ముంబాయిలో లగ్జరీ హౌజ్‌ కొన్న తాప్సీ, ధరెంతో తెలిస్తే మతిపోవాల్సిందే

తెలుగులో ఒకప్పుడు స్టార్‌ హీరోగా రాణించింది తాప్సీ. ప్రభాస్‌ వంటి స్టార్‌ హీరోలతోనూ కలిసి నటించింది. పలు విజయాలు అందుకుంది. ఇప్పుడు బాలీవుడ్‌కే పరిమితమయిన తాప్సీ ముంబయిలో లగ్జరీ హౌజ్‌ కొనుగోలు చేసిందట. 

టాప్సీ కొత్త ఇల్లు

కమర్షియల్‌ హీరోగా పేరు తెచ్చుకున్న తాప్సీ `పింక్‌` చిత్రంతో పూర్తిగా తన రూట్‌ని మార్చింది. కంటెంట్‌ ఓరియెంటెడ్‌, లేడీ ఓరియెంటెడ్‌ చిత్రాలతో మెప్పిస్తుంది. ఇప్పుడు తెలుగుకి దూరమై బాలీవుడ్‌లోనే సినిమాలు చేస్తుంది. ఆల్మోస్ట్ అక్కడే సెటిల్‌ అయ్యింది. దీంతో తాజాగా ముంబాయిలో ఓ లగ్జరీ హౌజ్‌ని కొనుగోలు చేసిందట. 

Taapsee Pannu

తాప్సీ తన చెల్లి శకున్ పన్నూ కలిసి ముంబయిలో ఓ అపార్ట్‌మెంట్ కొనుగోలు చేశారు. 'రెడీ టు మూవ్ ఇన్' ప్రాజెక్ట్ అయిన ఇంపీరియల్ హైట్స్‌లో ఈ ఇల్లు ఉంది. డాక్యుమెంట్ల ప్రకారం, ఈ ఇంటి కార్పెట్ ఏరియా 1390 చదరపు అడుగులు, బిల్టప్ ఏరియా 1669 చదరపు అడుగులు. రెండు కార్లకు పార్కింగ్ సౌకర్యం ఉంది.

తాప్సీ కొత్త ఇంటి ధర ఎంత?

తాప్సీ, శకున్ పన్నూ కలిసి రూ.4.33 కోట్లు చెల్లించి ఈ ఇంటిని కొనుగోలు చేశారు. మే 15న రిజిస్ట్రేషన్ జరిగింది. రిజిస్ట్రేషన్ కోసం రూ.21.65 లక్షలు ఖర్చు చేశారు. అదనంగా రూ.30,000 రిజిస్ట్రేషన్ ఫీజు చెల్లించారు. తాప్సీ బాలీవుడ్‌లో ఎక్కువ పారితోషికం తీసుకునే హీరోయిన్లలో ఒకరిగా నిలవడ విశేషం. 

ఇంపీరియల్ హైట్స్ ఎక్కడ ఉంది?

ఇంపీరియల్ హైట్స్ గోరేగావ్ వెస్ట్‌లో ఉంది. అంధేరీ, మలాడ్ మధ్య ఇది ఉంటుంది. వెస్ట్రన్ ఎక్స్‌ప్రెస్ హైవే, SV రోడ్డు, లోకల్ రైళ్లకు దగ్గరగా ఉండటంతో ఇక్కడ ఇల్లు కొనడానికి చాలా మంది ఇష్టపడతారు.

ఏప్రిల్ 2024 నుంచి మార్చి 2025 వరకు ఇంపీరియల్ బ్లూలో 47 ఇళ్లు అమ్ముడుపోయాయి. మొత్తం రూ.168 కోట్ల వ్యాపారం జరిగింది. ప్రస్తుతం ఇక్కడ చదరపు అడుగు ధర రూ.32,170 పలుకుతుందట. 

తాప్సీ సినిమాలు

తాప్సీ నటించిన 'గేమ్ గేమ్ మెయిన్' ఇటీవల విడుదలైంది. 'వో లడ్కీ హై కహాన్?', 'కాంతారీ' సినిమాలు నిర్మాణంలో ఉన్నాయి.   `ఝుమ్మంది నాదం` చిత్రంతో తెలుగులోకి ఎంట్రీ ఇచ్చిన తాప్సీ, `వస్తాడు నా రాజు`, `వీర`, `మిస్టర్‌ పర్‌ఫెక్ట్`, `మొగుడు`, `దరువు`, `గుండెల్లో గోదారి`, `షాడో`, `సాహసం`, `ఘాజీ`, `ఆనందో బ్రహ్మా` వంటి చిత్రాల్లో నటించింది. చివరగా ఆమె `మిషన్‌ ఇంపాజిబుల్‌` అనే తెలుగు చిత్రంలో మెరిసింది.