సినిమా ఎన్నో ఆశ్చర్యాలకు నెలవు. కూతురిగా నటించిన నటితోనే జంటగా నటించిన ఎందరో హీరోలను చూసాం. అలాంటి ఓ వినూత్న జంట గురించి ఇప్పుడు తెలుసుకుందాం. భర్త తమ్ముడితో 14 సినిమాల్లో జంటగా నటించిన నటి గురించి ఇది. ఈ 14 సినిమాల్లో 10 సినిమాలు సూపర్ డూపర్ హిట్. ఈ సినిమాలే ఆమెకు లేడీ సూపర్ స్టార్ అనే బిరుదును తెచ్చిపెట్టాయి. ఆ నటి మరెవరో కాదు శ్రీదేవి.
24
లేడీ సూపర్ స్టార్ శ్రీదేవి
తమిళనాడులో పుట్టిన శ్రీదేవి, తమిళంతో పాటు బాలీవుడ్ లో కూడా ఎన్నో సినిమాల్లో నటించారు. 13 ఏళ్ల వయసులోనే 'మూండ్రు ముడిచు' సినిమాతో తెరంగేట్రం చేసిన శ్రీదేవి, రెండేళ్లలోనే స్టార్ హీరోయిన్ అయిపోయారు. శ్రీదేవి కెరీర్ లో మైలురాయిగా నిలిచిన సినిమా '16 వయసు '. భారతీరాజా దర్శకత్వంలో తెరకెక్కిన ఈ సినిమా తమిళంతో పాటు తెలుగు, హిందీ భాషల్లోనూ రీమేక్ అయ్యింది. హీరోలు మారినా హీరోయిన్ గా శ్రీదేవే కొనసాగారు.
34
Anil Kapoor, Sridevi
తెలుగులో రీమేక్ తర్వాత హిందీలో రీమేక్ చేసేందుకు భారతీరాజా శ్రీదేవిని పిలిచారు. అయిష్టంగానే ముంబై వెళ్లిన శ్రీదేవి అక్కడ కలల రాణిగా మారిపోయారు. తన జీవిత భాగస్వామిని కూడా బాలీవుడ్ లోనే ఎంచుకున్నారు. నిర్మాత బోనీ కపూర్ ని ప్రేమించి పెళ్లి చేసుకున్నారు. బాలీవుడ్ లో శ్రీదేవి ఎక్కువ సినిమాల్లో నటించిన హీరోల్లో అనిల్ కపూర్ ఒకరు. ఈయన మరెవరో కాదు శ్రీదేవి భర్త బోనీ కపూర్ తమ్ముడే.
44
Anil Kapoor, Sridevi
అనిల్ కపూర్ తో కలిసి మొత్తం 14 సినిమాల్లో నటించారు శ్రీదేవి. అందులో 10 సినిమాలు బాక్సాఫీస్ దగ్గర భారీ విజయం సాధించాయి. ఇందులో మరో ఆసక్తికర విషయం ఏంటంటే అనిల్ కపూర్ - శ్రీదేవి కాంబినేషన్ లో వచ్చిన చాలా సినిమాలను బోనీ కపూరే నిర్మించారు. వీరి కాంబినేషన్ లో వచ్చిన 'జూదాయి' సినిమా 1997లో విడుదలై 48 కోట్లకు పైగా వసూలు చేసి రికార్డు సృష్టించింది.
