Brahmamudi: ఆత్మహత్యకు సిద్ధమైన స్వప్న.. నిజం తెలుసుకుని షాకైన కావ్య!

Brahmamudi: స్టార్ మాలో ప్రసారమవుతున్న బ్రహ్మముడి సీరియల్ టాప్ సీరియల్స్ కి గట్టి పోటీని ఇస్తూ మంచి రేటింగ్ ని సంపాదించుకుంటుంది. తన జీవితాన్ని చేజేతులా పాడు చేసుకుని చెల్లెలి మీద నిందలు వేస్తున్న ఒక అక్క కథ ఈ సీరియల్. ఇక ఈరోజు ఏప్రిల్ 20 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో నువ్వు చచ్చిన దానితో సమానం నీకు పిండం కూడా పెట్టను ప్రేతాత్మ లాగా  స్మశానం చుట్టూ తిరుగు.. ముందు ఇంటి నుంచి బయటికి నడువు అంటుంది కనకం. నేను మీకు ఇష్టమైన కూతుర్ని కదమ్మా అంత కఠినంగా ఎలా మాట్లాడుతున్నావు అంటుంది స్వప్న. నువ్వు గడప దాటిన మరుక్షణమే నీతో ఉన్న బంధాన్ని తెంచేసుకున్నాను నీకు నాకు ఏ సంబంధం లేదు అంటుంది కనకం.

అంతలోనే కృష్ణమూర్తి వచ్చి స్వప్నని చూసి కోపంతో రగిలిపోతాడు. దీన్ని ఇంట్లోకి ఎవడు రానిచ్చాడు అంటూ మెడ పట్టి బయటికి గెంటేస్తాడు. నేను చెప్పేది వినండి అని స్వప్న ఎంత చెప్పినా వినిపించుకోడు. నన్ను నాన్న అని పిలవకు నీలాంటి దానికి తండ్రి అంటే నాకే సిగ్గు నీ చావు నువ్వు చావు ఈ గుమ్మంలోకి రాకు అంటూ కేకలు వేస్తాడు కృష్ణమూర్తి. తల్లి దగ్గరికి వెళ్లి నువ్వు అయినా నాన్నకు చెప్పమ్మా అంటుంది స్వప్న.

భర్త చెప్పిన మాట పెడచెవిన పెట్టి ఇప్పటికే పెద్ద తప్పు చేసి ఫలితం అనుభవిస్తున్నాను ఇప్పుడు కూడా ఆయన మాటకి గౌరవం ఇవ్వకపోతే భార్యగా నా స్థానాన్ని కోల్పోవాల్సి ఉంటుందని అంటుంది కనకం. నేను నీ దగ్గరికి వచ్చి కావ్యక్క జీవితం నాశనం అయిపోతుంది.. వెనక తిరిగి రమ్మంటే నువ్వు ఏం చేశావు.. నాకు యాక్సిడెంట్ అయితే కనీసం పట్టించుకోకుండా వెళ్ళిపోయావు.. మళ్లీ ఏ మొహం పెట్టుకొని వచ్చావు అంటూ స్వప్న ని బయటికి నెట్టేస్తుంది అప్పు. మీరందరూ బయటికి పొమ్మంటే ఎక్కడికి పోతాను శాశ్వతంగా పైకి పోతాను అప్పుడైనా మీ అందరికీ మనశ్శాంతిగా ఉంటుంది అంటూ ఒంటి మీద కిరోసిన్  పోసుకుంటుంది స్వప్న. 

ఇది మరిచిపోయినట్లుగా ఉన్నావు అంటూ అగ్గిపెట్టి చేతిలో పెడతాడు కృష్ణమూర్తి. అగ్గిపెట్టి స్వప్న చేతిలో లాక్కొని తల్లిదండ్రులని మందలిస్తుంది కావ్య. కాలికి దెబ్బ తగిలితే కాలిని నరికేసుకుంటామా అయినా లేచిపోయేంత తెలివితేటలు దీనికి లేవు. ఎవరో దీనిని మోసం చేశారు. ఏదిక్కు లేక మన ఇంటికి వచ్చింది మనం కూడా తరిమిస్తే ఏమవుతుంది అంటూ నచ్చ చెప్తుంది కావ్య. ఇది పాములాంటిది దీనిని చేరదీస్తే మనమీదే విషం కక్కుతుంది అంటాడు కృష్ణమూర్తి. అప్పు, కనకం కూడా అదే మాట చెప్తారు. దయచేసి అందరూ నా మాట వినండి మనం కూడా తనని ఆదరించకపోతే అక్క దిక్కులేని పక్షి అయిపోతుంది అంటుంది కావ్య.

నీ మాట కాదనలేక మౌనంగా ఊరుకుంటున్నాను ఈ ఇంట్లో ఆ బొమ్మలతో పాటు ఒక మూలన పడి ఉంటుంది అంతేగాని దీనికి ప్రాణం ఉందంటే నేను ఒప్పుకోను అంటూ కోపంగా భార్యని తీసుకొని లోపలికి వెళ్ళిపోతాడు కృష్ణమూర్తి. స్వప్నని లోపలికి తీసుకెళ్ళి పోతుంది ఆమె పెద్దమ్మ. స్వప్న సూట్ కేస్ లోపల పెట్టమని అప్పుకి చెప్తుంది కావ్య. లోపలికి తీసుకెళ్లిన అప్పు కోపంతో ఆ సూట్ కేస్ ని విసిరేస్తుంది. అందులోంచి విత్ లవ్ ఆర్ అనే ఒక గ్రీటింగ్ కార్డు బయటికి కనిపిస్తుంది. అది చూసిన కావ్య రాహుల్ ని అనుమానిస్తుంది. కానీ ఇది చూపిస్తే రాజ్ నమ్మడు ఇప్పుడు ఏం చేయాలి అనుకుంటుంది కావ్య.

మరోవైపు తన గదికి వెళ్ళేసరికి అక్కడ రాజ్ సూట్ వేసుకొని ఉంటాడు. కావ్య రావడం చూసి నేను బయలుదేరుతాను అంటాడు. ఈ రాత్రి పూట వద్దు రేపు వెళ్దాము అంటుంది కావ్య. నువ్వు ఎవరివి నన్ను ఆపడానికి అంటూ ఆమెని నెట్టేస్తాడు రాజ్. మంచానికి తగులుకొని కావ్య తలకి దెబ్బ తగులుతుంది. అయినా తమాయించుకుని నిలబడుతుంది. జరిగింది చిన్న గొడవ కాదు మీకు కోపం రావటంలో తప్పులేదు నన్ను వదిలేయండి కానీ ఇలా కాదు నాకు ఒక్క అవకాశం ఇవ్వండి అక్క వెనుకాతుల ఎవరో ఉండి నడిపిస్తున్నారు,వారం రోజుల్లో ఆ వ్యక్తి ఎవరో నిరూపిస్తాను.

లేకపోతే అప్పుడే మీరు వదిలేయటం కాదు నేనే మీ ఇంటి నుంచి బయటకు వచ్చేస్తాను అంటుంది కావ్య. నీకోసం కాదు మీ అక్క ప్రవర్తనలో ఏదో తేడా ఉంది అందుకే ఛాన్స్ ఇస్తున్నాను అంటాడు రాజ్. మరోవైపు తన కాడికి వెళ్తున్న స్వప్నని హ్యాపీ మా ఇంట్లో మా అక్క బావ ఉన్నారు వెళ్లడానికి వీల్లేదు అంటుంది అప్పు. మరి నా పరిస్థితి ఏంటి అంటూ పొగరుగా అడుగుతుంది స్వప్న. వెళ్లి పోచమ్మ గుడిలో పడుకో అంటూ అంతే పొగరుగా సమాధానం చెబుతుంది అప్పు. అప్పు గదిలోకి వెళ్లి పడుకోబోతుంటే నా గదిలోకి ఎందుకు వస్తావు అంటూ ముందు అడ్డుకుంటుంది

కానీ స్వప్న హాల్లో పడుకోవడం రాజ్ చూస్తే బాగోదు అని ఈ పూట కి మాత్రమే అని చెప్పి అక్కకి పర్మిషన్ ఇస్తుంది అప్పు.తరువాయి భాగంలో రాహుల్ కి ఫోన్ చేసి స్వప్న ఇంటికి వచ్చిందని చెప్తాడు  రాజ్. కంగారుపడిన రాహుల్ స్వప్న కి ఫోన్ చేసి నాతో లేచిపోయానని మాత్రం చెప్పొద్దు అంటూ కోప్పడతాడు. అయితే స్వప్న ఫోన్ కావ్య ఎత్తటంతో నిజం తెలుసుకొని షాక్ అవుతుంది.