పుష్ప 2 తర్వాత పెరిగిన జోష్.. అన్నదమ్ములు ఇద్దరితో శ్రీలీల రొమాన్స్

పెళ్ళిసందD చిత్రంతో శ్రీలీల టాలీవుడ్ లోకి మెరుపులా దూసుకు వచ్చింది. ధమాకా చిత్రంతో శ్రీలీల పేరు మారుమోగింది. ఆమె డ్యాన్స్, క్యూట్ నెస్ తో ఆడియన్స్ ఫిదా అయ్యారు. ఎలాంటి తడబాటు లేకుండా అందంగా డ్యాన్స్ చేస్తుండడం, ధమాకా చిత్రం బ్లాక్ బస్టర్ హిట్ కావడంతో శ్రీలీల టాలీవుడ్ లో మోస్ట్ వాంటెండ్ హీరోయిన్ గా మారిపోయింది. 

కానీ ఆ తర్వాత శ్రీలీలకి ఫ్లాపులు ఎదురయ్యాయి. అయినప్పటికీ మహేష్ బాబు సరసన గుంటూరు కారం చిత్రంలో నటించే ఛాన్స్ దక్కించుకుంది. శ్రీలీలకి అది బిగ్గెస్ట్ ఆఫర్. కానీ ఆ చిత్రం కూడా ఆశించిన స్థాయిలో రాణించలేదు. దీనితో శ్రీలీల కెరీర్ జోరు తగ్గుతోంది అనుకుంటున్న తరుణంలో పుష్ప 2 చిత్రంలో శ్రీలీల ఐటెం సాంగ్ చేసింది. 

SreLeela

పుష్ప 2 ఐటెం సాంగ్ శ్రీలీల కెరీర్ కి జోష్ పెంచింది అని చెప్పొచ్చు. నేషనల్ వైడ్ గా శ్రీలీలకి పాపులారిటీ పెరిగేలా చేసింది ఈ చిత్రం. శ్రీలీల తదుపరి చిత్రాల గురించి క్రేజీ న్యూస్ బయటకి వచ్చింది. అక్కినేని వారసుడు అఖిక్ అక్కినేని కెరీర్ ఆరంభం నుంచి ఒక్క హిట్ కూడా లేకుండా ఇబ్బంది పడుతున్నాడు. చివరగా నటించిన ఏజెంట్ చిత్రం బాక్సాఫీస్ వద్ద ఢమాల్ అంది. 

దీనితో అఖిల్ కొంత గ్యాప్ తీసుకుని తదుపరి చిత్రానికి రెడీ అవుతున్నాడు. వినరో భాగ్యము విష్ణుకథ చిత్ర దర్శకుడు మురళి కిషోర్ దర్శకత్వంలో అఖిల్ తదుపరి చిత్రం ఉండబోతోంది. అన్నపూర్ణ స్టూడియోస్, సితార ఎంటర్టైన్మెంట్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి. ఈ చిత్రంలో హీరోయిన్ గా శ్రీలీల ఎంపికైనట్లు తెలుస్తోంది. త్వరలో అధికారికంగా ఈ చిత్రాన్ని అనౌన్స్ చేయనున్నారు. 

అదే విధంగా అక్కినేని నాగ చైతన్య తదుపరి చిత్రంలో కూడా శ్రీలీలనే హీరోయిన్ గా ఫిక్స్ అయిందట. విరూపాక్ష దర్శకుడు కార్తీక్ దర్శకత్వంలో నాగ చైతన్య ఓ చిత్రం చేయబోతున్నారు. సూపర్ నేచురల్ అంశాలతో ఈ మూవీ ఉండబోతోంది. ఈ చిత్రంలో ముందుగా పూజా హెగ్డేని హీరోయిన్ గా అనుకున్నారు. ఆ తర్వాత మరికొందరి పేర్లు వినిపించాయి. చివరికి శ్రీలీల ఫిక్స్ అయినట్లు తెలుస్తోంది. మొత్తంగా ఒకేసారి శ్రీలీల అన్నదమ్ములు చైతు, అఖిల్ లతో రొమాన్స్ చేయబోతోంది అనే విషయంలో సినీ వర్గాల్లో ఆసక్తిగా మారింది.