జాక్వెలిన్ ని వదిలేసి తనతో డేటింగ్ చేయమని వేధించింది..ఇద్దరు భామల ముద్దుల ప్రియుడు సుఖేష్

రూ. 200 కోట్ల మనీ లాండరింగ్ కేసులో అరెస్ట్ అయిన ఘరానా మోసగాడు సుఖేష్ చంద్రశేఖర్ తో సంబంధాలు ఉన్న ఎవరినీ ఈడీ అధికారులు విడిచిపెట్టడం లేదు. సుఖేష్ చంద్రశేఖర్ కేసులో బాలీవుడ్ హీరోయిన్లు జాక్వెలిన్ ఫెర్నాండేజ్, నోరా ఫతేహి లకు సంబంధాలు ఉన్నట్లు చాలా కాలంగా వార్తలు వస్తున్నాయి. 

సుఖేష్ చంద్రశేఖర్ 200 కోట్ల మనీ లాండరింగ్ కేసులో జాక్వెలిన్ కి, ఐటెం బ్యూటీ నోరా ఫతేహికి సంబంధాలు ఉన్నట్లు ఈడీ అధికారులు స్పష్టమైన ఆధారాలు సేకరిస్తున్నారు. అయితే తమకు ఎలాంటి సంబంధం లేదు అంటూ జాక్వెలిన్, నోరా ఫతేహి ఒకరిపై ఒకరు ఆరోపణలు చేసుకుంటున్నారు. 

అయితే ఈ కేసులో ఏ1 సుఖేష్ చంద్రశేఖర్ మాత్రం తనకి జాక్వెలిన్, నోరా ఇద్దరితో సంబంధాలు ఉన్నట్లు బల్ల గుద్ది చెబుతున్నాడు. ఇద్దరికీ ఎన్నిసార్లు డబ్బు ఇచ్చింది, ఏఏ గిఫ్టులు ఇచ్చింది అన్ని వివరాలని సుఖేష్ ఈడీకి పూసగుచ్చినట్లు వివరిస్తున్నాడు. నోరా ఫతేహికి ఖరీదైన బీఎండబ్ల్యూ కారు గిఫ్టుగా ఇచ్చినట్లు కూడా సుఖేష్ తన వాంగ్మూలంలో తెలిపాడు. అతడి కామెంట్స్ ని నోరా ఫతేహి ఈడీ విచారణకు హాజరైనప్పుడు తెలిపింది. 

తాను నోరా ఫతేహి కోసం ఎంతో చేశానని అయినా కూడా దుర్మార్గపు ఆలోచనలో తనని మోసం చేసింది అని ఆరోపించారు. తనకు వ్యతిరేకంగా ఆమె చేసిన కామెంట్స్ అన్నీ పచ్చి అబద్దం అని సుఖేష్ ఈడీకి తెలిపాడు. 

అంతే కాదు తాను జాక్వెలిన్ తో డేటింగ్ చేయడం నోరా ఫతేహికి నచ్చలేదు. జాక్వెలిన్ అంటే ఎప్పుడూ ఆమె అసూయపడుతూ ఉండేది. జాక్వెలిన్ ని వెంటనే వదిలేయాలి. నాతో డేటింగ్ చేయి అంటూ బలవంతం చేసేది. తనతో రిలేషన్ మొదలు పెట్టాలని రోజుకు పదిసార్లు కాల్ చేసి విసిగించేది అని సుఖేష్ ఈడీకి తెలిపాడు. 

సుఖేష్ తో జాక్వెలిన్ సన్నిహితంగా రొమాన్స్ చేస్తున్న దృశ్యాలు సోషల్ మీడియాలో వైరల్ అయిన సంగతి తెలిసిందే. నోరా కూడా తనని కోరుకుందని సుఖేష్ తాజాగా వివరించాడు. దీనితో సుఖేష్ ఇద్దరు భామల ముద్దుల ప్రియుడు అంటూ జోకులు పేలుతున్నాయి.