పేదల దేవుడు రజినీకాంత్, ఏకంగా 12 ఎకరాల్లో తలైవా హాస్పిటల్ నిర్మాణం..

సూపర్ స్టార్ రజనీకాంత్ నిజంగా తాను తలైవా అనిపించుకున్నాడు. పేదలకోసం ఆయన  చెన్నైలో భారీ స్థాయిలో హాస్పిటల్ కట్టించబోతున్నాడట.  పేదలకు ఉచితంగా వైద్యం అందించేందుకు భారీ ఆసుపత్రిని నిర్మించాలని యోచిస్తున్నట్లు సమాచారం.  

తమిళ సూపర్ స్టార్ రజనీకాంత్ ను దేవుడిలా కొలుస్తారు అభిమానులు. అందుకే రాజికీయాల్లోకి వచ్చి..ప్రజాసేవ చేయాలని అనుకున్నారు తలైవా. కాని అది కుదరలేదు. ఆయన ఆరోగ్యం సహకరంచకపోవడంతో..పాలిటిక్స్ నుంచి వెనక్కి తగ్గారు. దాంతో సినిమాలు కంటీన్యూ చేస్తున్నారు.  ప్రస్తుతం జై భీమ్ దర్శకుడు జ్ఞానవేల్ దర్శకత్వంలో వేదాతీయన్ సినిమాలో నటిస్తున్నారు తలైవా.  లైకా సంస్థ నిర్మిస్తున్న ఈ సినిమా షూటింగ్ చివరి దశకు చేరుకుంది. 

ప్రస్తుతం  ఈసినిమా లాస్ట్ షెడ్యూల్  షూటింగ్‌ హైదరాబాద్‌లో జరుగుతోంది. ఇందులో రజనీకాంత్, రానా దగ్గుబాటి , రితికా సింగ్ తదితరులు పాల్గొంటున్నారు. అయితే  రజనీకాంత్ ఒ గొప్ప కార్యాన్ని తలపెట్టనున్నట్టు తెలుస్తోంది. రాజకీయాల్లోకి వచ్చి ప్రజాసేవ చేయడానికి కుదరలేదు కాబట్టి ప్రజలకోసం ఏదైనా చేయాలి అని ఆయన నిర్ణయించుకున్నారట. అందుకోసం.. పేలకు అవసరమైన విద్య వైద్యం మీద దృష్టిపెట్టబోతున్నట్టు తెలుస్తోంది. అందులో భాగంగా ఆయన 12 ఏకరాల్లో భారీ హాస్పిటల్ ను నిర్మించబోతున్నట్టు సమాచారం. 

Rajinikanth

కొద్దిరోజుల క్రితం చెన్నైలోని తిరుప్పోరూర్‌లోని రిజిస్ట్రార్ కార్యాలయానికి వచ్చారు. అక్కడ ఆయన కొత్తగా కొనుగోలు చేసిన భూమికి సంబంధించిన రిజిస్టేషన్ ను కూడా కంప్లీట్ చేశారు రజినీకాంత్.  అప్పుడు రజనీకాంత్ వస్తున్నారని తెలియడంతో ఆయన్ను చూసేందుకు పెద్ద సంఖ్యలో అభిమానులు అక్కడకు చేరుకున్నారు. దీంతో ఆ ప్రాంతంలో కాసేపు ఉత్కంఠ నెలకొంది. 

Super Star Rajinkanth

ఈ సందర్భంలో, రజనీకాంత్ అక్కడికి చేరుకున్న తర్వాత ఈ విషయం లీక్ అయ్యింది.  దీని ప్రకారం చెన్నై ఓఎంఆర్ రోడ్డు నుంచి దల్హంపూర్ వెళ్లే దారిలో 12 ఎకరాల భూమిని రజనీ కొనుగోలు చేశారు. డీడీ నమోదు చేసేందుకు రజినీ తిరుపోరూర్ రిజిస్ట్రార్ కార్యాలయానికి వచ్చారు. ఇక ఆ స్థలంలో రజనీకాంత్ భారీ ఆసుపత్రిని నిర్మించే పనిలో ఉన్నారట.

Rajinikanth

ఈ ఆసుపత్రిలో పేదలకు నాణ్యమైన ఉచిత వైద్యం అందిచేలా ప్రణాళిక రెడీ చేస్తున్నట్టు తెలుస్తోంది. అదే సమయంలో బాగా డబ్బున్న వారికి కూడా ఇక్కడ వైధ్య లభిస్తుంది. కాని వారి  నుంచి డబ్బులు వసూలు చేస్తారని అంటున్నారు. నివేదికల ప్రకారం, ఆసుపత్రి నిర్మాణ పనులు త్వరలో ప్రారంభం కానున్నాయి, ప్రస్తుతం వరుసగా షూటింగ్స్ బిజీలో ఉన్న తలైవా.. ఈ హాస్పిటల్ పనులను తన స్నేహితుడికి అప్పగించినట్టు తెలుస్తోంది.