మిల్క్ బ్యూటీ తమన్నా భాటియా పెళ్లిపై రోజుకో పుకారు వస్తోంది. దీంతో తమన్నానే స్పందిస్తూ.. తన ఫ్యూచర్ హస్బెండ్ ను పరిచయం చేసింది. ఒక్క పోస్టుతో ఇంటర్నెట్ ను షేక్ చేసింది. ప్రస్తుతం ఆ ఫొటో నెట్టింట వైరల్ అవుతోంది.
స్టార్ హీరోయిన్ తమన్నా భాటియా (Tamannah Bhatia) కేరీర్ ప్రస్తుతం జోరుగానే కొనసాగుతోంది. సౌత్, నార్త్ సినిమాల్లో నటిస్తూ బ్యాక్ టు బ్యాక్ తన అభిమానులు, ఆడియెన్స్ ను అలరిస్తూ వస్తోంది. ఇప్పటికీ కేరీర్ ను పక్కాగా ప్లాన్ చేసుకుంటూ ట్రెండింగ్ లో ఉంటోంది.
ఎప్పుడూ సినిమా విషయాలతోనే సరిపెడుతున్న తమన్నా.. తన వ్యక్తిగత విషయాలను ఎక్కువ షేర్ చేసుకోవడం లేదు. తన పర్సనల్ లైఫ్ ను చాలా సీక్రెట్ గా ఉంచుతోంది. అయినా తాజాగా తమన్నా గురించి ఇంట్రెస్టింగ్ న్యూస్ నెట్టింట రచ్చ లేపుతోంది.
ఇంతకీ అదేంటో కాదు.. మిల్క్ బ్యూటీ పెళ్లి అంశమే. ఇప్పటికే 32 ఏండ్లకు చేరుకోవడంతో ఇంకెప్పుడు పెళ్లి అంటూ అభిమానులు, నెటిజన్లూ మిల్క్ బ్యూటీని ప్రశ్నిస్తున్నారు. అలాగే తన సినిమా ప్రమోషన్స్ లోనూ తమన్నాకు పెళ్లికి సంబంధించిన ప్రశ్నలే ఎదురవుతున్నాయి.
ఇప్పటికే ముంబైకి చెందిన ఓ వ్యాపార వేత్తతో తమన్నా పెళ్లి ఫిక్స్ అయ్యిందంటూ వార్తలు పుట్టుకొస్తున్నాయి. త్వరలోనే పెళ్లి పీటలు ఎక్కబోతుందని కూడా అంటున్నారు. ఇదే విషయంపై తమన్నా కూడా స్పందించింది. తాజాగా అభిమానులకు తన పెళ్లిపై క్లారిటీ ఇచ్చింది.
తాజాగా తన ఇన్ స్టా స్టోరీలో కాబోయే భర్తను పరిచయం చేసింది. ఎలాగంటే.. రీసెంట్ గా ‘ఎఫ్3’లో మేల్ గెటప్ లో మెప్పించిన విషయం తెలిసిందే. అయితే అదే గెటప్ కు సంబంధించిన ఫొటోను పంచుకుంటూ ఈయనే నా కాబోయే ఫ్యూచర్ హస్బెండ్ అని చెప్పింది.
ఒక్క పోస్టుతో తన పెళ్లిపై వస్తున్న రూమర్లకు చెక్ పెట్టింది. దీంతో ఇప్పట్లో పెళ్లిపై ధ్యాస లేదని పరోక్షంగా తన అభిమానులకు చెప్పేసింది. ఇక రీసెంట్ గా ‘ప్లాన్ ఏ ప్లాన్ బీ’ చిత్ర ప్రమోషన్స్ లోనూ ఇదే ప్రశ్న ఎదురవగా.. ఇప్పట్లో కష్టమనే సమాధానమే ఇచ్చింది. కేరీర్ పైనే ఫుల్ ఫోకస్ పెట్టనున్నట్టు తెలుస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి