తెలుగు రాష్ట్రాల్లో యువతని ఉర్రూతలూగించిన ఓ ఐటెం సాంగ్ లో శ్రీముఖికి అవకాశం వచ్చినట్లే వచ్చి చేజారిందట. దీని గురించి శ్రీముఖి ఓ ఇంటర్వ్యూలో అసలు విషయాలు రివీల్ చేసింది.
శ్రీముఖి గురించి పరిచయం అక్కర్లేదు. టాలీవుడ్ లో బ్యూటిఫుల్ యాంకర్ గా నటిగా శ్రీముఖి రాణిస్తోంది. గ్లామర్, చలాకీతనం ఆమెకి ఉన్న పెద్ద ప్లస్ పాయింట్స్. సినిమాల్లో అప్పుడప్పుడూ వస్తున్న ఆఫర్స్ ని ఉపయోగించుకుంటోంది. అయితే శ్రీముఖి సినిమాల్లో ఇంకా నెక్స్ట్ లెవల్ కి వెళ్ళలేదు.
అనసూయ కొన్ని చిత్రాల్లో స్పెషల్ సాంగ్స్ కూడా చేసింది. కానీ శ్రీముఖి చేయలేదు. అయితే తెలుగు రాష్ట్రాల్లో యువతని ఉర్రూతలూగించిన ఓ ఐటెం సాంగ్ లో శ్రీముఖికి అవకాశం వచ్చినట్లే వచ్చి చేజారిందట. దీని గురించి శ్రీముఖి ఓ ఇంటర్వ్యూలో అసలు విషయాలు రివీల్ చేసింది.
ఎవరైనా డైరెక్టర్ ఐటెం సాంగ్స్ కోసం అప్రోచ్ అయ్యారా అని యాంకర్ ప్రశ్నించగా శ్రీముఖి సమాధానం ఇచ్చింది. నాకు ఎక్స్ ఫోజింగ్ అతిగా చేయడం ఇష్టం ఉండదు. అవసరమైన మేరకు ఒకే. అందుకే నేను స్పెషల్ సాంగ్స్ కి దూరంగా ఉండేదాన్ని. డైరెక్టర్స్ కూడా నన్ను నేరుగా సంప్రదించలేదు.
అయితే ఒక సూపర్ హిట్ సాంగ్ మాత్రం మిస్ అయ్యా. రవితేజ క్రాక్ చిత్రంలో భూమ్ బద్దలు సాంగ్ నేను చేయాల్సింది అని శ్రీముఖి షాకింగ్ కామెంట్స్ చేసింది. ఆ సాంగ్ రిలీజ్ అయ్యాక ఒక ఈవెంట్ లో నేను పెర్ఫామ్ చేశాను. అప్పుడు డైరెక్టర్ గోపీచంద్ మలినేని నా దగ్గరకి వచ్చి.. ఫస్ట్ నేను ఈ సాంగ్ నీ తోనే చేయించాలని అనుకున్నా.
కానీ ఆ అమ్మాయి అంత ఎక్స్ ఫోజింగ్ చేయదు సర్ అని నాతో చాలా మంది అన్నారు. అందుకే అడగలేదు. అయ్యో సర్.. నన్ను అడిగి ఉండాల్సింది. నేను తప్పకుండా ఒప్పుకునేదాన్ని. నాకు ఈ సాంగ్ అంటే చాలా ఇష్టం అని చెప్పా. సరేలే భవిష్యత్తులో ఏదైనా అవకాశం ఉంటే చెప్తాను అని అన్నారు.
బాగా గుర్తింపు తెచ్చిపెట్టే ఐటెం సాంగ్ అయితే చేయడానికి తనకు ఎలాంటి ఇబ్బంది లేదని శ్రీముఖి పేర్కొంది. శ్రీముఖి కనుక ఆ సాంగ్ చేసి ఉంటే థియేటర్స్ టాప్ లేచిపోయేవి అని నెటిజన్లు కామెంట్స్ చేస్తున్నారు. ఈ సాంగ్ లో పెర్ఫామ్ చేసిన అప్సర రాణి కూడా అదరగొట్టేసింది.