సుధీర్ బాబు నటించిన లేటెస్ట్ మూవీ 'హంట్'. గతం మరచిపోయిన కాప్ యాక్షన్ డ్రామాగా ఈ చిత్రం తెరకెక్కింది. మహేష్ సూరేపనేని ఈ చిత్రానికి దర్శకుడు. టీజర్, ట్రైలర్స్ కి మంచి రెస్పాన్స్ వచ్చింది.
హీరో సుధీర్ బాబు వైవిధ్యమైన ప్రయత్నాలు చేస్తున్నాడు కానీ విజయం దక్కడం లేదు. గత ఏడాది సుధీర్ బాబు నటించిన 'ఆ అమ్మాయి గురించి మీకు చెప్పాలి' చిత్రం తీవ్రంగా నిరాశపరిచింది. అంతకు ముందు నటించిన చిత్రాలు కూడా అంతంత మాత్రంగానే ఆడాయి. తాజాగా సుధీర్ బాబు మరో ప్రయత్నంతో ప్రేక్షకుల ముందుకు వచ్చారు.
సుధీర్ బాబు నటించిన లేటెస్ట్ మూవీ 'హంట్'. గతం మరచిపోయిన కాప్ యాక్షన్ డ్రామాగా ఈ చిత్రం తెరకెక్కింది. మహేష్ సూరేపనేని ఈ చిత్రానికి దర్శకుడు. టీజర్, ట్రైలర్స్ కి మంచి రెస్పాన్స్ వచ్చింది. గణతంత్ర దినోత్సవ కానుకగా ఈ చిత్రాన్ని నేడు ప్రేక్షకుల ముందుకు తీసుకువస్తున్నారు. ప్రీమియర్ షోల నుంచి ప్రేక్షకుల రెస్పాన్స్ మొదలయింది. మరి ఈ చిత్రం ఎలా ఉందో ఇప్పుడు చూద్దాం.
గతం మరచిపోయిన పోలీస్ అధికారిగా సుధీర్ బాబు నటన ఆకట్టుకుంటోంది. కథ కూడా బావుంది. కానీ నెరేషన్ చాలా ఫ్లాట్ గా ఉందనే అభిప్రాయాన్ని ప్రేక్షకులను వ్యక్తపరుస్తున్నారు. ఫస్ట్ హాఫ్ లో తొలి గంట వరకు కథ ఆసక్తికరంగా సాగదు. నెమ్మదిగా బోరింగ్ సీన్స్ తో తెరకెక్కించారు.
ఓవరాల్ గా ఫస్ట్ హాఫ్ యావరేజ్ అన్నట్లుగా ముగుస్తుంది. ఈ చిత్రంలో బెస్ట్ అంటే యాక్షన్ సన్నివేశాల గురించే చెప్పాలి. యాక్షన్ ఎపిసోడ్స్ కొరియోగ్రఫీ ఆకట్టుకుంటుంది. బిజియం ఆశించిన స్థాయిలో లేదు. ఈ చిత్రానికి జిబ్రాన్ సంగీతం అందించారు.
యాక్షన్ ఎపిసోడ్స్ లో సుధీర్ బాబు ఇరగదీసాడు అనే అభిప్రాయం వ్యక్తం అవుతోంది. ఇంటర్వెల్ బ్యాంగ్ వచ్చే టైంకి దర్శకుడు ప్రేక్షకులని కథతో ఎంగేజ్ చేశారు. ఫస్ట్ హాఫ్ లో వచ్చే సెకండ్ ఫైట్ అయితే గూస్ బంప్స్ తెప్పిస్తుంది అని ప్రేక్షకులు చెబుతున్నారు.
ఇక సెకండ్ హాఫ్ కొన్ని అనవసర సన్నివేశాలు మినహాయిస్తే ఆకట్టుకునే విధంగా ఉంది. క్లైమాక్స్ ని డీసెంట్ గా ముంగించారు. శ్రీకాంత్, భరత్ తమ పాత్రల్లో మెప్పించారు. మరి ఈ చిత్రం సుధీర్ బాబుకి బాక్సాఫీస్ విజయాన్ని అందిస్తుందో లేదో చూడాలి.