యంగ్ టైగర్ ఎన్టీఆర్ ఇటీవల నయా లుక్స్ తో అభిమానులను సర్ ప్రైజ్ చేస్తున్నారు. రీసెంట్ గా స్టైలిష్ లుక్ లో దర్శనమివ్వగా.. తాజాగా క్లాసీ లుక్ లో దుమ్ములేపారు. ప్రస్తుతం ఆ ఫొటో ఇంటర్నెట్ లో వైరల్ గా మారింది.
బ్లాక్ బస్టర్ మూవీ ‘ఆర్ఆర్ఆర్’ రిలీజ్ తర్వాత జూనియర్ ఎన్టీఆర్ గ్లోబల్ స్టార్ గా ఎదిగారు. ఎన్టీఆర్ పెర్ఫామెన్స్ కు ప్రపంచ వ్యాప్తంగా ప్రశంసల వర్షం కుసింది. దీంతో ఆయన తదుపరి చిత్రాలపై భారీ అంచనాలు నెలకొన్నాయి. ఈ క్రమంలో ఎన్టీఆర్ కూడా నయా లుక్స్ లో దర్శనమిస్తూ ఫ్యాన్స్ ను సర్ ప్రైజ్ చేస్తున్నారు.
‘ఎన్టీఆర్30’కి సంబంధించిన పోస్ట్ ప్రొడక్షన్ పనులు ఇంకా కొనసాగుతున్నాయి. దీంతో కాస్తా సమయం ఉండటంతో ఎన్టీఆర్ (NTR) ఓ అడ్వర్టైజ్ మెంట్ షూట్ కు ఓకే చెప్పినట్టు తెలుస్తోంది. ప్రస్తుతం ఆ ప్రకటన షూటింగ్‌లోనే బిజీగా ఉన్నారు. ఈ సందర్భంగా ప్రాడక్ట్స్ ను ప్రమోట్ చేసేందుకు అదిరిపోయే లుక్స్ ను ట్రై చేస్తున్నారు.
ఇప్పటికే స్టైలిష్ లుక్ లో సర్ ప్రైజ్ చేసిన తారక్ తాజాగా క్లాసీ లుక్ లో ఇంటర్నెట్ ను షేక్ చేశారు. ప్రముఖ అడ్వర్టైజింగ్, సెలబ్రిటీ ఫోటోగ్రాఫర్ అవినాష్ గోవారికర్ తన సోషల్ మీడియా అకౌంట్ లో తాజాగా ఎన్టీఆర్ న్యూ లుక్ ఫొటోను పంచుకున్నారు. మోనోక్రోమ్ పిక్చర్ లో బ్లాక్ సూట్ ధరించి, గ్లాసెస్ పెట్టుకొని తారక్ క్లాస్ గా అదరగొట్టారు.
మ్యాన్ ఆఫ్ మాస్ గా ఎన్టీఆర్ ను పిలిచే ఫ్యాన్స్ ను క్లాస్ లుక్ లోనూ ఖుషీ చేశారు. మరోవైపు అభిమానులు కూడా ఎన్టీఆర్ న్యూ లుక్ పై పొగడ్తల వర్షం కురిపిస్తున్నారు. మాస్ అయినా.. క్లాస్ అయినా.. ఎన్టీఆర్ తర్వాతే అంటూ పిక్ ను నెట్టింట తెగ వైరల్ చేస్తున్నారు. లైక్స్, కామెంట్లతో ఫొటోను షేర్ చేస్తున్నారు.
ఇప్పటికే RRR విడుదలై ఎనిమిది నెలలు గడిచినా నెక్ట్స్ ప్రాజెక్ట్ సెట్స్ మీదకు వెళ్లలేదు. ఎన్టీఆర్ తదుపరి చిత్రాలను స్టార్ డైరెక్టర్లు కొరటాల శివ, ప్రశాంత్ నీల్ డైరెక్ట్ చేయనున్నారు. ముందుగా కొరటాల శివ దర్శకత్వంలో ‘ఎన్టీఆర్30’ రూపుదిద్దుకోనుంది. ‘జనతా గ్యారేజ్’లాంటి బ్లాక్ బాస్టర్ హిట్ తర్వాత మళ్లీ కాంబినేషన్ సెట్ కావడంతో భారీ అంచనాలు నెలకొన్నాయి.
కొరటాల చివరిగా ‘ఆచార్య’తో డిజపాయింట్ చేయడంతో.. ఎన్టీఆర్30ని మాత్రం పక్కా హిట్ ఫార్మూలాతో తెరకెక్కించబోతున్నట్టు తెలుస్తోంది. అందుకే సెట్స్ పైకి వెళ్లేందుకు కాస్తా ఆలస్యం అవుతున్నట్టు సమాచారం అందించారు. రీసెంట్ గా మ్యూజిక్ సెన్సేషన్ అనిరుధ్ తో కొరటాల మ్యూజిక్ సిట్టింగ్ పూర్తైంది. వచ్చే ఏడాది ప్రేక్షకుల ముందుకు తీసుకురానున్నారు. ఇక ఎన్టీఆర్ 31 2024లో ప్రారంభం కానుందని తెలుస్తోంది.