చిరంజీవి మూవీని ఇగోతో ఆ కారణం చెప్పి రిజెక్ట్ చేసిన శ్రీదేవి, కట్ చేస్తే బొమ్మ దిమ్మతిరిగే బ్లాక్ బస్టర్

Sridevi and Chiranjeevi: అప్పట్లో మెగాస్టార్ చిరంజీవి, కోదండరామిరెడ్డి కాంబినేషన్ అంటే పట్టిందల్లా బంగారమే. చిరంజీవికి అత్యధిక హిట్లు కోదండరామిరెడ్డి దర్శకత్వంలోనే దక్కాయి. వీరిద్దరి కాంబినేషన్ లో వచ్చిన ఒక చిత్రం విషయంలో ఊహించని సంఘటన చోటు చేసుకుంది. 

Sridevi, Chiranjeevi

అప్పట్లో మెగాస్టార్ చిరంజీవి, కోదండరామిరెడ్డి కాంబినేషన్ అంటే పట్టిందల్లా బంగారమే. చిరంజీవికి అత్యధిక హిట్లు కోదండరామిరెడ్డి దర్శకత్వంలోనే దక్కాయి. వీరిద్దరి కాంబినేషన్ లో వచ్చిన ఒక చిత్రం విషయంలో ఊహించని సంఘటన చోటు చేసుకుంది. అప్పటికే చిరంజీవి టాలీవుడ్ లో తిరుగులేని మాస్ హీరోగా ఎదిగారు. శ్రీదేవి కూడా ఇటు సౌత్ లో, అటు నార్త్ లో క్రేజీ హీరోయిన్ గా మారిపోయింది. ఆమె లేడీ సూపర్ స్టార్ గా ఎదిగింది. 

sridevi

చిరంజీవి, కోదండరామిరెడ్డి కాంబినేషన్ లో కొండవీటి దొంగ చిత్రం సెట్ అయింది. పరుచూరి బ్రదర్స్ ఈ చిత్రాన్ని కథ అందించారు. ఇక హీరోయిన్ ఎవరు అని అనుకున్నపుడు శ్రీదేవి అయితే బావుంటుంది  అని అంతా భావించారు. ఎందుకంటే ఈ చిత్రంలో హీరోయిన్ పాత్ర పోలీస్ ఆఫీసర్. కాస్త పొగరుగా నటించాలి. శ్రీదేవి అయితే బావుంటుంది అని పరుచూరి బ్రదర్స్ వెళ్లి కథ వినిపించారు. కానీ శ్రీదేవి బిహేవ్ చేసిన విధానానికి పరుచూరి బ్రదర్స్ షాక్ అయ్యారట. 

sridevi

సినిమా చేస్తాను కానీ ఒక కండిషన్.. మూవీ టైటిల్ లో నా పాత్ర పేరు కూడా ఉండాలి. కొండవీటి రాణి అని పెడతారో మరోలా పెడతారో మీ ఇష్టం. నా పాత్ర పేరు కూడా ఉంటేనే ఈ చిత్రం చేస్తాను అని చెప్పారట. అంతపెద్ద మాస్ హీరోకి ప్రాధాన్యతలేకుండా టైటిల్ పెట్టడం కష్టం అని చెప్పారట. అలా అయితే ఈ చిత్రం చేయలేను అని శ్రీదేవి రిజెక్ట్ చేసింది. 

దీనితో పరుచూరి బ్రదర్స్ చేసేది లేక అదే కథని విజయశాంతికి విపించి ఓకె చేశారు. విజయశాంతితో పాటు ఈ చిత్రంలో రాధ కూడా హీరోయిన్ గా నటించింది. ఈ చిత్రం మెగా బ్లాక్ బస్టర్ హిట్ గా నిలిచింది. 

శ్రీదేవి తన చేజేతులా ఒక సూపర్ హిట్ చిత్రాన్ని వదులుకుంది. కానీ కొన్ని నెలల వ్యవధిలోనే చిరంజీవి, శ్రీదేవి కాంబినేషన్ లో జగదేక వీరుడు అతిలోక సుందరి చిత్రం వచ్చింది. సంచలనం సృష్టించిన ఆ చిత్రం ఇండస్ట్రీ హిట్ గా నిలిచింది. ఈ చిత్ర టైటిల్ లో శ్రీదేవి పాత్రకి కూడా ప్రాధాన్యత ఉంటుంది. ఈ చిత్రం నుంచే ఆమెని అతిలోక సుందరి అని పిలవడం ప్రారంభించారు.