Japan Movie Review: కార్తీ జపాన్ మూవీ ట్విట్టర్ రివ్యూ, సినిమా బాగుంది కాని...?

తెలుగు తమిళ భాషల్లో అభిమానుల ను సంపాదించుకున్న హీరో కార్తీ. మంచి మంచి సినిమాలు ఎంచుకుని మరీ చేస్తున్న ఈ హీరో 25వ సినిమాగా రిలీజ్ అవుతోంది జపాన్. ఈమూవీ ఈరోజు (10 నవంబర్ ) ప్రపంచ వ్యాప్తంగా రిలీజ్ అవుతోంది. ఇక జపాన్ మూవీ రిలీజ్ కు ముందే ప్రీమియర్స్ సందడి చేయగా.. ఈసినిమా ప్రీమియర్ చూసిన ఆడియన్స్.. ట్వీట్టర్ ద్వారా తమ అభిప్రాయాలు తెలియజేస్తున్నారు.ఇంతకీ వాళ్ళు ఏమంటున్నారంటే..? 

తమిళంతో పాటు.. తెలుగు ప్రేక్షకుల మనసులు దోచిన హీరో కార్తీ. రకరకాల పాత్రలతో ఆకట్టుకుంటూ...తన అభిమానలనుఅలరిస్తున్న ఈ హీరో.. తాజాగా జపాన్ మూవీతో ఆడియన్స్ ముందుకు వస్తున్నాడు. భారీ అంచనాలతో ప్రేక్షకుల ముందుకు వచ్చింది జపాన్. కార్తీ కెరీర్ లో 25వ సినిమాగా ఇది తెరకెక్కింది. దాంతో ఈసినిమా  రిలీజ్ కు ముందు నుంచే ఫ్యాన్స్ తెగ హడావిడి చేశారు. 

Japan Movie

జోకర్ మూవీ ఫేమ్ రాజు మురుగన్ దర్శకత్వం వహించిన ఈ జపాన్ మూవీని డ్రీమ్ వారియర్ పిక్చర్స్ బ్యానర్‌పై ఎస్ఆర్ ప్రకాష్ బాబు, ఎస్ఆర్ ప్రభు నిర్మించారు. అందాల భామ అను ఇమ్మాన్యుయేల్ హీరోయిన్‌గా నటించగా..  అన్నపూర్ణ స్టూడియోస్ తెలుగు రాష్ట్రాల్లో  రిలీజ్ చేస్తున్నారు. ఇక ఈసినిమా ప్రపంచ వ్యాప్తంగా  తమిళ, తెలుగు భాషల్లో  దీపావళి కానుకగా నవంబర్ 10న గ్రాండ్‌గా థియేటర్స్‌లో రిలీజైంది. 

ఈసినిమా చూసిన ఆడియన్స్ ట్విట్టర్ లో పాజిటీవ్ గా స్పందిస్తున్నారు. సినిమా చాలా ఎంటర్టైన్మెంట్ అందిస్తుంది అంటున్నారు. మరీముఖ్యంగా ప్రీ ఒక్కరు కార్తీ నటనను పొగడకుండా ఉండలేకపోతున్నారు. మూవీ ఫస్ట్ హాఫ్ , సెకండ్ హాఫ్ రెండు బాగున్నాయి అని కొంత మంది రివ్యూ ఇస్తుంటే.. మరికొంత మంది మాత్రం ఫస్ట్ హాఫ్ బాగుంది కాని.. సెకండ్ హాఫ్ కాస్త తలనొప్పి అంటూ రివ్యూ ఇస్తున్నారు. 

కార్తీ నుంచి మరో మంచి ఎంటర్టైనర్ వచ్చింది అంటున్నారు మరోకరు. మూవీ చాలా బాగుందని.. బాగా ఎంజాయ్ చేశామంటున్నారు. అంతే కాదు చాలా మంది చెప్పేకామన్ పాయింట్స్ లో.. మ్యూజిక్ కూడా ఉంది.  బీజియం బాగుంది అంటున్నారు. సినిమా ఎంత ఎంటర్టైన్ చేస్తుందో.. అంత యాక్షన్ సీన్స్ కూడా అలరించాయి అంటున్నారు. 

జపాన్ సినిమా హీస్ట్, క్యాట్ అండ్ మౌస్ సినిమా అంటున్నారు ట్విట్టర్ జనాలు. యాక్షన్ కామెడీ చిత్రంలో రొమాన్స్, ఎమోషన్స్ అన్నీ  మిక్స్ చేశారు. కార్తీ ఫెర్ఫార్మెన్స్‌ వల్ల ఈసినిమా  ఎపిక్ ఎంటర్‌టైనర్‌గా మారింది. డైరెక్టర్ సీన్లను అద్బుతంగా తీశాడు. జీవీ ప్రకాశ్ మ్యూజిక్ సినిమా మొత్తానికి హైలెట్ అంటున్నారు  నెటిజన్స్. 

హీస్ట్ మూవీ జపాన్‌ను దర్శకుడు రాజ్ మురుగన్ అద్బుతంగా తీశాడు. దొంగ క్యారెక్టర్‌లో కార్తీ తన నటనతో అదరగొట్టాడు. ఫస్టాఫ్ యావరేజ్‌గా, సెకండాఫ్ టాప్ లేపింది. జీవీ ప్రకాశ్ సంగీతం సూపర్‌గా ఉంది. సినిమాటోగ్రఫి అదరగొట్టింది అనిమరికొంత మంది నెటిజన్లు రివ్యూలు ఇస్తున్నారు. అంతే కాదు అటు హీరోయిన్ అను ఇమ్మాన్యూయల్ పాత్ర కూడా బాగుంది.. క్యారెక్టర్ కు ఆమె న్యాయంచేసిందంటున్నారు. 

మొత్తానికి కార్తీ 25వ సినిమాగా వచ్చిన జపాన్.. ప్రీమియర్ చూసిన జనాలందరిని ఆకర్షించింది. ఇక ఈరోజు సినిమా రిలీజ్ అయిన తరువాత అసలు కథ మొదలయితది. కార్తీకి తన సిల్వర్ జూబ్లీ మూవీ మెబరబుల్ హిట్ అవుతుందని నమ్ముతున్నాడు. అందుకు తగ్గట్టే ఈ రిజల్ట్ కూడా వచ్చింది. మరి చూడాలి ఆడియన్స్ ఈ సినిమాను ఎంత వరకూ ఆదరిస్తారో.. కలెక్షన్లు ఎలా రాబడుతుందో