ప్రభుదేవా-నయనతార కొన్నాళ్ళు సీరియస్ రిలేషన్ నడిపారు. భార్యకు విడాకులిచ్చి నాయాంతరావు పెళ్ళికి సిద్దమయ్యాడు. అనూహ్యంగా విడిపోయారు. ప్రభుదేవాను నయనతార వదిలేసింది. అందుకు కారణాలు ఎట్టకేలకు బయటకొచ్చాయి..
హీరోయిన్ గా నయనతార కెరీర్ బ్లాక్ బస్టర్ హిట్. చంద్రముఖి, గజినీ చిత్రాల సక్సెస్ తో ఆమె పరిశ్రమలో నిలదొక్కుకుంది. లక్ష్మి, యోగి, దుబాయ్ శ్రీను, అదుర్స్ వంటి హిట్ చిత్రాలతో తెలుగులో కూడా పాపులారిటీ తెచ్చుకుంది. బ్యాక్ టు బ్యాక్ హిట్స్ తో నయనతార లేడీ సూపర్ స్టార్ గా ఎదిగింది. నటిగా హైట్స్ చూసిన నయనతార వ్యక్తిగత జీవితంలో మాత్రం అన్నీ వివాదాలే. ముఖ్యంగా రెండు పర్యాయాలు ఆమె ప్రేమలో విఫలం చెందింది.
కెరీర్ ప్రారంభంలోనే నయనతార ప్రేమలో పడింది. హీరో శింబు-నయనతార డేటింగ్ చేశారు. వీరిద్దరి ప్రైవేట్ ఫోటోలు సైతం బయటకు వచ్చాయి. అప్పట్లో శింబు, నయనతారల ఎఫైర్ కథనాలు మీడియాను షేక్ చేశాయి. శింబుతో రిలేషన్ పై నయనతార ఎన్నడూ ఓపెన్ కాలేదు. దాన్ని రహస్య ప్రేమాయణంగానే ఉంచింది. నయనతార-శింబు వివాహం చేసుకుంటారనే ప్రచారం జరిగింది.
అనూహ్యంగా శింబుకు నయనతార బ్రేకప్ చెప్పింది. శింబుకు దూరమైన నయనతార పెళ్ళైన హీరో ప్రభుదేవాకు దగ్గరైంది. కొరియోగ్రఫీ, డైరెక్షన్ లో కూడా రాణిస్తున్న ప్రభుదేవాను నయనతార ఇష్టపడింది. 2009లో వీరు రిలేషన్ లో ఉన్నారంటూ కథనాలు వెలువడ్డాయి. అనంతరం ఇద్దరూ ఓపెన్ అయ్యారు. కలిసి సినిమా వేడుకలకు హాజరయ్యేవారు. విందులు, విహారాల్లో పాల్గొంటూ మీడియాకు స్పెషల్ అట్రాక్షన్ అయ్యారు.
నయనతారను వివాహం చేసుకునేందుకు ప్రభుదేవా తన భార్య రామలతకు విడాకులు ఇచ్చాడు. నయనతారపై రామలత తీవ్ర అసహనం వ్యక్తం చేసింది. ఆమె న్యాయపోరాటం కూడా చేసింది. 2011లో రామలత-ప్రభుదేవాలకు విడాకులు మంజూరు అయ్యాయి. దాంతో నయనతారను వివాహం చేసుకునేందుకు ప్రభుదేవాకు లైన్ క్లియర్ అయ్యింది.
త్వరలో నయనతార-ప్రభుదేవా వివాహం అంటూ మీడియాలో పెద్ద ఎత్తున ప్రచారం జరిగింది. అయితే ప్రభుదేవాకు నయనతార బ్రేకప్ చెప్పింది. ప్రభుదేవాకు నయనతార ఎందుకు దూరమైందనే విషయంలో క్లారిటీ లేదు. ఎట్టకేలకు అందుకు కారణాలు బయటకు వచ్చాయి. నయనతారకు ప్రభుదేవా కొన్ని కఠిన ఆంక్షలు విధించాడట.అవి నచ్చని నయనతార విడిపోవాలని నిర్ణయం తీసుకుందట.
ప్రభుదేవా క్రిస్టియన్ అయిన నయనతారను మతం మార్చుకోవాలన్నాడట. హిందుమతం తీసుకునేందుకు నయనతార ఒప్పుకుందట. వివాహం తర్వాత కూడా తన మొదటి భార్య పిల్లలు తమ వద్దే ఉంటారు, అందుకు ఎలాంటి అభ్యంతరం చెప్పకూడదని అన్నాడట. ఇక మూడో కండిషన్ గా నటనకు గుడ్ బై చెప్పాలని అన్నాడట. ఇందుకు నయనతార ఒప్పుకోలేదట. నటన మానేయడం కుదరదు నయనతార చెప్పిందట.
ఈ విషయంలో నయనతార-ప్రభుదేవా మధ్య మనస్పర్థలు వచ్చాయట. గ్లామర్ రోల్స్ చేయను నటిగా కొనసాగుతానని ప్రభుదేవాను నయనతార ఒప్పించే ప్రయత్నం చేసినా ప్రభుదేవా వినలేదట. పెళ్ళికి ముందే ప్రభుదేవా ఇన్ని ఆంక్షలు పెడుతున్నాడు. ఇక పెళ్ళైతే న పరిస్థితి ఏంటని నయనతార ఆందోళన పడిందట. అలా ప్రభుదేవా-నయనతార లవ్ స్టోరీ ముగిసిందట.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి