టాలీవుడ్ యంగ్ సెన్సేషన్ శ్రీలీలా (Sreeleela) తనకు వచ్చిన లవ్ ప్రపోజల్స్ పై స్పందించింది. ‘స్కంద’ ప్రీ రిలీజ్ ఈవెంట్ వేదికన క్యూట్ రిప్లై ఇచ్చింది. ప్రస్తుతం ఆమె కామెంట్స్ నెట్టింట వైరల్ గా మారాయి. ఇంతకీ యంగ్ బ్యూటీ ఏమందంటే....
క్రేజీ హీరోయిన్ శ్రీలీలా టాలీవుడ్ ను ఏలుతున్న విషయం తెలిసిందే. ఏడేనిమిది చిత్రాల్లో స్టార్ హీరోలతో కలిసి నటిస్తున్న ఈ ముద్దుగుమ్మ ప్రస్తుతం టాలీవుడ్ లో సెన్సేషన్ గా మారింది. బిజీయెస్ట్ హీరోయిన్ గా తెలుగు చిత్ర పరిశ్రమలో సందడి చేసింది.
చివరిగా ఈ ముద్దుగుమ్మ ‘ధమకా’తో ప్రేక్షకుల ముందుకు వచ్చింది. భారీ సక్సెస్ ను అందుకుంది. ఆ తర్వాత ‘స్కంద’ చిత్రంతో ప్రేక్షకుల ముందుకు రాబోతోంది. రామ్ పోతినేని - బోయపాటి శ్రీనివాస్ కాంబోలో ఈ మూవీ రూపుదిద్దుకుంటోంది. సెప్టెంబర్ 15న పాన్ ఇండియా స్థాయిలో భారతీయ ప్రధాన భాషల్లో విడుదల కానుంది.
ఈ సందర్భంగా యూనిట్ ప్రమోషన్స్ ను జోరుగా నిర్వహిస్తోంది. నిన్న హైదరాబాద్ లోని హైటెక్ సిటీ శిల్పా కళా వేదికలో స్కంద ప్రీ రిలీజ్ ఈవెంట్ ను గ్రాండ్ గా నిర్వహించారు. ఈవెంట్ లో శ్రీలీలా ట్రెడిషనల్ లుక్ లో మెరిసి ఆకట్టుకుంది. అందరీ చూపు తనపైనే పడేలా చేసింది.
ఈవెంట్ లో శ్రీలీలా ప్రత్యేక ఆకర్షణగా నిలిచింది. వేదికపై పాట పాడి మరీ అభిమానులను ఫిదా చేసింది. అలాగే శ్రీలీలాకు ఈవెంట్ సందర్భంగా తనకు వచ్చిన లవ్ ప్రపోజల్స్ పై ప్రశ్న ఎదురైంది. స్టార్ యాంకర్ సుమ అడిగిన ఈ ప్రశ్నకు యంగ్ బ్యూటీ క్యూట్ ఆన్సర్ ఇచ్చింది.
శ్రీలీలా స్పందిస్తూ.. ఇప్పటి వరకు నాకు ఎలాంటి లవ్ ప్రపోజల్స్ రాలేదు. కానీ సెప్టెంబర్ 15న తర్వాత వస్తాయోమో.. అంటూ స్వీట్ రిప్లై ఇచ్చింది. ఈవెంట్ లో చాలా క్యూట్ గా మెదిలింది. సింపుల్ స్పీచ్ తోనూ ఆకట్టుకుంది. ప్రస్తుతం ఈ ముద్దుగుమ్మ ప్రసంగం నెట్టింట వైరల్ గా మారింది.
ఇక శ్రీలీలా ‘స్కంద’ తో పాటు ‘భగవంత్ కేసరి’, ‘ ఉస్తాద్ భగత్ సింగ్’, ‘గుంటూరు కారం’, ‘ఆదికేశవ’, ‘ఎక్స్ట్రాడినరీ మ్యాన్’, VD12, అనగనగ ఒక రాజు వంటి చిత్రాల్లో నటిస్తూ ఫుల్ బిజీగా ఉంది. ప్రస్తుతం ఒక్కో సినిమా విడుదలకు సిద్ధంగా ఉండటంతో ప్రమోషన్స్ లో సందడి చేస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి