ఇలయ దళపతి విజయ్ విజయ్ నటించిన వారసుడు చిత్రం సంక్రాంతికి రిలీజ్ అవుతోంది. నిర్మాత దిల్ రాజు ఈ చిత్రాన్ని తెలుగులో కూడా భారీ ఎత్తున రిలీజ్ చేసేందుకు ప్లాన్ చేస్తున్నారు.
ఇలయ దళపతి విజయ్ విజయ్ నటించిన వారసుడు చిత్రం సంక్రాంతికి రిలీజ్ అవుతోంది. నిర్మాత దిల్ రాజు ఈ చిత్రాన్ని తెలుగులో కూడా భారీ ఎత్తున రిలీజ్ చేసేందుకు ప్లాన్ చేస్తున్నారు. జనవరి 11న వారసుడు రిలీజ్ అవుతున్న సంగతి తెలిసిందే. ఇటీవల విడుదలైన వారసుడు ట్రైలర్ యూట్యూబ్ లో దూసుకుపోతోంది.
ఇదిలా ఉండగా విజయ్ గురించి ఒక షాకింగ్ రూమర్ తమిళనాడుతో పాటు సౌత్ మొత్తం హాట్ టాపిక్ గా మారింది. హీరో విజయ్ తన సతీమణి సతీమణి సంగీత నుంచి విడాకులు తీసుకుని విడిపోతున్నారు అంటూ ప్రచారం మొదలైంది. వైల్డ్ ఫైర్ లాగా ఈ రూమర్స్ వ్యాపించాయి.
దీనితో విజయ్ అభిమానులు ఆందోళనలో మునిగిపోయారు. అయితే విజయ్, సంగీత గురించి వచ్చిన ఈ న్యూస్ ఫేక్ అని తేల్చేశారు. విజయ్ సన్నిహిత వర్గాలు ఈ పుకార్లపై స్పందించారు. అసలు ఈ రూమర్లు ఎందుకు మొదలయ్యాయో కూడా అర్థం కావడం లేదు. ఈ పుకార్లు పూర్తిగా అవాస్తవం అని తేల్చేశారు.
ఇటీవల చెన్నైలో వారసుడు ప్రీ రిలీజ్ వేడుక జరిగింది. ప్రీ రిలీజ్ వేడుకకు విజయ్ భార్య సంగీత హాజరు కాలేదు. అలాగే దర్శకుడు అట్లీ సతీమణి సీమంతం వేడుకలో కూడా సంగీత కనిపించలేదు. దీనితో విజయ్, సంగీత మధ్య విభేదాలు మొదలయ్యాయా.. వీరిద్దరూ దూరంగా ఉంటున్నారా అనే ప్రచారం జోరందుకుంది. అయితే ఇవి పూర్తిగా అసత్యమైన వార్తలు అని తేలింది.
సంగీత ప్రస్తుతం తన పిల్లలు,ఇతర కుటుంబ సభ్యులతో యూఎస్ వెకేషన్ కి వెళ్లిందట. అందువల్లనే ప్రీరిలీజ్ వేడుక లాంటి ఫంక్షన్స్ కి హాజరు కాలేకపోయింది అని అంటున్నారు.
మొత్తంగా ఈ రూమర్స్ విజయ్ ఫ్యాన్స్ ని బాగా కంగారు పెట్టాయి. విజయ్, సంగీత 1999లో ప్రేమ వివాహం చేసుకున్నారు. వీరికి జాసన్ సంజయ్, కుమార్తె దివ్య సాషా సంతానం.