కింగ్ నాగార్జున హోస్ట్ గా చేస్తున్న బిగ్ బాస్ సీజన్ 7లో ఎపిసోడ్ 69 కాస్త హాట్ హాట్ గా సాగింది. కెప్టెన్సీ కంటెండర్స్ టాస్క్ లో జరిగిన రచ్చే అందుకు కారణం. ఈ రోజు కూడా కొందరి ఇంటి సభ్యుల కుటుంబ సభ్యులు హౌస్ లోకి వచ్చారు.
కింగ్ నాగార్జున హోస్ట్ గా చేస్తున్న బిగ్ బాస్ సీజన్ 7లో ఎపిసోడ్ 69 కాస్త హాట్ హాట్ గా సాగింది. కెప్టెన్సీ కంటెండర్స్ టాస్క్ లో జరిగిన రచ్చే అందుకు కారణం. ఈ రోజు కూడా కొందరి ఇంటి సభ్యుల కుటుంబ సభ్యులు హౌస్ లోకి వచ్చారు. రతికా వాళ్ళ ఫాదర్, ప్రశాంత్ వాళ్ళ నాన్న హౌస్ లోకి అడుగుపెట్టారు. దీనితో హౌస్ లో భావోద్వేగ సన్నివేశాలు చోటు చేసుకున్నాయి.
ఆ తర్వాతే అసలు రచ్చ మొదలైంది. బిగ్ బాస్ కెప్టెన్సీ కంటెండర్స్ టాస్క్ ప్రకటించారు. ఈ టాస్క్ ప్రకారం ఇంటి సభ్యుల ఫోటోలు ఉంచిన బేబీ టాయ్స్ టేబుల్ పై ఉంటాయి. బేబీ సౌండ్ వచ్చినప్పుడు ఇంటి సభ్యులు తమ ఫోటో ఉన్న టాయ్ కాకుండా మరొక టాయ్ తీసుకుని బేబీ కేర్ లోపలకి వెళ్ళాలి. ఎవరైతే చివర వెళతారో వారి చేతిలో ఉన్న టాయ్ కి ఎవరి ఫోటో ఉంటుందో వాళ్ళు గేమ్ నుంచి అవుట్.
మిగిలిన వాళ్ళు నెక్స్ట్ రౌండ్ కి కొనసాగుతారు. ఒక రౌండ్ లో రతిక టాయ్ అమర్ దగ్గర ఉంటుంది. ఇద్దరూ వెళ్లకుండా ఆగిపోతారు. దీనితో రతిక ఈ గేమ్ తనకి ఎంతో ముఖ్యం అని దయచేసి తనకోసం లోనికి వెళ్ళమని అడుక్కుంటుంది. నేను ఆల్రెడీ ఆ విధంగా త్యాగం చేసి అందరి దగ్గర తిట్లు తిన్నానని అమర్ అంటాడు. నీ కాళ్ళు పట్టుకోమన్నా పట్టుకుంటా అని రతికా మరింతగా అడుక్కుంటుంది.
దీనితో కరిగిపోయిన అమర్... రతిక కోసం వెళతాడు. అతడి బొమ్మ బయటే ఉండడంతో గేమ్ నుంచి అవుట్ అవుతాడు. అమర్ ని అడుక్కుని మరీ ముంచేసిన రతికా ఆ తర్వాతి రౌండ్ లోనే ఆమె కూడా అవుట్ అవుతుంది. అప్పుడు అమర్ ఆమె వంక చూసే చూపు చాలా ఫన్నీగా ఉంటుంది.
ఇక గేమ్ చివర్లో గౌతమ్, శివాజీ, అర్జున్ మిగులుతారు. శివాజీకి గౌతమ్ బొమ్మ దొరుకుతుంది. శివాజీ వెళ్లకుండా బయటే ఉండిపోతాడు. దీనితో గౌతమ్ అవుట్ అవుతాడు. చివరకి శివాజీ, అర్జున్ మిగిలి కెప్టెన్సీ కంటెండర్స్ గా అర్హత పొందుతారు. శివాజీ చేసిన పనికి గౌతమ్ బాగా హర్ట్ అయ్యాడు. దీనితో శివాజీ కావాలనే తనని టార్గెట్ చేశాడని గౌతమ్ కి కోపం వస్తుంది వాళ్ళిద్దరి వాగ్వాదం చాలా భయంకరంగా సాగుతుంది. గట్టిగా అరుచుకుంటూ ఒకరి మీదికి ఒకరు దూకేంతగా వెళ్తారు.
శివాజీ ప్రతి సారి తనని టార్గెట్ చేస్తున్నారని తాను హౌస్ లో ఉండనని మైక్ విసిరికొట్టి గేట్స్ వైపు వెళతాడు. గేట్లని గట్టిగా కొడుతూ తాను వెళ్లిపోతానని అరుస్తాడు. శోభా శెట్టి వచ్చి అతడిని సముదయిస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి