిలీజ్ లు ఊపు అందుకున్నాయి. ఇటు ఓటీటీల్లో కూడా వరుస సినిమాలు రిలజ్ కు రెడీ అవుతున్నాయి. ఈ నెల 18న సినిమాల జాతర జరగబోతోంది.

థియేటర్ వర్సెస్ ఓటీటీ అన్న రేంజ్ లో దూసుకుపోతున్నాయి. చిన్న సిమాలు పెద్ద సినిమాలు అని లేకుండా.. వీలును బట్టి.. ఇటు థియేటర్లు.. అటు ఓటీటీలు నిండిపోతున్నాయి. ఏది వీలుగా ఉంటే.. అందులో సినిమాలు రిలీజ్ కు రెడీ చేస్తున్నారు. ముఖ్యంగా ఈ నెల 18న దాదాపుగా డజనుకు పైగా చిన్నా పెద్దా సినిమాలు రిలీజ్ కాబోతున్నాయి. మరి అవి ఏంటీ అనేదిచూస్తే..

ముందుగా ఓటీటీ సంగతి చూస్తే.. ఓటీటీల్లో థియేటర్లలో సందడి చేసిన సినిమాల స్ట్రీమింగ్ ఎక్కువగా ఉంది.  నాగార్జున, నాగచైతన్య, రమ్యకృష్ణ, కృతిశెట్టి  కలిసి నటించిన ఫ్యామిలీ ఎంటర్టైనర్ మూవీ బంగార్రాజు ఈనెల 18న జీ5లో రిలీజ్ కు రెడీ అయ్యింది.

ఇక బాలీవుడ్ నుంచి మరో స్పోర్డ్స్ బయోపిక్ మూవీ కూడా డిజిటల్ ప్లాట్ ఫామ్ ఎక్కుతోంది. స్టార్ క్రికెటర్ కపిల్ దేవ్ బయెపిక్ గా..రణవీర్ సింగ్, దీపిక పదుకునే, జీవా తదితరులు నటించిన బాలీవుడ్ మూవీ 83. డిసెంబర్ లో థియేటర్లలో రిలీజ్ అయిన ఈమూవీ తెలుగు వర్షన్ డిస్నీ హాట్ స్టార్ లో 18న వస్తోంది.

ఈ సినిమాలతో పాటు కోలీవుడ్ స్టార్స్.. విశాల్, ఆర్య నటించిన ఎనిమి మూవీ కూడా ఓటీటీ రిలీజ్ కు రెడీ అయ్యింది. వాడు వీడు సినిమాకు సీక్వెల్ గా వచ్చిన ఈ సినిమాను  సోని లివ్ లో ఫిబ్రవరి 18న రిలీజ్ చేయబోతున్నారు.

ఇక థియేటర్ల విషయానికి వస్తే.. చిన్న సినిమాలు ఎక్కువగా థియేటర్లలో సందడి చేయబోతున్నాయి. వాటితో పాటు ఒకటి రెండు పెద్ద సినిమాలు కూడా రిలీజ్ కు ఉన్నాయి. ముఖ్యంగా మోహన్ బాబు, శ్రీకాంత్, మీనా, ప్రగ్యా, పోసాని కృష్ణమురళి నటించిన సన్నాఫ్ ఇండియా ఈ నెల 18న విడుదలవుతోంది.

అక్షత శ్రీనివాస్, వినోద్ అనిల్ తదితరులు లీడ్ రోల్స్ చేస్తూ.. గంగాధర్ అద్వైత్ డైరెక్ట్ చేసిన డిఫరెంట్ కాన్సెప్ట్ మూవీ సురభి 70 ఎంఎం ఒక థియేటర్ కోసం.. పోరాట చేసి గెచిలిచన యూత్ స్టోరీని బేస్ చేసిన తీసిన సురభి మూవీ ట్రైలర్ తోనే ఆడియన్స్ ను ఆకట్టుకుంది.

యంగ్ స్టార్స్ ధనుంజయ, అమృత అయ్యంగార్, రఘు తదితరులు నటించిన బడవ రాస్కెల్  సినిమా కూడా ఈనెల  18న థియేటర్లలో రిలీజ్ కాబోతోంది.  వస్తోంది. ఈ సినిమాతో పాటు అజయ్ కతుర్వాన్, డింపుల్ తదితరులు నటించిన విశ్వక్ మూవీ కూడా అదే రోజు థియేటర్ లో సందడ చేయబోతోంది.  

వీటితో పాటు మరికొన్ని చిన్న సినిమాలు  కూడా థియేటర్ లో సందడి చేయబోతున్నాయి. గోల్ మాల్, వర్జిన్ స్టోరీ, బ్యాచ్,నీకు నాకు పెళ్లంట లాంటి డిఫరెంట్ కాన్సెప్ట్ మూవీస్ ఈనెల 18న థియేటర్లలో హడావిడి చేసేందుకు రెడీ అవుతున్నాయి.