Tarun: వీళ్ళ దెబ్బకు చిరు, పవన్, వెంకీ లకు చెమటలు..తక్కువ టైంలోనే క్రేజ్, అంతే వేగంగా కనుమరుగైన ఐదుగురు

టాలీవుడ్ లో కొందరు క్రేజీ హీరోల కెరీర్ త్వరగా ముగిసిపోయింది. వీరిలో కొందరు హీరోలు అయితే చిరంజీవి లాంటి అగ్ర హీరోల సినిమాలకు చెమటలు పట్టించారు. ఆ వివరాలు ఈ కథనంలో తెలుసుకోండి. 

టాలీవుడ్ హీరోలు

ఒకప్పుడు టాలీవుడ్ లో వేగంగా క్రేజ్ తెచ్చుకుని వెలుగు వెలిగిన హీరోలు కొందరు ఇప్పుడు కనిపించడం లేదు. ఏకంగా టాప్ లీగ్ హీరోలతో వాళ్ళు పోటీ పడ్డారు. ఆ జాబితాలో తరుణ్, ఆర్యన్ వేణు తొట్టెంపూడి లాంటి హీరోలు ఉన్నారు. ఆ వివరాలు ఇప్పుడు చూద్దాం.

తరుణ్

నువ్వే కావాలి లాంటి ఇండస్ట్రీ హిట్ మూవీతో తరుణ్ ఏకంగా చిరంజీవి, వెంకటేష్, పవన్ లాంటి హీరోలకు చెమటలు పట్టించారు. 2000 సంవత్సరంలో నువ్వేకావాలి చిత్రం హైయెస్ట్ గ్రాసర్ గా నిలిచింది. చిరంజీవి అన్నయ్య, కలిసుందాం రా, బద్రి లాంటి చిత్రాలని అధికమించింది. యువతలో, మహిళల్లో ఎవ్వరూ ఊహించని క్రేజ్ తరుణ్ కి దక్కింది. ఎంత తక్కువ టైంలో క్రేజ్ వచ్చిందో అంతే తక్కువ టైంలో తరుణ్ వెండితెర నుంచి కనుమరుగయ్యారు.

ఆర్యన్ రాజేష్

సొంతం, ఎవడి గోల వాడిది లాంటి చిత్రాలతో ఆర్యన్ రాజేష్ మంచి క్రేజ్ సొంతం చేసుకున్నాడు. కానీ ఆ తర్వాత తన ఇమేజ్ ని ఆర్యన్ రాజేష్ నిలబెట్టుకోలేకపోయారు.

వేణు తొట్టెంపూడి

వేణు తొట్టెంపూడి ఒకప్పుడు కామెడీ సినిమాలకు కింగ్ లా ఉండేవారు. వేణు కెరీర్ లో ఎన్నో సూపర్ హిట్ సినిమాలు ఉన్నాయి. హనుమాన్ జంక్షన్, చెప్పవే చిరుగాలి, పెళ్ళాం ఊరెళితే లాంటి చిత్రాల్లో వేణు నటించారు. ఆ ఇమేజ్ ని కాపాడుకోవడంలో వేణు ఫెయిల్ అయ్యారు.

సిద్దార్థ్

సిద్దార్థ్ ఇప్పటికీ సినిమాలు చేస్తున్నారు. కానీ అతడి క్రేజ్ మునుపటిలా లేదు. నామమాత్రంగా మాత్రమే ఉంది. నువ్వొస్తానంటే నేనొద్దంటానా, బొమ్మరిల్లు లాంటి సినిమాలతో టాలీవుడ్ లో అప్పట్లో క్రేజీ హీరోగా వెలుగొందారు.

ఆకాష్

ఆనందం లాంటి యూత్ ఫుల్ సినిమాలతో ఆకాష్ అప్పట్లో క్రేజీ హీరోగా ఉండేవారు. కానీ తక్కువ టైంలోనే అతడి క్రేజ్ పడిపోయింది.