టాలీవుడ్ లెక్కల మాస్టారు సుకుమార్.. పుష్ప2 తో రిలీజ్ కు రెడీ అవుతున్నాడు. అయితే ఆయనకు ఈ సినిమా విషయంలో ఓ సెంటిమెంట్ ఉందట. ఆ సెంటిమెంట్ ను కూడా తీర్చుకున్నాడట. ఇంతకీ ఏంటా సెంటిమెంట్..?
హీరోలకు స్పెషల్ ఇమేజ్ ఇవ్వడంలో స్టార్ డైరెక్టర్ సుకుమార్ తరువాతనే ఎవరైనా.. పూరీలాంటి దర్శకులు ఈ కోవలోకే వస్తారు కాని సుకుమార్ ది మాత్రం డిఫరెంట్ స్టైల్. ఆయన సినిమాల్లో హీరోలలో విలన్ షేడ్స్ గట్టిగా కనిపిస్తుంటాయి. ఈక్రమంలోనే గ్లామర్ ఇండస్ట్రీ అయిన టాలీవుడ్ లో హీరోలను డీగ్లామర్ రోల్ లో చూపించి.. హిట్లు కొట్టించిన డైరెక్టర్లలో సుకుమార్ ఒకరు.
ఒక రకంగా వీరివల్లే మన హీరోలకు పాన్ ఇండియా ఇమేజ్ పెరుగుతందని చెప్పవచ్చు. మరి ఇలాంటి దర్శకుడికి సెంటిమెంట్ ఉంది అంటే ఎవరైన నమ్ముతారా. కాని సుకుమార్ మాత్రం పుష్ప సినిమా విషయంలో సెంటిమెంట్ ను ఫాలో అవుతున్నాడట. ఇంతకీ ఆసెంటిమెంట్ ఏంటో తెలుసా..? పుష్ప2తో సందడి చేయడానికి రెడీ అవుతున్నాడు సుకుమార్. అల్లు అర్జున్ ను ఈసినిమాతో పాన్ వరల్డ్ కు తీసుకెళ్లాలని ప్లాన్ చేశాడు.
తెలుగు రాష్ట్రాలతో పాటు మలయాళంలో మాత్రమే స్టార్ హీరోగా ఉన్న బన్నీని పాన్ఇండియా హీరోగా చేసింది పుష్ప సినిమా. ముఖ్యంగా ఉత్తర ప్రదేశ్, బీహార్ లాంటి రాష్ట్రాలలో అల్లు అర్జున్ కు భారీగా ఇమేజ్ ను తెచ్చిపెట్టింది సినిమా. పుష్పరాజ్ గా బన్నీ నార్త్ లో దూసుకుపోయాడు. అయితే పుష్ప2 కూడా వీరు అనుకున్నట్టుగా హిట్ అయ్యి 1000 కోట్లు దాటి కలెక్షన్లు సాధిస్తే.. నార్త్ లో తిరుగులేని హీరోగా అల్లు అర్జున్ పాగా వేయడం ఖాయం.
అయితే సుకుమార్ పుష్ప సినిమా చేసే టైమ్ లో దర్శకధీరుడు రాజమౌళి సెట్స్ కు వచ్చాడట. అప్పుడు ఈసినిమా రష్ ఫీడ్ ను ఆయనకు చూపించాడట సుక్కు. ఇక ఏసినిమా జాతకంఅయినా అలవోకగా చెప్పగల రాజమౌళి.. ఈసినిమా పక్కా హిట్ అవుతుందని.. నార్త్ లో ఈసినిమాకు ఆదరణ బాగా ఉంటుంది అని చెప్పాడట.
దాంతో ఆయన చెప్పినట్టే జరిగింది. ఇక ఇది సుకుమార్ కు సెంటిమెంట్ గా మారింది. అందుకే పుష్ప2 ను కూడా రీసెంట్ గా రాజమౌళికి చూపించాడట సుక్కు. రాజమౌళికి బాగా నచ్చినట్టు తెలుస్తుంది. ఆయన చాలా మంచి ఫీడ్ బ్యాక్ ఇచ్చారట. ఆ సెంటిమెంట్ తోనే పుష్ప 2 రషెస్ జక్కన్న చూపించినట్టున్నాడు సుక్కూ.
పుష్ప 2 పై నార్త్ లో భారీ హైప్ ఉంది. నిజానికి ఆగస్టు 15న పుష్ప 2 రిలీజ్ కావాల్సి ఉంది. కానీ అనుకున్న టైంకి షూటింగ్ కంప్లీట్ అవ్వకపోవడం వల్ల డిసెంబర్ 6 కి వాయిదా వేశారు. ఈ విషయంలో సుకుమార్ మీద బన్నీ కోప్పడి అలిగారని కూడా వార్తలు వచ్చాయి. నిర్మాతలు మళ్ళీ బుజ్జగించి సముదాయించారట.
ఇక ఆతరువాత ఫాస్ట్ గా షూటింగ్ కంప్లీట్ అవ్వడంతో ఒకరోజు ముందుగానే అంటే డిసెంబర్ 5 నే ఈ సినిమాను రిలీజ్ చేస్తున్నారు. అంటే డిసెంబర్ 4 న ప్రీమియర్స్ తోనే ప్రపంచ వ్యాప్తంగా పుష్ప 2 హడావిడి మొదలవబోతోంది. పుష్ప2 షూటింగ్ కంప్లీట్ కావస్తోంది. పాచ్ వర్క్ తో పాటు.. మరో పక్క పోస్ట్ ప్రొడక్షన్ కూడా జరుగుతుందట.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి