కమెడియన్ అనే చిన్న చూపు ? త్రిష, అనుష్క ఏం చేశారో తెలుసా.. సునీల్ కి స్టార్ హీరోయిన్ల నుంచి చేదు అనుభవం 

సునీల్ టాలీవుడ్ లో టాప్ కమెడియన్ గా క్రేజ్ సొంతం చేసుకున్నాడు. ఉదయ్ కిరణ్, తరుణ్, వెంకటేష్ , నాగార్జున లాంటి హీరోల చిత్రాల్లో సునీల్ పండించిన కామెడీ హైలైట్ అయ్యేది. సొంతం, నువ్వే నువ్వే, మనసంతా నువ్వే, నువ్వు నాకు నచ్చావ్, మన్మధుడు లాంటి చిత్రాల్లో సునీల్ కామెడీ పొట్ట చెక్కలయ్యేలా ఉంటుంది. 

ఆ తర్వాత సునీల్ కి హీరోగా అవకాశాలు రావడం మొదలయ్యాయి. మర్యాదరామన్న, అందాలరాముడు చిత్రాలు సూపర్ హిట్ అయ్యాక సునీల్ ఫుల్ టైం హీరోగా మారాడు. కానీ కాలం కలసి రాలేదు. సునీల్ ఎక్కువ కాలం హీరోగా కొనసాగలేకపోయాడు. పూల రంగడు, మిస్టర్ పెళ్లి కొడుకు చిత్రం వరకు అంతా బాగానే సాగింది. 

కానీ ఆ తర్వాత సునీల్ కి వరుస ఫ్లాపులు ఎదురయ్యాయి. దీనితో మళ్ళీ సుని క్యారెక్టర్ ఆర్టిస్ట్ గా మారాడు. కామెడీ రోల్స్ చేస్తోనే కథలో కీలకమైన పాత్రలు చేస్తున్నాడు. తాను హీరోగా నటిస్తున్నప్పుడు కొంతమంది స్టార్ హీరోయిన్లు రిజెక్ట్ చేసిన విషయాన్ని సునీల్ ఓ ఇంటర్వ్యూలో గుర్తు చేసుకున్నాడు. కమెడియన్ కాబట్టి హీరోయిన్లు ఎవరైనా చిన్న చూపు చూశారా అని యాంకర్ అడిగిన ప్రశ్నకు సునీల్ సమాధానం ఇచ్చారు. 

తాను కమెడియన్ కాబట్టి నాతో నటించేందుకు కొంతమంది హీరోయిన్లు ఇంట్రెస్ట్ చూపించలేదు. ముఖ్యంగా రాజమౌళి మర్యాద రామన్న చిత్రానికి హీరోయిన్ సమస్యలు ఎదురయ్యాయి. ఈ చిత్రం కోసం ముందుగా రాజమౌళి అనుష్కని అడిగారు. ఆమె రిజెక్ట్ చేసింది. ఆ తర్వాత త్రిష అయితే సరిపోతుంది అనుకున్నారు. త్రిష కూడా చేయనని చెప్పేసింది. 

ఆ తర్వాత చేసేది లేక సలోనిని తీసుకున్నట్లు సునీల్ చెప్పుకొచ్చాడు. మరికొంతమంది స్టార్ హీరోయిన్లు అందరి ముందు సునీల్ తో నటించాలి ఉందని అంటారు. కానీ సినిమా కోసం అడిగితే మాత్రం రిజెక్ట్ చేస్తారు అని సునీల్ తెలిపాడు. తనని చాలా మంది స్టార్ హీరోయిన్లు రిజెక్ట్ చేసినట్లు చెప్పుకొచ్చాడు. 

ఇక అందాల రాముడు చిత్రానికి హీరోయిన్ సమస్య రాలేదని సునీల్ తెలిపాడు. ముందుగా దివంగత నటి ఆర్తి అగర్వాల్ ని అనుకున్నాం. ఈ సినిమా గురించి చెప్పినప్పుడే ఆమెకి కథ బాగా నచ్చింది. వెంటనే ఒప్పేసుకుంది అని సునీల్ తెలిపాడు. ఏది ఏమైనా తనతో నటించడం నటించకపోవడం వాళ్ళ వ్యక్తిగత విషయం అని సునీల్ తెలిపాడు.